ِ

[ِ @eworkj]

وصالك قنادٍ ضارمٍ عنده الملتاع
يقنّد بصدق الشوق ماهوب ب عويدي

[ِ @eworkj]

غرام غيرك حرام و حبك .. محـلل
يا أحلى من السكر في اخر الشاهي

[ِ @eworkj]

حبيبي لو تضيق الأرض وصدور العباد تضيق
يعز إنك علي ��ن الزعل تقطع مراسيلك 

أنا يا مرهف الاحساس مدري يا سُلاف الريق
بصدري ودي أضمك عن الأحزان وأشيلك 

عليك أخاف من جرح الكلام و لوعة التدقيق
وأحنك من قساي ومن قسى الأيام و آوي لك

[ِ @eworkj]

تسجّ القلوب و كل ذكرى تجي و تروح
و ذكراك في قلبي .. مثل يوم ميلادي

[ِ @eworkj]

من دورة العام أعْرف يوم ميلادي
ويمّرني يوم موتي.. بس ما أعرفَه

[ِ @eworkj]

لو كل كلمه ليا جتنا طردناها
بعنا الثمينه بسعر مايخارجها

[ِ @eworkj]

ماجاتنا الدنيا على كفوف الراحه
دايم نصاليها على واهج القيض

[ِ @eworkj]

نروي مواطيها بدم الرعاديد
و اللي طمع فيها دفناه فيها
#اليوم_الوطني_السعودي_٩٦

[ِ @eworkj]

فؤادي يبي وصلك و عقلي يبي فرقاك
و عقلي عنيد و لا هو اعند من فؤادي

[ِ @eworkj]

يعم الهدوء ويستثير السكون الصوت
وأنا بين صوت العقل واحساسي الجايش

ماضيعني وذوقني الموت قبل أموت
الا عقلي المتحرّص وقلبي الطايش

أشوف الحياة جنازةٍ في بطن تابوت
لكني رغم كل الصعوبات ، متعايش

ترا ما أصعب من الموت واللي خلاف الموت
إلا الفترة اللي لا أنت ميت ولا عايش !

[ِ @eworkj]

يا كثر الفتن من غرتك لاسفل الاقدام
و جِهاد الفتى نفسه عليك أعظم جهاده

[ِ @eworkj]

خايف مواري حزني تبيّن وأشدّ الانتباه !
الله ولا عين التعاطف من معارف وزملا

[ِ @eworkj]

دخيل اللّٰه يا الهم القديم وخوفي من الجاي
تعدوا باب صدري واتركوني بس هالنوبه

[ِ @eworkj]

انا لي ورا نجد العذيه حشاشة جوف
لاهب الهوا من صوبها جيتها كلي

[ِ @eworkj]

كل عام والجنه لك دار و مقام
و كل عام و قبرك بالرحمه يعيم

اشتقنا لضحكة وجهك في كل عام
عسى عيدك عند الوالي جنات النعيم

[ِ @eworkj]

يا مهجة القلب مالي عن حنانك غناة
عن لوعة الفقد و صدوف الزمن خبّني

تستغرب الموت في وجهٍ مليته حياة !
و استغرب إنك تْخاف الموت وتحبني

[ِ @eworkj]

لا لقيت المعترض فالحلوق وف الدروب
ان تعديته قدا وان توطيته قدا

ما يفكّك من عفون العرب حسن السلوب
الردى حزات ماله علاج الا الردى

من يشوف الضعف منك ركب فوقك ركوب
ومن لقى فيك الظفر ما عدا ولا اعتدى

كان مافي الثوب رجال رحت بدون ثوب
وقام يطمع فيك حتى الذليل الريعدا