Re

" انثر شتاتي "

[Re @ev9oi]

ولو اني أستحق من يتباهى فيني
صبح وعشيّة
الا اني كنزٍ مايضيع ، وسرٍ مايذاع

[Re @ev9oi]

ربيت في حضنك على عزّ ودلال
ولا حاجةٍ في خاطري خليتها

ما والله أذكر بـ يوم مديت العقال
ولا جرحت عيـوني و بكيـتها

دلعتني لين أنغمر فيني الدّلال
وتفرعنّت شقاوتي و أطغيتها

[Re @ev9oi]

أناظر فـ السما و أقول يا رب السما والقاع
عسى إللي صار تكفيرة ذنوب و فاتحة توبه

غريبه ! كيف راودك الندم : يا بنادم الطمّاع
يادوب النفس نالت ماتبي و القلب يا دوبه

همومي واجد ، و زلاتي كثيره ، وعمري ضاع
و صبري : لا يزال يطارد الآمال بـ أعجوبه

[Re @ev9oi]

@fl1rri مبروك ياروووح الروح❤️

[Re @ev9oi]

اول مره احس بمشاعر مصيرية فعلاً😔

[Re @ev9oi]

التعامل يوم جرّبته بـ شتى أنواعه
والله إني مالقيت أفضل من الرسمية

[Re @ev9oi]

صباح الخير أمّا بعد:
"فوّضت لك يا خالقي .. دقّ الامور وجلّها"

[Re @ev9oi]

أبسط حقوقي شجاعٍ مايخيب ظني
إبلجٍ لا من نصيته قال ، أنا من دونك

كل ما يلمح دمع عيني يقوم يغني
( كل حاجه هيّنه إلا دموع عيونك )

[Re @ev9oi]

اللي نمشيها سنه بالمداراة
يحوسها القولون في ربع ساعه

[Re @ev9oi]

صباح إللي تايهٍ بين كومة أفكاااره

[Re @ev9oi]

تنفس الصبح والنور ابتدا بالظهور
وانا على جلسة البارح ما غيّرتها

افكاري تدور والدنيا .. تلف و تدور
ولا فيه ذكرى قديمه ما تذكرتها

اعيش في حالة استنكار ذات وشعور
وصلت نقطه غريبه ما تصوّرتها

احس روحي لحقها قل جهد و فتور
من كثر ما احترت فأحلامي وحيّرتها

[Re @ev9oi]

يانجد فارسك البطل راجع لـعرشك من جديد
💛💙💛💙💛💙💛

[Re @ev9oi]

تزاحمت حول الظنون المعاذيّر
وفضلت عن كثر الكلام إنعزالي

ماعاد أصدق سالفة سرك فبيّر
قطعت عن بير السوالف حبالي

أسجّ من تفكير وأرجع لتفكيّر
وأبرك رحالي وأشدد رحالي

إن زانت الأخلاق تنبت نواويّر
وإن شانت الأخلاق زعلت غالي

[Re @ev9oi]

يعم الهدوء ويستثير السكون الصوت
وأنا بين صوت العقل وأحساسي الجايش

ما ضيعني وذوقني الموت قبل أموت
إلا عقلي المتحرّص وقلبي الطايش

أشوف الحياه جنازةٍ في بطن تابوت
لكني رغم كل الصعوبات متعايش

ترا ما أصعب من الموت واللي خلاف الموت
« إلا الفتره اللي لا أنت ميت .. ولا عايش »

[Re @ev9oi]

مادريت أن إجتياح المجاريح إجتياح
ياطريح ألزم فراشك وخلك ياطريح

الحياة أحلامها تذهب أدراج الرياح
توهمك بأشيا تكوّن على البال وتبيح

[Re @ev9oi]

ماعدت ارتاح في طبع المجامل واللطافة
بديت أنفر من الحكي المبجّل والمهذّب

أنا بيني وبين الناس « فجوات و مسافة »
وأخاف من الخداع إليا فضح وجه المكذّب

ترى فيني من اللوعات والرهبة … جلافة
تخليني بليد احساس لوّ اني .. مُعذّب

[Re @ev9oi]

أحمد الله وأشكره والأدمي وش ودّه
غير سيلٍ تحت رجلينه ووبلٍ فوقه

السحابة تنطح الأخرى وهي مسودّه
والسماء ماكنها إلا قربةٍ مشقوقة

[Re @ev9oi]

﴿ وَ لَيَالٍ عَشْرٍ ﴾
ربي إجعل أجورنا بھا لا تُعد و بلغّنا ليلة القدر
اللّهُم أجعل لنا في العشر الآواخر نصيباً من الرحمة
والمغفرة و أقدار جميلة و دعوة مُستجابة

[Re @ev9oi]

أقدر أغير فيني أشباه
وأضداد
إلا «الوطن»
والأسم
والحب ما أقدر
وما للمحبة موت واضح وميلاد
لاجيت أصغر قيمة الحب يكبر!
هواك ما ينقص مع الوقت يزداد
كل ما تعتق
-يذهب العقل أكثر-

[Re @ev9oi]

والله إن ماهوب حملٍ تضيق به المتون
أو بعض حكيٍ أقوله لا قالوا لي قِله

واحدٍ يدري وش أسباب ضيقاته يهون
البلا في اللي ما يدري وش اللي مِثقله

[Re @ev9oi]

واجعل مسعاي إلى خيرٍ سعيد وصُنعٍ حَميد
وعملٍ سديد وفعلٍ رشيد وأثرٍ مديد