غارت عيوني من عيوني عليك
وشلون لا شافك بمن الناس غيري
لا تسأل اللي ميت حيل فيك
أموت في حبك وهذا مصيري
اسمع حبيبي صوتي اللي يناديك
واللي يصير اليوم خله يصير
دامي أحبك ودام قلبي يحاتيك
يفداك قلب في ايدينك اسير
من قبل ما أعرفك وأنا خاطري فيك❤️
-
لبيه لبيه يافييّ ومشراقي
يا اغلا غلا في حياتي يا اثمن بضاعه
يا الذ من فرحتي بك لحظة عناقي
قلبٍ وهبته عيونك ترفض ارجاعه
ما دامني لك مليك وترفض اعتاقي
من يكسب الكنز عاش ومات ماباعه
حبيبي والقلم يشرب من اعماقي
عساي بينك وبين الشر واطماعه
لا يابعد عمري اللي راح والباقي
ياجعل يومي قبل يومك ولو بساعه
مرّات احس انك بنادم ثاني
مشاعرك ويّاي فيها “ إنّا ”
اللي بقلبي لك حكاه لساني
ولّا انت لك لونين : مثل الحنّا
مايهمني تذكرني او تنساني
مالك امل نرجع مثل ماكنّا ..
يقولها سالم حمد ..
أنا من ليّ بعد عينك عسى عمرك معاي يطول
و لا يطري على قلبك في يوم يهون مقدارك
أحبك و العُمر مرة و أحبك والسنين فصول
وإذا كان العمر يرجع بـ أحبك و أرجع أختارك
تشوف الارض لو جنة ملوها الناس عرض وطول
تركت الناس و الجنّه وراي . . و عشت في نارك
كثر ماعندي مزاجية وعندي ميول
يوم أكذبّ نفسي أقدر على تصديقها
كل يوم يمر في داخلي أربع فصوَل
والحيّاه تطيقني بس أنا ما أطيقها
تكبر الأحلام وأضحك وأنا أردد وأقوَل
خالق الأحلامّ يقدر على تحقيقها
الين غيّرها الزمان اللي ظروفه تستدير
من عقب كثر الإهتمام اقفت ولا همّيتها
اختارت الفرقى ونفّذت الطلب قبل استخير
ولا اذكر انها جاتني في حاجة وردّيتها ؟
تسرّعت يوم إذبحت حلمي بتحديد المصير
" وأنهت مسارات المحبّة عقب ما حبّيتها "
-
لي اربع ليالي والهواجيس حرب الزير
مداوير صدري ماتخلي مغآويره
الاعصاب شدت والحصيل إبرة التخدير
غدى بنجها مثل الهوى مآش تأثيره
تفاكير والشآعر يعاني من التفكير
على موتري وانشد وانا من هل الديرة
ادلّ الطريق و ليش مدري عكست السير
اثر سجّة الرجال تِخلف مشاويره
تفرّدت يا وجهٍ جماله صنيع الله
لك القلب يبعث لك معَ العين برقيّة
من اللي يشوف الوجه هذا ! ولا يهواه
وش الملح ! لو ما هي ملامحهْ شرقيّة ؟
عيونك ليا هام البصر في حورها تاه
نواعس تقول إنها من الخمر مسقيّة