فواز العتيبي

[فواز العتيبي @fa_1ij]

ادفنيني تحت وبل الغيمة الشفاّاافة ..!
بين خمريّك .. ولمعة ثوبك التفاّحي

كن خصرك يوم يبسط للهبوب .. اطرافه
تارك(ن)له فرجة(ن) يلعب بها مسباحي

تشبهين الشعر حتى في ( عذوبة قافه )
كنّك اصبوحة بداها ناصر اِبن مناحي !!

[فواز العتيبي @fa_1ij]

واهني من شاف وجهك من قريّب
سامعٍ صوتك ومتقهّوي . . وقادع

[فواز العتيبي @fa_1ij]

قُبلة حلا كلّك من الإيد لـ الإيد
ديمومةٍ منها الجمال يتهاما

إطلالتك ما كنّها الا ضحى عيد
لا لاح نوره في عيون اليتاما

[فواز العتيبي @fa_1ij]

الجاهل اللي دروبك مايجنبها
احيان ماتنفع الرحمه معا خصمك

دور له الكلمه اللي كن مضربها
مضراب شلفاً على بوابة المصمك

- عايض العاطفي

[فواز العتيبي @fa_1ij]

هوا نفسي يقول إتبع القلب مهمها قال
وعقلي يقول اتبع ضميرك يا شيباني

وعندي ضميرٍ كل ليلة وهو شغّال
ليا من توليت المعاصي تولاني

الإمان بالله لا ضعف يِضعف الرجّال
دخيلك يا رب البيت لا يضعف إيماني

ياغيّاث أغثني والله اني وصلت لحال
مايفهمني إلا واحدٍ جاه ما جاني

[فواز العتيبي @fa_1ij]

إذا بغيت تحط عقلك بعقل الجاهل
بكره تدور في قوقل عن علاج القرحه.

[فواز العتيبي @fa_1ij]

ياوجودي وجد مجروح الفـوادي
من هنوفٍ ثوبهـا يجـرح نهدهـا
ㅤ
شافها بـ الملعبة يوم العيـادي
طشت الشيلة وماحت في جعدها
ㅤ
كنها بـ الملعبة صفراً تـرّادي
بـ الحبال اللي ملواتٍ عقدها

سمعت أصوات العزاوي والهنادي
من عياطير السطر يطفر زبدها .

[فواز العتيبي @fa_1ij]

يا مرحبا يا عام * سته وعشرين *
دام الجروح ان جيت بتصير ماضي

كنت اجهل شلون اتغاضى وهالحين
صرت اعرف وشلون فن التغاضي

وان راح عـام فيه محنا براضيـن
يا لله بـ عام منه الكـل راضـي

[فواز العتيبي @fa_1ij]

يانـاس قلنا لحـوم النـاس مسمومـه
الى متى والخبول تصيح وتعاعي

المستحي يستحي حـتى من هدومـه
والخبل يسرح ويمرح بـ اسمه ارباعي

وصل العطياني

[فواز العتيبي @fa_1ij]

يا الوحيده فالعذارى لو في قلبك ،كلامّ
أقبلي لي عاد في قلبي من أشواقي وسم

[فواز العتيبي @fa_1ij]

من عف كف ومن تألم تعلم 
ومن عاش بالواقع ماتغريه الاحلام

ما يندم الساكت كثر من تكلم 
ولا يامن العاقل صواديف الايام .

[فواز العتيبي @fa_1ij]

طواري الليل تاخذني على الذكرى
ويطول ليلي وأنا ما غمضت عيني

ياطاري الليل لا ممسى ولا مسرى
دايم على ضيقة الخاطر توديني”

[فواز العتيبي @fa_1ij]

سجةٍ تستهوي الصمت وتعيف الكلام
ازعلت مني رفيقٍ مايدري بـ ازعلي

قال اسلّم وانت ماعاد رديت السلام
يوم انا مانيب داري متى سلّم علي ؟

قبل تلحقني مشاريه ويجيني ملام
اعذروني كان سجيت ، ربعي ياهلي

الضلوع العوج كن بينها حرب انقسام
حشد من سنة محمد ومن شيعة علي

[فواز العتيبي @fa_1ij]

ترى القسا مطلوب في بعض الأحيان
لاتستحي من واحدٍ ما استحى منْك

[فواز العتيبي @fa_1ij]

افخر وعنْ ربعك جب اللي تْجيبه
عين الفخر تعلو على أعلى حاجب

لكن لا جاء طاري .. فعول عتيبه
الصمت في حضرة عتيبة واجب

[فواز العتيبي @fa_1ij]

ربطني هـوى خلي ربـاطٍ وراه ربـاط
وأنا حالفٍ ما جفاه لو راح جسمي خيط

ولا أنساه لين طريـف ينزل بجنب الغاط
وبغداد يصبح في ضواحي خميس مشيط

وإذا ما حصلي قربـوا طلقت المخبـاط
أمـوت وتروح الـروح جعله مراح مقيط .

[فواز العتيبي @fa_1ij]

عنـودٍ عنيـدٍ مـا يعـرف المحنيـه
ذبحني وذبح الحـب كايـد وياهونـه

الا يـا حلـي المهـا عنـق ريمـيـه
اسهوم المنايا بيـن احجـاه وعيونـه

ترا زلتـك يـا نـاب الارداف معفيـه
افداك الحياة وعندك النفـس مرهونـه

[فواز العتيبي @fa_1ij]

لا تحبين الضعيف اللي يقول
من كثر حبي لك تركتك وصدّيت والقلب خالفني عليك وتركني
حبي الشجاع مثل ما قال مساعد الرشيدي :

خذيتك من عيون اللي يبونك مرجلة وعناد
مثل ما ياخذ البحار من جوف البحر درّه