ما بالعيون الا الدموع اللي تفيض
وما بالبدن غير الضلوع الناحلة
من واحدٍ كنت ارفعه من الحضيض
يخطي وانا ادمح زلته واساحله
مع كل حسنى كان في ردّه نقيض
يا ليتني ما كنت من مراحله
لو المواقف ورد تقسيمه بغيض
لي ذابله مقسوم والفوّاح له
منّه تجرعت المرار المستفيض
كن الشهَد ما ذيق من مناحله
ولو العوض يرفع جناب المستعيض !!؟
عن باقي الرحلة عقلت الراحلة
أنا أعرف النور وأعرف الوميض
واعرف الأرض المثمرة والقاحلة
لو يكتب الاعذار بالخط العريض
كل النوارس هاجرت سواحله
الخاطر الطيب ماهو مثل المريض
وماعاد باقي له سوى اللي راح له
ارتحت له يوم القلوب البيض: بيض
الحين ما عندي مجال ارتاح له
#أحمد_مطلق
#الكويت إنتقل إلى رحمة اللّٰه تعالى
العم / عاشق رويضان العنزي
أبو الحميدي
والصلاة عليه اليوم الثلاثاء 13/10/2026
بعد صلاة العصر بمقبرة #الجهراء
العزاء بالمقبرة
انا الله وإنا اليه راجعون