سـعد

و أنا متيم و فاقد نصفي الثاني
مشفٍ لزوله و مشتاق لـ مداهيله

[سـعد @f_7z9]

يا حبيبي يمرض الشوق في بعض الليَّال
أبعد الله .. عني و عنك " تأثير " المرض

ودي أسلى – لكن شلون والسلوّه مُحال
بعد زادت حلكة الليل ، والعارض عرض

مكتفي باللي يجي منك من باب الوصال
إن عجزت تسوي الصعب سوّ المُفترض

أرسل – إن عيت عليك الظروف الاتصال
الرسايل بعض الاحيان توفي بـ الغرض

[سـعد @f_7z9]

صدفت الريم

مفرح الظمني

[سـعد @f_7z9]

طويت الغلا وقفّيت يا جاهل الأحكام
وتركت الوفا للي شرا الحب ثم باعه

لو تلوّح ابيمناك لي فالطريق العام
ما والله يوقف موتري لك ربع ساعه

[سـعد @f_7z9]

ياويش اقول من الحزن وأخلي؟
الله يسامح طعنتك ما أقسها

تركتهم ولاجرحت الا .. اللي
لوتطلبه كبده .. عطاك ايّاها

.

[سـعد @f_7z9]

النوم ما يطري على بالي .

[سـعد @f_7z9]

ما للطواري .. باب مخرج طواري
لوّ سرّت العاشق ل جسر الرصافه

اسج .. ما بين المُدن والصحاري
مسامر الماضي ب " وجد وحسافه "

للدرب سرّايه .. وللقوس باري
وللحب عَشاقه .. وللشعر قافه

بعد ما شفت من الفراق العزاري
حتّى نسيم الصبح لا هبّ اخافه

اللي على شانه نطحت الغداري
ما فيه ذنب الّا عشقت اقترافه

خلّووووه لا هبّت عليه الذواري
مجدله عند الذواري .. لحافه

" من حط الاجرب له رفيقٍ مباري "
لاشاف زوله .. رد الاجرب خلافه

لوّ اعتبر منّه .. ما ارد اعتباري
الحب فيه الثار ردّه ضعافه

مادام حبّه ما ينقّص وقاري
" كلافته ياحلوها من كلافه "

عطوني اعلوم المطر والخباري
ب حيي غصن قلبي وابروي جفافه

بدوٍ وتبّاعة حيا يا مشاري
نرحل وننزل. .. ما نحسب المسافه

ليت السحاب يجود ( مربى عذاري )
وينزل مثل دمع الفرح .. بْ لطافه

بالايمي .. جرحي ماهو ب اختياري
استعذب طعونه واقبل رهافه

واللي مجرّيني لكثر المساري
عين المها بين الحفر واللصافه

- عمر الهيت

[سـعد @f_7z9]

سيرةٍ من وحي عامين وشويه
ودي انساها.. ولا ودي انساها

ذكرياتٍ تعبر العمر طرقيّه
وذكرياتٍ في وطنها ومرباها

وصورةٍ في متحف البال مطويّه
كل يوم آفلّها وآتهجاها

من لها قدر أوّلويّه وأهميّه
ماشعرت بغربة الروح لولاها

والذي نفسي بيده إنّها ليّه
أقرب من كفوفها عند حناها

#مدغم_بوشيبه

[سـعد @f_7z9]

عزيت قلبي على فراقك
وأعلنت من عقبك التوبه

ماعاد باقي سوى ذكراك
غفت الهوى منك ودروبه

العـام قلبي مشى برضاك
يوم انت شفه ومطلوبه

يا بايع القلب يوم أغلاك
الله يجازيك في الحوبه

حتى مكان اللقا وياك
ماعاد نفسي تجي صوبه

[سـعد @f_7z9]

ما يذبح المشتحن خطوات عصريّه
اللي من الشوق قد هو واصلٍ حده

يا كون حبٍ قديم .. ومر طاريّه
أقفى به الوقت والصده هي الصده

[سـعد @f_7z9]

ماني بـ مثل العالم الي تعرفين
ولاني ملاذ لك ولا انتي ملاذي

انتي طلعتي من علاقة لك سنين
ومالي من الثنين لا ذي .. ولا ذي

قلتي لي احبك من اول اسبوعين
وانا اعرف حب البدايات . هاذي

[سـعد @f_7z9]

شلون اشوفه بعد ذيك الليالي غريب
و هو ذعاذيع نوده دايم تهبّني

ماني مخليه لـ الدنيا و قبح النصيب
لو كان يقطع حبال الوصل و يكبِّني

و اللّه لـ احبه لو انه ما يبيني حبيب
ما هو ب لازم عشان احبه يحبّني

[سـعد @f_7z9]

مابين قافٍ يشوش بي وفكرن يدوش
من يرضي البندري في الحاجه الي تبي

شعر الغزل ماهو اتلى الوقت بغلى الطروش
خليني اروح ياجمل لابسات العبي

تقول خل القوافي فوق صدري " نقوش "
لبّسني " أحلا القصايد " مثل لبس ذهبي

سرا سرا ؟.. لا يروح اللّيل لا رحم أبوش
تناوشي " خيزرانه " و آلعبي .. و آلعبي

نظراتش أحد من حدة عيون الوحوش
و معنّقش ؟.. لا تلفّتي ( معنّق ظبي )

لبّيه يا الوجه لامن سلهمت بـ الرموش
وجه بدويّه .. على شامي .. على مغربي

[سـعد @f_7z9]

أتلا عهدنا يوم قلت . . مسافر " قريّب بدو "
و البدو تطلق كلمة قريّب على الشيّ البعيد !

مزيد الوسمي

[سـعد @f_7z9]

وعذابي من وليف كن لونه
لون واحد مايذوق الا الشمندر

وصفه اللي كن مامثله نمونه
واندره ماهو مثل حي الله اندر

كنه الا اقفى والهواء يصفق متونه
جاكور ذرى وراها باثفندر

[سـعد @f_7z9]

ان طرو النسيان ماني بناسيك
ياراس مالي فالحياة وغناتي

وان طرو السلوان ماني بساليك
طيفك معي حتى وانا في صلاتي

قلبي وهو قلبي ليا مر طاريك
لولا ضلوعي كان عزو مماتي .

[سـعد @f_7z9]

ما عاد خلّيت للأشواق صوبك مرور
ما تدري إن الحبايب يخلقون أبرياء؟

عاملتني باصتناع الكبرياء والغرور
وأنا لسان الغرور ، وسيّد الكبرياء

- علي الدعية

[سـعد @f_7z9]

تراني شاعرٍ لا شاف طيّب راس دون شعور
يسوق اجزل بيوت المدح والابيات تزهاله

على ويش الغزل و القز يا ضيدان ابن منصور 😆
ما دام ان القصايد تلزم الرجال و اقواله

يبين الفرق في شاعر قصيده مدح ف المنعور
عن اللي مدحة الجسم المخصر اكبر اماله

[سـعد @f_7z9]

سامحيني لو جرحت شعورك وخيبت ظنك
أعتذر عن كثرة أخطائي وعن قل إهتمامي

يعلم اللّٰه ما قسيت وما رحلت الا لأنك
واقفه مابين آثامي ومابين إلتزامي

اتركيني أتركك لاتتركين لي شي منك
وإحفظي هالبيت زين وبلغي قلبك سلامي

سعد علوش

[سـعد @f_7z9]

من كثر ماودي اشوفك جعلني قبلك
لو تواعدني علشان نتوادع راضي :)

محمد جارالله

[سـعد @f_7z9]

حول الشهر مابين نفسي و بيني
في معركه كنها معارك الأئمه

من قو رابعتي و من ضعف ديني
كل يوم و أنا جايب لي مطمه

"إذا زبنتك طالبك زبنيني
راح العمر و أنا زبون المهمه "

[سـعد @f_7z9]

معشوقة القاف وش رايك تقولين تم ؟
ابي اشوفك ، ٨ ونص في , اومبرا