"

.

[" @f_ajme1]

يا سيّدة قلبي و شيخة مقرّه
لش الرضى ينقاد بالطول و العرض

ماعاد باقي لي على الناس جرّه
على مداهيلش غدت جرّتي فرض

في كل مره لا نويت أتشرّه
كن العيون تقول فضّ الزعل و إرض

أنا أستعد أطيح مليون مرّه
ولا تطيح دموع عينش على الأرض "

[" @f_ajme1]

عيونك الخرس ماندري وش اللي تقول
الجفن ..كنه يغني ..والرموش ..تحدي

اشوف فيها كحل و اشوف فيها كحول
واشوف ..في ورد خدك كل ..وردٍ ندي

واشوف سلسالك اللي فوق جيدك تقول
جرة غزالٍ ..على طرق .النفود ..يعدي "

[" @f_ajme1]

من بعد ما كانت الدنيا معك مُلكي
جرّدني الدهرْ من عرشي ومن تاجي

وشلون أخاف الغرق لا صار في بحركْ
في بحركْ أنت الغريق أسعد من الناجي "

[" @f_ajme1]

عداك الملام وشرهة الولف يا نزّاح
عن دياري اللي ما أنت بأول خسايرها

تبعت السراب إلين سلّمك للمرواح
ولدّيت وعيونك تزوّر عبايرها

قنعت وتركتك للزمن والزمن فضاح
على مهله أسرار المخاليق يظهرها

بقى لك معي ذكرىً ليا غمّض المرتاح
تمشط بقايا كبدي بروس أظافرها "

[" @f_ajme1]

قبل أشوفك كنت تايه فـ الحياة و غادي
لين مرتني على غفله .. سنين الغفله

جيتي من الغنج مغروره .. و أنا متمادي
كن حولك موكب أمير و مراسم حفله

في غرامك ذقت لذّة فرحتي و أعيادي
من يقول إللي يطيح من الهوى يؤسف له

غايتي في طلتك .. ياموتي و ميلادي
آمتلكتيني و أنا رجال .. و أنتي طفله "

[" @f_ajme1]

ولا تندم على الماضي ولا تبكي على الأطلال
مثل ما الشمس مغربها هناك هناك مشرقها

عرفت إن الخسارة في العمر وإن العمر زوّال
يعيّشنا وجود أحلامنا لو ما نحقّقها "

[" @f_ajme1]

خطوتك جرب تجريها علئ باب المخاطر
يمكن أن الحرص عوق القلب قبل يكون طبه

الوصال اللي تحبه لا حصل من غير خاطر
جنبه حتى لو ان الوصل شوف اللي تحبه

لـ أنجبرت أنك تحط العذر في كسر الخواطر
حاول أنك ماتحط الذنب في وجه المحبه "

[" @f_ajme1]

انتي ومن عقبك يتوب الآدمي توبه نصوح
ما عاد يامل فالوجيه البيض وجهٍ يعجبه "

[" @f_ajme1]

يركد الماء لا ذعرْت ويهْمل الغيث إن رضيت
أسأل اللي ما شعب ركْبه على ضِحْكك هَبا

فيك شيء من البِطَا المضني ولكن يوم جيت
تشبه آثار المديح في وجه ممدوح النبا

كلّما يمّمت وجهك -قبلة النور- ومشيت
قالت الأرض وأهلها : والله اللي مرحبااا "

[" @f_ajme1]

عفى الله عنك يا حلم ٍ رسمته بالطريق وتـاه
وأنا في داخلي فوضى حزن وأوجاع مختلطه "

[" @f_ajme1]

فداك الصبح وأحلام الصغار وضحكة الأصحاب
و بيضان القلوب .. و لابس النيَّات مقلوبة "

[" @f_ajme1]

خل الحسود يموت في ثوبه يقول او ما يقول
لا واهني اللي يحط أسمك بـ كرت العايلة "

[" @f_ajme1]

يا كم مر سبت من التحرِّي وعوّد سبت
لكن الوعد لا من عتق مشرقه دارك

أنا اللي سقيتك من بياض الوجيه وغبت
ولا جيت ليل ولا أقتطفتك من أسوارك

متى ما أعتراك الشك في ما مضى وأرتبت
أنا أقرب من مزوحك و ضحكات زوّارك "

[" @f_ajme1]

علي وين ماسجّ القدم شرق ولا غرب
أشوف الليالي ما تشابه سنا ليلك
⠀⠀
أنا وين الدّ العين منّك وادوّر درب
وكل الدروب اللي تودّي تودّي لك "

[" @f_ajme1]

ودي اهديك السنين اللي تسمى سرمدية
مرخصٍ لك عمري اللي من يدي قام يتطلّق

عقدي الثالث تراه لجيدك الفاتن هدية
وأعظم إنجازات عقدي أنه بجيدك تعلّق "

[" @f_ajme1]

طحت في حبك الجذاب من دون غايه
أفقد العقل ساعه وأسترده ( دقيقه )

خالد بن مبارك

[" @f_ajme1]

ما راح من دنيا الفنا بـ الف طقاق
العمر سلفه .. والأوادم طراقي "

[" @f_ajme1]

تهلي في خطاويك النسايم و السحاب يهل
واغني لك بصوتي بين . . براقه و رعادّه

قمر لكن تطل احلا بكثير من القمر لا طل
وانا اوجد لك من ابيات الشعر مايصعب إيجاده

قلايد من عقود الياسمين ومن عقود الفلُ
لعنقك وانت عنقك يستحق اكثر من قلاده "

[" @f_ajme1]

ليا مرّني طاريه فالمجلس المليان
أخاويه وأترك هيكل الجسم متراكي "

[" @f_ajme1]

هذا اللي حداني منك يابو ثمان عذاب
ولا زلت معك مواصلٍ ما ابغي الصده

وكانك تبيني يالغضي بـ الهوى جذاب
انا في رجاك ومد حبل الرجاء مده "

- سعد بن جدلان