فھد العسكر

اقبلونا كما نحن ، او اتركونا كما نحن

[فھد العسكر @Fa98h_]

لي قلب من شيمته لامن جفته القلوب
صد ومعه كلمةٍ تجرح ولا قالها

[فھد العسكر @Fa98h_]

لا تحسب إنّي خفيف وأنجرف كلّي
وأطرد مزون الظنون وبرقها اللّايح

عقلي دليلي وأقيس العلم بالملّي
ونفسي عزيزه وقدري ماهوب طايح

ما أمشي مع اللي عن الماجوب متخلّي
لو إنّي أقضي حياتي في الخلاء سايح

أعرف وجه الكفو وأعرف وجه اللّي
يطش وجهه على الجاي والرايح

[فھد العسكر @Fa98h_]

سود الليالي علمتني حاجتين
ان الحياه دروس والعيشه كفاح

وان حاربوني بـ النجاح الساقطين
اقول حرب الساقطين اكبر نجاح

[فھد العسكر @Fa98h_]

تعبنا من مجامل واحدٍ يلعب على الحبلين
يظن إنه ذكي و الأذكياء تستغبي ظنونه

يجاريكم وسيع الصدر من باب الذرابه لين
على حِدة عباراته وقسوتها تحدونه
ㅤ
رجاءً لاشرهتو كلمونا بالكلام الزين
تعرفون الكلام الزين ولا ما تعرفونه

[فھد العسكر @Fa98h_]

وأنا بعد رحت ماطوّلت مقعادي
مقاعد الذل نفسي ماتدانيها

أزهد بها وأترك الجمّال والحادي
والله يا لو تنوزن بألماس مابيها

من ب��عني لو تكون أجداده أجدادي
بعته وبعت الديار اللي سكن فيها

[فھد العسكر @Fa98h_]

اللي يمد الطيب بالمده هشم
ضلع التغطرس في عديمين السلوم

وانا على الدنيا جبل راسي واشم
مايدهله رديان الانفس والرخوم

وانت احتشم والناس تحشم من حشم
وانت تراك طير ما يطير ولا يحوم

[فھد العسكر @Fa98h_]

مايتكي في عيوني على مركا وكوع
غير من وقف عشاني على ركبه و ساق

[فھد العسكر @Fa98h_]

ادري تدور طيحتي بس ماطحت
كم واحدٍ سوّا سواتك واكلها

والكلمه الي قلتها عقب مارحت
لاشفتني كان أنت رجال قلها

[فھد العسكر @Fa98h_]

اعوذ بالله مني لا قفلت م��ي
وأبدي اوري كل واحد قيمته

[فھد العسكر @Fa98h_]

مثل مانختار الأصحاب نختار الخصوم
والضعيف بكل الأحوال برا القائمه

[فھد العسكر @Fa98h_]

الشدايد لعبة كبار الاشدّه
والزمن فتّاك والغافل يعاني

لو تهادى بين لين وبين شدّه
ما لـ راعي الوجه الابيض وجه ثاني

البشر يظهر مداها بعد مده
لاتغرك في الرخا روح التفاني

ماتخفيّه الصدور سنين عدّه
تكشفه بعض المواقف في ثواني

[فھد العسكر @Fa98h_]

النفوس العظيمه تعرف الي تبيه
ماتدور رضا العالم وتركض وراه

من يجامل وجيه ويستحي من وجيه
راح عمره وهو يمشي بدون اتجاه

لا تروح لـ مكان إلا وراحتك فيه
ولا تجي من مكان إلا بسيره وجاه

[فھد العسكر @Fa98h_]

يا آسفه مهما ��صل لا تأسفين
جروحك العذبه تزيدك منزله

من اول مواجه توصلت ليقين
حبك قدر ماهو مجرد مرحله

لجاذبية طلتك سرً دفين
حتى نيوتن لو نشدته يجهله

كم لي وانا ساهرك لكن تصبحين
على الصباح اللي عساني من هله

وصال ربات المحاسن نص دين
وانتي وصالك نص دين ( ومرجله )

[فھد العسكر @Fa98h_]

لا انتهى عمر الغلا وأقفت عن ديارك رحالي
لك يمينٍ بـ الله أني ما اتنازل بـ التفاته

[فھد العسكر @Fa98h_]

من عطاني قدري أعطيه احترامي
ومن تجاهلني تجاهلته وطفته

ومن يدوّر قربي أعطيه إهتمامي
ومن يقفّي عني أهملته وعفته

والمكان اللي ينزّل من مقامي
تنكسر رجلي ليا جيته وحفته

[فھد العسكر @Fa98h_]

ياللي قمركم ترصدونه بالأرصاد
عندي قمر ما ترصده حوطة سدير

[فھد العسكر @Fa98h_]

لاتعتذر لي ترا الأعذار مسكينه
تلجأ لها الناس اذا مافادت اخطاها

[فھد العسكر @Fa98h_]

ليا جاع ذيبً حط نابه بساقه
الذيب ما ياكل ذيابه ليا جاع

[فھد العسكر @Fa98h_]

غيابنا في بعض الايام راحه
وحضورنا في بعض الايام رحمه

وانا ماحب احضر ولا القى مساحه
ولا احب اسبب ف المساحات زحمه

[فھد العسكر @Fa98h_]

ما كل حب يجي منه سلام وصلاح
أحيانًا الناس لا من حبّتك ضرّتك