مرّ طيفك وانتشى فيني سجودي
واحتواني الشوق وأحرقني التذكر
ما نسيتك وأنت منّي في وجودي
كيف أنسى والهوى فيني تجسّر؟
يا غرامٍ ما عرف درب الصدودي
يا دفى عمرٍ على قربك تبخر
كيف أنام ونسمةٍ منك وجودي
وانت حلمي لا غفى بالي وتكرر
يا حكاية صمتي ودمعة خفودي
حبك بقلبي مثل ما هو ما تغير .
• أنا معك عن باقي الناس مشغول
وأحن لك وأحتاجك أكثر من أول
-
والله ولو أعيش عمري مية حول
قلبي لغيرك مستحيل يتحول
باب الغلا لجلك محصن ومقفول
حتى ولو غيرك طرقه وتسول
أيحاولون بيدخلونه وأنا اقول
مافيه أمل الوضع هذا مطول
يمكن تنساني .. بعد عدة اعوام
ويمكن بحب الغير قلبك يليني
يمكن مع غيري .. تبي تعيد الايام
و تعيد حكيٍ يومها انقال فيني
جفت على درب الهوى كل الاقلام
و اعيش كل اللي بقى من سنيني