عبدالله علوش و سعد علوش بارعين جدًا في وصف الحاله الإجتماعيه بشكل دقيق و حقيقي و بـ صوره شعريّه :
"أشوف الغبي واثق ، و أشوف الذكي شكاك
و أشوف اللي أذكى من الذكي شايف و ساكت"
سعد علوش
"لكّعتنا سود الأيام و نعرف اللكيع
ونتغيشم ولا حنا ما حنا بـ غشما"
عبدالله بن علوش
يقولون من خاف القضا جنّب المحراف
تركّد على عمرك ترى العمر له قيمه
وانا اقول ماتسلم من الموت ياخوّاف
لو إنك تموت بدون طقّه وتعليمه
ذليله حياة اللي مايعرف ولا ينشاف
لو إنه بخير ونعمه وراحه مقيمه
عساها فدا راسي وانا اعدي المشراف
اناطح مقاديم السحاب بـ مقاديمه
الله يجيرك من الصكات ياراسي
ماكل ماشفت من راس تحسي حسوه
.
راسً من العز متمكن ومتواسي
وراسً من الذل لا قوه ولا كسوه
.
وان كانت الذكريات تذكر الناسي
في كل قدوه من العالم تجيك اسوه
.
الله يسامح مشاعر قلبي القاسي
قسى على ناس ماتستاهل القسوه
يا قلبي الممتلي حب وبياض ورشاد
لو اعطي الناس فرصه تقتلك ؟ تقتلك
حقك علي ما يجيك الحقد ولا السواد
وتعيش عيشة ملك وتموت موتة ملك
واذا اخذلوك العباد او اخذلتك البلاد
لك رب يا قلبي المكلوم .. ما يخذلك
ارم الهموم القديمه والهموم الجداد
وتعال تحت المطر خل المطر يغسلك