عبدالله الحبابي

[شامان بن وقيان @shaman1q]

أخاف لا أزعّله و أخاف لا أرضيه
في الحالتين أنا رهين الحسوفه

[عبدالله الحبابي @exit_888]

@shaman1q واذا درا اني مستحي منه لا اجيه
يزهم علي وين انت وجهك .. واشوفه

الله يصح لسانك يابو مسفر ولا يفرقككم 👏🏻👏🏻

[عبدالله الحبابي @exit_888]

@MBnradah حاولت فيهم من جميع الزوايا
وطاحو من عيوني وطاحو من إيدي ..

الله يصح لسسانك يابو سعيد 🙏🏻

[مبارك بن رادعه @MBnradah]

يـ كاتب المجد الحقيقي لـ قاريه
عندك مهمه وانت قد المهمه

علم من يحاول ، يحاول يجاريه
في كل علم وكل موقف وقمه

العز ، في وجهه تشعشع مواريه
واللي يهم الشعب كله ، يهمه

من حب شعبه له، يفاخر بـ طاريه
و من حبه لـ شعبه تبرع بـ دمه

#حملة_ولي_العهد_للتبرع_بالدم

[عبدالله بن دايس @QAbdullhsaad]

"
يكفي اللي سمعته يا عريب الجدود
كان باقي سوالف فـ الصدر بقّها

وش تبي فـ المحبه جعلها ما تعود
المحبه من عيونك خذت حقّها

صباح الخير يا رفاق .

[عبدالله بن دايس @QAbdullhsaad]

الله يغيث الهوى بـ النافع الصيّب
الحب نشفت عدود وانصرم عوده

من يوم ما غبت وانا شبه متغيّب
الونس مفقود والضحكات مفقوده

اللي بدر منك ما يخجل ولا يعيّب
لكن عثى في مزاجه وانقلب موده

الرجل لا صار متخاذل ومتسيّب
سمح لغيره معه (يتجاوز حدوده )

بنت الصبر والمجامل رأسها شيّب
وكبرت على غير مقصوده ومقصوده

ايلا ِبليت بـ رفيقً شبحه قريّب
حاول تجنّب مشاريهه ومنقوده

ولا يلحقك شك في الطيب ترى الطيب
الحاجه اللي تزودك كنّها تزوده

[عبدالله الحبابي @exit_888]

@QAbdullhsaad ايلا ِبليت بـ رفيقً شبحه قريّب
حاول تجنّب مشاريهه ومنقوده

الله يصح لسسانك ..

[مبارك بن رادعه @MBnradah]

الشعور الغريب
،
،

[عبدالله الحبابي @exit_888]

@shaman1q صدّقني القمّه إنها تتسع لـ الجميع
غير إجتهد لـ أجل تلحق من سبق واجتهد ..

👏🏻👏🏻👏🏻👏🏻

[شامان بن وقيان @shaman1q]

لا عاد تشكي من أعداء النجاح الفضيع
ما ودي يكون هذا اليوم تالي العهد

بحاول أداري شعورك قدر ما أستطيع
أدري بك تشوف نفسك شاعر و مضطهد

صدّقني القمّه إنها تتسع لـ الجميع
غير إجتهد لـ أجل تلحق من سبق و إجتهد

حياتك إختار وجهتها قبل لا تضيع
أمّا حياة الفهد ولّا حياة الفهد

[مبارك بن رادعه @MBnradah]

لاتبكين لامن غبت باليوم واليومين
ترى والله آن مـ اغلى من دموعك الا انتي

اهوّن على روحي معى كل ،، ليه ووين ؟
ولاهان عندي دمع عينك ولاهنتي

كبار الاسامي والبخت والجناب الزين
ماتقنعهم كبار المعاذير / يابنتي

[محسن بن مترك @aprvip]

يارب ياللي رحمتك تشمل وسترك راس مال
عفوك وغفرانك ولطف منك يارب الملا

انا مجاهد نفسي الإماره اللي لا تزال
تذنب واخاف انها مع الايام تاخذها حلا

نار الفتن قامت تواقد فالدقاق وفالجلال
وجهلو عواريف الرجال اللي ماكانو بـ جهلا

يالله دخيلك من حرام يمحق بركة الحلال
ومن منة الانذال والحاجه لاجل شرب وكلا

مايوجع زحول الرجال اللي يضدون الرجال
إلا الفقر لا ردهم لـ الهاويه بعد العلا

تجبرهم العازه على الصده وحب الانعزال
من موقف التقصير في واجب معارف وزملا

الوقت متغير وحتى الناس جا فيها هبال
متغيرين وكل شي شان يا داافع البلا

اللي من اول كنت اعده فالمواقف راس مال
ماعاد اعده راس مال ولاهو بـ مثل اولا

حتى الهبوب اللي تزيح الضيق لاجت من شمال
صارت تجيب الضيق معها من شمال ومن الى

وريمية الوادي ذعرها الصوت واخذتها الليال
من جوف صدرٍ ذيرت من مرتعه ريم الفلا

مدري خذاها الطيش من بعد القصايد والدلال
ولا تبي تقفي وتختبر المحبه والغلا

خلتني ابدع في مجال الفقد لا جاله مجال
واقاول المشراف والدربيل وفجوج الخلا

امر مدهال اللقى واقرى مراسيل الوصال
واعزم انساها ولا عزمت جددت الولا

ودي بعد طول البطى مره تعاود الاتصال
وتسمع قصيدة ،، ياحبيب الروح ،، قلبي ماسلا

وان شدة رحال الجفى لـ البعد شديت الرحال
و ودعتها اللي ماتضيع وداعته جل وعلا )؛

[عبدالله الحبابي @exit_888]

@shaman1q والله لأرثيك لين العاق يترك عقوقه
ويحمد نعمةٍ قدام عينه تهيّت ..

الله يوسع عليه ويصح لسانك 🙏🏻

[عبدالله الحبابي @exit_888]

@MBnradah ما يستفز الركود الا هبوب البراد
ولا يستفز القلوب الا غياب الوجيه

الله يصح لسانك يابو سعيد ..

[مبارك بن رادعه @MBnradah]

الشاعر ان ضاق صدره فضّل الابتعاد
ماهوب مادون / حلق الشاعر الا يديه
.
.

[عبدالله الحبابي @exit_888]

@shaman1q عليك أنت ياللي صار قبل أسمك المرحوم
سقى الله سنين الشيخ و الأسم طوّالي

الله يصح لسانك وجعله في جنات النععيم ..

[شامان بن وقيان @shaman1q]

ترا الموت عادي لكن الفقد مال القوم
وجودي وجودٍ ماله أوّل ولا تالي

[عبدالكريم البدراني @Kreem80]

مل قلبٍ يبدي الصبح ماذاق المبات
كـن قدامه عن النوم حراسٍ وقوف

[ناصر الوقيان @alnaser1222]

تم تنفيذ حكم القصاص على الجناه الغادرين بوالدنا
الشيخ مسفر بن ناصر بن وقيان رحمه الله في صباح هذا اليوم
السبت تاريخ ١٤٤٤/١٠/١٦هـ
ولا ننسى أن ندعي الله أن يرحم فقيدنا الغالي و ان ينزله منزلة الشهداء

#وفاة_الشيخ_مسفر_بن_وقيان #الشيخ_مسفر_بن_ناصر_بن_وقيان #الشيخ_مسفر_بن_وقيان

[شامان بن وقيان @shaman1q]

{ صوم القريحه }

الثقه نبراس الأمجاد و حزام الأمان
مستحيل الشك يغشى الوجيه الظافره