نوره

[نوره @euixte]

﴿ كلُّ نَفسٍ ذائقةُ المَوتْ ﴾
اللهم ارحمني حين ترفع روحي إليك
و سخر لي من يدعوا لي بعد موتي

[نوره @euixte]

مرّ في بالي شريطٍ فيه من عمري مواري
يشبه السنين وعثرة اليأس الأخيرة

مو غريب إن السكون يجول في سكّة نهاري
الغريب إن الصخب في ليلي أحداثه كثيرة

بين صدفة جابها العمر ووداعٍ بأختياري
ما عرف قلبي يطيع الواقع أو يرضي ضميره

ودي أقسى ودي أنسى ودي أرسى في مساري
وأمسك يدين اليقين اللي تخافه كل حيره

لليال الذكريات ولصباحات الطواري
وللعبور التضحيات ولسنين البعد خيرة

العمر ما هو مشاورني ولا هو رهن لقراري
العمر يمضي وسيف الوقت ما يحضن جفيره

[نوره @euixte]

عفى الله عن صدرٍ من الوقت لو ينهار
مايشكي مُعاناته على بعيد وقريّب

ليا حس في حزنه توارى عن الانظار
ولا يوقع من همومه وضيقه قريّب

معه قلب ذيب ونفس طير وعزم واصرار
ومعه حسن خلقٍ لا يعذرب ولا يعيّب

لو تحطه الاقدار ما بين نار وغار
ماهوب متردي كان ماهوب متطيّب

[نوره @euixte]

يلومون الصبور إن ملّ من صبره و أنا ما ألوم
من اشقاه الثبات و هدّت ظروف الزمن حيله

سواءً منتصر في معركة الأيام أو مهزوم
لا زال بحاجة الإنسان لـ أي إنسان يشكي له

و لكن لا لقيت الناس حمّالة حطب و هموم
لا يقرب سرك من البير و ارشاه و محاحيله

متاهة صدرك أولى و الليالي غيبها معلوم
مع اللي بـ أمره يساق السحاب و يندرج سيله

عن أسرار العباد تضج الألسن و العزيز يشوم
و أنا أكثر ما ابغضه فـ الحكي تحريفه و تأويله

من أوغل فـ الحقايق و أنصدم فـ الواقع المشؤوم
ما عاد يفكر يسولف لـ أحد بـ أصغر تفاصيله

ما عرّضنا مغاليق الضماير بيعة أول سوم
لها الله لا أستضاقت من غثا الوقت و غرابيله

لو إن أحيان تصعب وقفة الخاطر على الحلقوم
عسى ما فات من عمرٍ مضى فدوة مقابيله

و عسانا لا عطينا السر أحد ينساه ثاني يوم
ما هو ينساه لا من حبنا و إن عاف يطري له

[نوره @euixte]

عزاي إني على قيد الأمل لو السنين تميل
مثل شمسٍ تعدّاها المغيب وتنتظر بكره

[نوره @euixte]

البربره الزايده ما تورث إلا الحسايف

[نوره @euixte]

والله أن صدري معافى وخافقي نظيف
لو أشوف الحزن في عين حسادي زعلت

الملامح بعض الأحيان تظهرني عنيف
ولا أنا بالكلمة الطيبة ما قد بخلت

أقبل بوجهِ يشرّف ومنطوق عفيف
ولا لقيت اللي ينقص من حضوري رحلت

اتعدا عن عيوب البشر كنّي كفيف
وأن تبين شي للعين جنبت وغفلت

[نوره @euixte]

تزاحمت حول الظنون المعاذير
وفضلت عن كثر الكلام إنعزالي

ما عاد أصدق سالفة سرّك في بير
قطعت عن بير السوالف حبالي

أسجّ من تفكير وأرجع لـ تفكير
وأبرك رحالي وأشدد رحالي

إن زانت الأخلاق تنبت نواوير
وإن شانت الأخلاق زعّلت غالي

[نوره @euixte]

انا الهادي الي ماشكى جورة الخلان
يشوف الخطا ويصد ماجادل اصحابه

[نوره @euixte]

كُل شي قابل للإرجاع والتعديل والعفو
والصفح مره وثلاث إلا النفس إذا طابت

[نوره @euixte]

عفى الله دربٍ مشيته ما حشم جرَّة أقدامي

[نوره @euixte]

خابت ظنون الهوى وخاب ظني وظنه
والهوى ماجا على ودّه ولا على ودّي

[نوره @euixte]

الكلمه اللي ماتجملنا على وجه العموم
ابرك لها تقعد وشرهتها على حنجورها

اليا سكتنا ماسكتنا الا على شان السلوم
وان شانت الدعوه ضربناها على دنقورها

اليا قعدنا تقعد الدنيا ولاقمنا تقوم
مالله خلقنا نرضي العالم وناخذ شورها

[نوره @euixte]

لا طاح معكاز الهقاوي على القاع
اثبت على ساق الصبر في محلك

[نوره @euixte]

ولا غيرك يداريني ويسأل راضي أو زعلان ويمسح دمعتي ويلعن ثوى من هو ينزلها

[نوره @euixte]

اللهم ارحمها واغفر لها و عافها وأعف عنها اللهم اجعل ما أصابها تكفيرًا لها اللهم جازها بالحسنات إحسانا و بالسيئات عفواً وغفرانا اللهم اجعل قبرها روضة من رياض الجنة اللهم اجعل الفردوس الأعلى دارها و قرارها
#نوف_العصيمي

[نوره @euixte]

أسأل الله أن يغفر لها ويرحمها ويجعل ما أصابها تكفير ورفعةً بالدرجات وأن يجعل قبرها روضةً
من رياض الجنه ويثبتها عند السؤال
اللهم إنها ضيفتك وأنت أكرم الأكرمين
اللهم أجعلهم ممن يقال لهم
أدخلو الجنه لا خوفٌ عليكم ولا أنتم تحزنون
#نوف_العصيمي

[نوره @euixte]

أعوذ بك ربِّي من الخوف ومن الوسواس
و من حاجةٍ مالي بها قوّه ولا حيله

فيك الرِّجى ما خاب يارب الفلق والنَّاس
و منك الأمل ما مات لا لحظه ولا ليله

أنت اليقين الِّلي قطع حبل الجزع واليأس
و أنت الأمان الِّلي بخوفي دايم أشكي له

[نوره @euixte]

العمر تمضي سنينه والفرص فوّاته
ومن تفوته فرصةٍ بيعيش في حسرتها

مابه أحدٍ جاته الدنيا على مشهاته
لو يصعّر خده ويمشي على جرتها

دام ربي باسطٍ لك فضله وخيراته
وش تبي بالحاجه اللي منت في حاجتها

[نوره @euixte]

الحيَ يحييك

[نوره @euixte]

مثل إللي متلهّف تضمه وصافحك