حُرية الفكر .. هي أبسط حقوق الحياة
والعاقل اللي يعرف " حدود حريته "
من سكر أبواب قلبه ، لا تفتش وراه
من حقه يعيش بالدنيا .. خصوصيته
فقير الأدراك .. أفعاله - تأكد رداه
تكشف لك أسراره السوده و ماهيته
«ما عشقت إلا المحبّة والتّسامح والمروّة
ولا كرهت إلا التّحاسد والتّباغض والتّجافي
الزمن جرحه يخلّي واعي الفكر يْتأوّه
لو معاليقه نظاف وقلبه مْع الوقت صافي»
يقول سلطان بن بشيّر :
أنا مع الضحك عندي نقص فالاكسجين
من يوم راحوا حبايب خاطري و رحلوا
وش يردع القلب عن كثر السهر والحنين
ليا وصل فالهوى لا آخر حدود الغلو
من بد كل الكلام انا انتظر كلمتين
لبيه واشتقت لك ماهوب وينك والو
دفاتر الصمت ماليها الكلام الحزين
لو رفّها فيه عطر وفيه وجهٍ حلو
له في وجيه العابرين وفـ الممر
طيفٍ .. يعاملني مثل ما آعامله
لو ما كمَل به نصف دين ولا عمر
لا زلت آداري خاطره .. وأجامله
في كل ليلة طاب لي فيها السمر
كنّه « يشكّلها » بـ روس آنامله
إن ما طغى نوره على نور القمر
عطاني المشهد بـ صورة كاملة
— عبدالله السراهيد
تخاطفتك عيون خلق الله سنين
يالين ماي العين من شوفك نشف
يا فارقه عن كل بنت و كل زين
تبسّم النويّر ، و الغيم اعترف
نارٍ تلضّى ، يوم سلسالك يبين
دامك من العفّه تشحّين بطرف
ما زيّنتك أغلى المضاعد واللجين
أنتي العيار اللي تكوّن من ترف
تعطيك الأيام فرصة لو تخون الظروف
والعاقل اللي ليا من جته ما طافته
الحظ لا جا بصفك مايطيل الوقوف
والوقت لا راح مايرجع وذي آفته
واللي ماشفته بوضح النور بين الحروف
منته بشايفه تحت أضوائك الخافته
لو يمهل الموت من له في حياته شفوف
مايمهل الحلم مرجينه ، وسوّافته