فهيد العجمي

الحمدلله في كل الاحوال

[فهيد العجمي @f9hed]

بين كساب الجمايل وبياع الكلام
مثل مابين الثريا ومابين الثرى
ㅤ ㅤ
واحدٍ في حزة الضيق والشدة حزام
وواحد تدفعه قدام ويعود ورى .

[فهيد العجمي @f9hed]

الناس ما تدري وش اللي ورانا
وما كل شيءٍ داخل القلب ينقال
.
نعطيهم الضحكة ونخفي عنانا
نسكت ونحمد ربنا على كل حال

[فهيد العجمي @f9hed]

ليت بالتعليم منهج للصداقه
وندرس الي رفقته من شان عازه
:
ابتلشنا في مشوهة الرفاقه
تذبح الرفقه وتمشي بالجنازه

[فهيد العجمي @f9hed]

تدري وش اللي ��جرح المرجله جرح
رجلٍ جلس والناس راحوا يصلون..

[فهيد العجمي @f9hed]

يا طيبه اللي مايسولف بطيبه ...
واغلب مصافيطه مع الناس تجهل
ٰ
اليا نصيته في الامور الصعيبه ...
ابو بسيطه يالخوي وازهل ازهل

[فهيد العجمي @f9hed]

اتعب على الطيب ترى رفقته عز
والاّ الردي مافاد نفسه يفيدك
.
الصاحب اللي لا لمح جيّتك فز
هذا الـذي لازم تـعـدّه عضيدك..

[فهيد العجمي @f9hed]

لاتقول لـ آلمحتاج وراك محتاج
عندك سـنع ولا تعذر وعـّده
.
لاتنشده وتزود أحراجه آحراج
ماجاك غير الوقت موصلّه حّده

[فهيد العجمي @f9hed]

مع احترامي وتقديري لكل خوياي
انا ليا شانت اخلاقي ما ادور خوي
َ
ترا�� ما هوب من طيبي ولا من رداي
مير الله يبارك بـ راسي وما يحتوي ..

[فهيد العجمي @f9hed]

مايفرح الرجال طيحة بناخيه
ولايزعل الطيّب نجاح ابن عمه
ٰ
واللي يحارب بالمواقف عوانيه
انشهد ان الحسْد يجري بدمه

[فهيد العجمي @f9hed]

علي حقوق أهل الوفا ماتعديت
ولا الردايا امرهم واتعدا
ٰ
ياكثر ماغمضت عيني وصديت
مااحب اشوف الطيّب اليا تردا

[فهيد العجمي @f9hed]

والله انك يا رفيقي محكحك ومعروف
سيفن مجرب ابو تم وابشر يا بعدي
ٰ
كل ما ضاق الزمان واجحدتني الظروف
خابر اني لا نصيتك ابشر بسعدي

[فهيد العجمي @f9hed]

التجربة درس وابعاد النظر شيمه
ولو دونها نعرف الهافي من الوافي

مـ اعطيت قيمه لناسٍ ما لها قيمه
ولا تواريت في عمري عن سنافي

[فهيد العجمي @f9hed]

ياراسي اللي مسهره كم موضوع
الناس ناموا .. وأنت لا زلت قاعد
ٰ
أصعب عليك النوم من حبة الكوع
وجفون عينك، عن بعضها تباعد

[فهيد العجمي @f9hed]

انظر .. مسارات الحياة العديدة
واختار منها ما يناسب طموحك
ٰ
لا تنتظر بالحظ.. فرصة سعيدة !
حدد مسار العزم وأطلق جموحك

[فهيد العجمي @f9hed]

ابوك وامك في حياتك غناتك
دوّر رضاهم من رضاهم رضاء الله
َ
في برهم تلقى السعد في حياتك
و توفيق ربي في الميادين تلقاه

[فهيد العجمي @f9hed]

افعل لـ وجه الكريم و طوّف الزله
وابعد عن الحاقد المتغطرس الجاحد
َ
يعني لو تقول مافي خاطرك كله ؟
يمكن مايبقى من أصحابك ول�� واحد

[فهيد العجمي @f9hed]

حتى لو ان الضيق ماله مواثيق
ماتوقف الأيام بـ اسباب ضيقه
ٰ
تضيق ثم تضيق وتضيق وتضيق
لكن فرجها عند ربي .. بـ دقيقه .

[فهيد العجمي @f9hed]

أمشي على طيب الفكر والنوايا
وان طابت النيه ترى سعيها طاب

لاصارت الحاجه بـ ايدين الردايا
اقفيت أردد ، منة الناس بـ تراب

[فهيد العجمي @f9hed]

خلك عزيز النفس لو داخلك منهار
وابقى كبير الطبع ماتذلك الحاجه

[فهيد العجمي @f9hed]

ماني على خبرك ضحوك وشمالي،
لاعتني الدنيا ،،، والأيام شانت .!