فَالح

ً

[فَالح @f43an]

ألا يانديبي من فوق عَمّليةٍ مطواع
شحمها يقضّ الكور من فوق غاربها

حويطيةٍ جتنا من الشام يوم تباع
وأبوها حويطي جيداتٍ مناسبها

عليها صبيٍ يقضي اللازمة بتّاع
صبيٍ يورد جابته ما يصوبها

جابر القت - رحمه الله - .

[فَالح @f43an]

بهجتي في عنقها الله لا يبيحه من عناقي
ما يكفرّ ذنبها إلا ذنبٍ يحبَب وقوعه

أدري إنه لو يحس بْـ ربع حزني وإشتياقي
ما تحمل جمرة الهجران في داخل ضلوعه

غفلة الأيام تسرقني وأنا ممّل وهاقي
والله إن احط في قبري ولا آيّس من رجوعه

[فَالح @f43an]

أنا قبل اعرفك كان قلبي عيوف وصاد
وبعدك ما صرت اعرف إلا الله يعينه

لكن الله أللي مكنّك والله أللي راد
تـخلـينه يحب الـحياه وتـخلـينه

[فَالح @f43an]

بين حنّة ذلول وبين هَلّ العباري
لي عنودٍ بقايا شَعرها في يديّة

أرحلت كنّ مابه خلف الأيّام ساري
وتّركتني ورى قضبان نجد العذيّة

[فَالح @f43an]

بدو هذا الحنين وضحكتك يا عاربه برّاق
تِشدّ إلها الضلوع وترقب العشّاق ماطرها

[فَالح @f43an]

طمية في لحظة الغروب .

[فَالح @f43an]

بعد كل هالتقدير والحب والإجلال
تغيـر وهقواته عليّه مغيرته

تكاثر علي الله يجازيه كيف الحال
وأنا يوم أسوق العمر له ما تكاثرته :(

[فَالح @f43an]

عدّتو على العيد والنهار السعيد .

[فَالح @f43an]

مبارك عليكم الشهر ، والله يجعلنا وإياكم من صوامه وقوامه .

[ابـو هَـلا @AbuHallaa]

- ولكن طالبك لا اقفيت عني لا تخليني

[فَالح @f43an]

بدويٍ على نجمك يسوق النجيبة
مرخصٍ لأجل ضحكة ليلتك كل غالي

[فَالح @f43an]

حرّصتني عن هوى غيرك وعلمتك
ماورّد الظاميات إلا على بيرك

أرتاح ما قلت احبك لين سلمتك
روحٍ ماهي خاينة لو خان تعبيرك

لو يلعب الخوف في شكك وفـ أوهمتك
ما يلعب الخوف في حبك وتقديرك

قد قلتها لك وعلمتك وفهمتك
بـ أموت ما قلتها عقبك لأحد غيرك

[فَالح @f43an]

والله إن مال روحي فالدروب عروش
ولا تبدّى الكلام ولا ظمأ مرّة

مير أنا طيّبٍ رأسي وراعي بوش
كلّ ما جدّ لْـ حقوق السماء جرّة

متجذِّر وأنا والله حفيد وحوش
لين ما فززتني عينك الحرّة

[فَالح @f43an]

قلت أجمع برد ليلي وهمّي وحطبي
قلتها وأقصى ضلوعي ذيابٍ عاوية

الشتاء يرثع ورى البال والليل يحبي
والطّعون أقفت فرادى وْجت متخاوية

[فَالح @f43an]

رميت لك وردة وطفّيت لك شمع
وشرعت صدري للغياب ونصيته

لقيت لك بعيوني البارحة دمع
واقف على باب الحنين وبكيته

[فَالح @f43an]

أتناسى ودي أنسى لكن ما فيه فود
ما يحس بْـ وجعة الفاقد إلا من فقد

أدري انها مانستني ولا عندي شْهود
غير عينٍ ما نستها وقلبٍ ما حقد

[فَالح @f43an]

إذا مال فرعك يا أتلع الجيد لك يمناي
نهارٍ يـمدّه فضل دارك وهيْبَتها

تحلويت طلعك لو مرارته فوق شفاي
وسرت فكرةٍ لاحت ظنونك وضمتها

تعالي فداك اللي مضى والزّمان الجاي
ودارٍ وراك حقوق ماها وغيمتها

وش أسوي بـ روحٍ عليها القدر جرّاي
إذا ما أحدٍ عقبك يعوّض خسارتها .

[فَالح @f43an]

وش طرق بالي إلّا لفح قيض وحسَايف
وأنت غصنك من العدّ الشمالي مندّى

قلت لي وش مخوّف قلبك وقلت خايف
عقب زادت عليك حقوق قلبي تردّى.