ورد

انا وبس

[ورد @eventna]

@Sarah_Early_Ed معلمة الاركان عند ولدي عودتهم اذا خلصوا وقت الأركان تشغل لهم انشودة عن الترتيب ويقومون كل الفصل يرجعون الالعاب اللي استخدموها لمكانها ويتعاونون ويرددون الانشودة ثم يصفون طابور للفصل

[ورد @eventna]

@JAH_994 @Sarah_Early_Ed ماقالت فضفضة قالت سوالف يوميه وتراهم بالسيارة يعني محشورين مع بعض وش يسوون يسكتون ؟
ترا لصحتها النفسية لازم تسولف وتثرثر من يسمعها ترا السماع ما يتعب ولا هو مجهود ولا يضر بس اذا شريك حياة مو متحمل يسمع مصيبة

[ورد @eventna]

@Dracarys6600 @Sarah_Early_Ed حرااام
الكلام لغة وتعبير اصلا من السوالف والتفاصيل يمكن تكتشف مشاكل للطفل يخفيها او يخجل منها
اذا الطفل ما يقدر ينطلق بالسوالف ولازم يوزن كلامه ويقيمه قبل يقوله ؟ اجل ترا بيصير صندوق اسود محد يدري عن مشاكله ويعاني لحاله ويكبر مشوه في العلاقات

[ورد @eventna]

@Luckiest_Lady @Sarah_Early_Ed تقول في سيارة طريق نقعد ساكتين ؟
بنثرثر نقطع الوقت واشتته عن نرفزة الزحمة وحتى لو سوالفي مالها فايدة من حسن العشرة يسمع ويسلك اصلا المرأة تحتاج تثرثر وتهذر لصحتها النفسية اذا هو شريك حياتها ما يسمع من يسمع لها ؟
رحمتها والله كسر خاطرها ومستقبلها معه

[ورد @eventna]

@Sarah_Early_Ed الرسول عليه الصلاة والسلام سمع من عائشة حديث ام زرع الطوييييل وعلق تعليق واحد مركز في السالفة ماقال موضوع ما يعنيني وهو نبي وقائد الأمة
الناس ترتاح للي يسمع لهم ويتفاعل معهم
بعدين المرأة لازم تتكلم في اليوم كثير اذا ما تكلمت ترا صحتها تتضرر ونفسيتها (رفقا بالقوارير)

[ورد @eventna]

@helloeveryone93 @ill996_ @Sarah_Early_Ed انا احس الاب اذا جا برغبة يعتني بالبيبي اي او اذا متربي كذا يشوف ابوه يهتم بالاطفال
اما يجي رجال كبير ماعنده هالقناعة وانا اجبره على انه يعتني اقصد التفاصيل يصير يتأفف ويتضجر مره ما ارتاح انا

[ورد @eventna]

@ill996_ @helloeveryone93 @Sarah_Early_Ed احس مو وقت الفعاليات
اذا طالعة بعد نفاس بروح مكان طبيعي ريفي استجمام وهدوء ورواق وعادي بعيش يومي معه ناخذ سكن مريح وفاخر ونطلع ابوساعتين مرتين باليوم ونرجع
اذا طفلي معي احس بهدوء وسكينة وراحة نفسية مع اني لو بتركه عند امي وخواتي بيشيلون بعيونهم بس احس كأني تاركه قطعة مني

[ورد @eventna]

@wasq00 والله كنا ناخذ مفرش واحد وناخذ شيء فندقي ساده ونحطه على جنب علشان بشهر العسل نبدل المفرش احس عادي مو شيء غالي ولا مكلف ولاهو اثاث عموما هي قناعات بس يعني اتوقع هو يشتري واحد فقط

[ورد @eventna]

@whilebrowsing @Mamakhulud لانه مكبوت بشقه يطول ايام ما يشوف الشمس ولا يركض على الارض ولا يقدر يعبر عن نفسه بشكل صحيح

[ورد @eventna]

@qan2017 @Mamakhulud صراحة خليك واثقة انت ما اخطيتي لو انا مكانك ااشر لها 🤌🏻
واصد عنها واتركها تهاوش الجدار بس ماراح اهرب اطفالنا ما نقدر نتحكم فيهم بريموت نسكتهم لكن فيه مواقف لازم الجميع يتحمل الاطفال طبيعتهم يلعبون يتهاوشون يتحركون

[ورد @eventna]

@Mamakhulud بنتي كانت لما اقول لها هذا خاص بالعايلة مررره تحفظ السر ولا يطلع منها واثق فيها
لكن لما وصلت لمرحلة المراهقة صارت تكب العشاء عند بنات اخواني وخواتي ما كنت اتوقع اونصدمت كثير صرت ااكد عدة مرات على بعض الامور ما تقولين لاحد حتى الجدار ما تقولين له تعبتني

[ورد @eventna]

@8uug_ لو انا مكانهم اجلس سنة وانا كلما شفته اردد سؤال متأكد انه ولد ؟ متأكد ؟ احس شكله بنت !
اخليه يحرم يعيدها ههههههه

[ورد @eventna]

@Sarah_Early_Ed الاولاد ما ينفع معهم غير اللي يضربك اضربه واصرخ عليه بعد هذا افضل اسلوب مع الاطفال لانهم يضربون المره الاولى يجس النبض يشوف ردة الفعل اهم شيء وصيتي لأولادي ما يضرب على الوجه فقط الظهر او الكتف ويضرب بيده ولا يدفعه للارض

البنات اللي تبكي بصوت عالي يخافوا منها هم يأذون بالكلام بس

[ورد @eventna]

@B941O @M_ttow المقصد شوي تخطيط لاجل صحتهم

[ورد @eventna]

@B941O @M_ttow فعلا لو يشرب حليب في البيت كافي
حسب جو الطفل وبعد يختار وجبته بنفسه افضل حسب خيارات نحددها
لكن ما نجمع كل محتويات الوجبة سكر وزيت مهدرج
يعني نقدر نستبدل البسكوت فيه بساكيت بالشوفان فيه بسكوت لواكر بدون زيوت مهدرجة وكمية سكر معقولة العصير طبيعي الخبز نحط فيه بروتين مثل فول سوداني

[ورد @eventna]

@lii28__ @byherchoice هي عادات فعلا بس تصير بين الاخوات يتبادلون ملابس الاطفال اللي صغرت عليهم وهي غالية وفخمه لكن زوجة الولد مو شرط تتقبل
انا نفسي ما احب احد يهديني ملابس
وانا بس اهدي اما ذهب او فلوس او العاب واكل او تحفه

[ورد @eventna]

@AFR_99ah @sarah_bahowerth ترا احيانا الطفل من سن ٤ الى ٦ اشهر تقدرين تعودينه على نكهات
طبعا فقط تذوق واشياء يكون قوامها قابل للبلع بدون مضغ وتكون طبيعية بدون سكر وملح وبهار
ولما يبدا ياكل يعني كل وجبة تحطينها لكم خليه ياكل ويتذوق معك وانتقي المناسب له لازم التذوق من الصغر يتشكل علشان يتقبل الطعام الطبيعي

[ورد @eventna]

@Abooryahmad @sarah_bahowerth @Sarah_Early_Ed لا افراط ولا تفريط
انا امنع عنهم الشبسات بس مره لما يروح بقالة ويشتهي اقول خذ واحد يرجع ياكله ويخلص وبس اذا ياكل فواكه وخضار بتمتص السموم
احب اوفر بساكيت محتوياتها نظيفة واسمح بقطعة واحده باليوم
ووجباتنا اطبخها بمحتويات صحية ومره بالاسبوع نجيب من مطعم عادي لا ينحرمون

[ورد @eventna]

@hadilensb @M_ttow حسب البيئة اتوقع انهم بقرية او محافظة غلط تحطين الطفل بموقف سخرية مو مشكلة كيس ولا بوكس اهم شيء ياكل والحمدلله