َ

[عمّاش @amash_55]

يا صباح الخير يا نور الصباح الهادي
ويش يعتقنا من اشواقه وكثر هجوسه؟

كل مطلع شمس كنّه يحتدينا حادي
في خواطرنا عتب وصدورنا محسوسه

عمّاش

[عمّاش @amash_55]

سجين صدري كرهت إن العفو يشمله
لكنه أبلش ضلوعي يوم حب الطلوع

علمته شلون جنحان الأمل تحمله
و قلت انحر الغيم لكن مالك إلا الوقوع

[عمّاش @amash_55]

يا سلوة الخاطر اللي ما قضى دينه
تحمّليني .. ايلين الله يعديها

ليت المولع عناوينه عناوينه
ما غيرت دورة الدنيا حراويها

احزانه تبين في حاله وفي عينه
لا يحسب انه على العالم بيخفيها

والديره اللي تضم اغلى محبينه
ودّه يذوق الممات ولا يخليها

عمّاش

[َ @f_974_]

على باب صعبات الاماني نجي ونروح
لـو العمر مقفي ما فقدنا الامل فيها

[َ @f_974_]

انا طحت من طاري فراقك وهو ماصار
ولاعاد تطرينه عسى الله لا يقوله !!

[َ @f_974_]

ياباشة الغيد مشروهك علي بده
الصد بسكات حاجه ما ادانيهاا

ماعاد عندي سعه صبري وصل حده
يابو وصووفً معددها بيخطيهاا

ياشبهه وضحى تجيب الزين وترده
اهل النخب كل يومً عند راعيها

[َ @f_974_]

المهم ان الحياه الكايفه و الحلوه
يمتلكها من يصبح كل يوم بوجهك

[َ @f_974_]

اللي في حشاه هموم دنيا وجرح فراق
نصيحه يقضّي باقي العمر في بيته

رسوم المداهيل القديمه عناء وارهاق
و عذاب ٍ مقيم و كسر خااطر و تنهيته

[َ @f_974_]

غدا بي اللي للحلا والملح والقبلة سفير
أعذب وألذ من المطر وألطف وأرق من الندى

[َ @f_974_]

مليان صدري بـالحزن والشوق والشيء الكثير
غديت في ( درب الغرام ) ولاني أول من غدا

[َ @f_974_]

ياقلب لو بعض النوايا غشيشه
مالك سوى راحتك لو تصطنعها

هذا نظام الواقع اللي .. تعيشه
وهذي علوم العالم اللنت معها

[َ @f_974_]

نشف زرع قلبي واحترق عشبه المصيوف
ذواري هبوب الحزن صارت نفادٍ له

طوال الرجوم أصبحت في روسها مكلوف
أجاوب حمام الورق بالصوت والشله

[َ @f_974_]

أمست الفرحه يتيمه ومنسيّه
في عيونٍ حرقة الوجد تصلاها

عن خدينات الترف نفسي امعيه
لو تجيني مثلها كنها اياها !!

من غدت منه الذلول العمانيه
ماتعوضه ناقة الله وسقياها

[َ @f_974_]

فيك سر ماعرفته ؟ وانا فيني فضول
وانا اعاني وأدري انك وراي معانيه

جعل كبدك ماتلوّع وزولك ما يزول
والعيون اللي من السلهمه متوانيه

[َ @f_974_]

يا صاحبي لا توقف تحت رجوى الامل
و استقبل المقبلات بكل وجه ضحوك

تراك تشكي علي وانا استمع لك خمل
وش عاد لا غابو احبابك ولا ودعوك

علاقه الوقت ذا كنها علاقه عمل
ان جيتهم رحبو وان غبت عنهم نسوك !

[عـفه @_nxrt]

القلب في طاريك دايم كل ليل و كل يوم
بعد الغياب اللي جعل الافراح في عينه عزا

كنه الكبير اللي معه ضيّاع و يهل العلوم
والى انتبه في نص سالفته تعبّر واعتزا ؟

[عمّاش @amash_55]

لك من شعور الغلا ما يستهيض الضمير
ويهيّض الخاطر اللي في هواك انسحر

بيّنت لك شي في عينك تشوفه كثير
ما تدري انه يعادل قطرةٍ من بحر

عمّاش

[َ @f_974_]

لاتقاصيني وقلبي سريع الاشتعال
سج في قلبي مثل سجه ذوود الهمل

من غلاك ارفى غرامك من اللي م يقال
مثل ماترفى حقوق الرجال من الخمل

[َ @f_974_]

انا ليا غنا المغني لليلاه
بان الحزن فيني علامه علامه

احتاج وجه بسمته في محياه
حاجة فقير راس ماله حزامه

يقول ياويلي على المال ويلاه
واقول ياويلي على الابتسامه

[َ @f_974_]

مل عينٍ كل ماهيفت .. شمس العصير
خيلت سحب المدامع من اقصى موقها