فهدبركه المهيمزي

اكتب مايروق لنفسي🇸🇦

[فهدبركه المهيمزي @fahd1111]

مـريـت حـيٍ ياعلـي ساكـنه حـي
والحـي حـي وسـاكـنـه مـالقيـته

وقفيت وانا ملتبس خاطري شي
وصـديـت قبـل امـر ومــر بيـتـه

فهدبركه

[فهدبركه المهيمزي @fahd1111]

ياوجد حالي وجد من شاف همه
وجد الغريب الي همومه تبـاريـه

او وجـد من حده زمـانه عـن امـه
حـده زمـانه والـعـرب مـاتـدانـيـه

فهدبركه

[فهدبركه المهيمزي @fahd1111]

قـولـولـهـا لاتـنـزعـج مــن بـطـايـه
تـرى الـبـطـا ياعـيد سبـبلها ازعـاج

الـعــام جـيـتـه والـبــدايــه نـهـايـه
واليوم من دونه مثل صفق الامواج

فهدبركه

[فهدبركه المهيمزي @fahd1111]

قـالـو عـلامـك تسهـر الـيـل مـاتـنـام
عـلام عيـنـك مـن سـهـرها حـزيـنـه ؟

تاخذ مـع الـهـوجـاس لك قطعة ايام
وتجـاوب الـورقـاء الحـونن حـسـينـه

قـلـت الـتـمنـي مالـفن فـيـه الاحـلام
اقـفـن عـلى حـلـمـي سنيـنن مشـينـه

يـالـلـه يــاعــلام تــفــرج الــمـنـضـام
عـشـر وعـشـر كــذاق حــر الـغبــيـنه

يـسـهـر طـوال الـيـل والـنـاس نــيــام
والـقـلـب يـاخـذ من شـمـالـه يمـيـنه

وحضـرت لـي دفـتـر وسـيـرت الاقـلام
واترك هزيل القـاف واكـتـب سـمـينـه

وبــعـثــره واشـهـر كمـا الـحـر لا حـام
وفــرقــه فــرقــا مــفــارق ضــنـيــنـه

وان عـقـد حـجاجـه وصـرنا له خصـام
بـيـحــت ســده بـيــح الـلـه كـنـيـنـــه

فهدبركه

[فهدبركه المهيمزي @fahd1111]

البارحه جتـني بيـوتك وفـزيــت
فزت زعيـم مـرتكـي لـزعـــامــه

اهلا هلا ياصـاحـبي يـوم غنـيـت
جتني بيوتك مثـل نـو الغـمامــه

اقلط على البن المصفا وحيـيت
واقلـط عـلى فقـار ذروة سـنامـه

وابشـر بعـزك يوم فيـا تعـزويـت
سند على صدري جبال التـهامـه

انا الوفي يامنبع الطيب والصيت
والجدل منطوقك له اكبر علامـه

فهدبركه

[فهدبركه المهيمزي @fahd1111]

يـاراكـب الـي تـو مـاورد واصـفــار
منصاه للي يعسف الخيل تعسيف

الـصــارم الـبـتــار زيـزوم الاخــيـار
النادر الـي يذبـح الحـيـل لـضـيـف

عـالـي ولــد نافـع به الشـعر يحـتـار
ومن رد صار الحمل فوقه مراضيف

وانتـا وريـث المـجـد والـعـز والكـار
هذا كلام الـصـدق مـن غيـر تزييـف

ياسـيـف يـاهـداج يـامـقـبـس الـنـار
الـي عـلى كعــام المـعاديـن كـسيـف

والـيـوم فكـيـت الضـمـايـر بالافـكــار
دكـن عـلـى قـلـبي وجـنـي مـنـاكـيـف

رديـت بـالـمـعـنى جـزيـلات الاشـعـار
وابيات فكـري من ضـميري مـجاويف

وانـا زبــون الـي مـن الوقــت مـن جـار
انطح سموم القيـض مثل العـواصـيف

وسـلامــتـك يــاراعـي الـطـيـب والـكـار
يـاراعــي الـغـر الـمـهـار الـمـعـاســيـف

فهدبركه

[فهدبركه المهيمزي @fahd1111]

كان المراجل ياعرب كثرة المـال
والـله غـدينا مثــل زول الـبهايـم

وان كانهـا بالفـعل وعلـوم رجـال
عـزالـله انـا كـاسـبـين الـغـنايــم

يـومنـها متـبريـه مـن هـل القـال
بهـروجهم تلـقى الـغزا والنمـايم

فهدبركه

[فهدبركه المهيمزي @fahd1111]

سقلي صباح الخير ولا مساء الخير
على الهنـوف اللـي صباحـي عبـيره

الله عطاه الزيــن مــافــيه تقصــير
وهـــي الغــلا والاولـــه والاخــــيره

فهدبركه

[فهدبركه المهيمزي @fahd1111]

الـبارحـه والـفـكر مـاهـو مـانـوس
افكـار فـكري ضايعـه فـي مـعـمـه
اعاتب المنحوس والحظ منحوس
وجـمــع افـكـاري وهـمـي وهـمـه

فهدبركه

[فهدبركه المهيمزي @fahd1111]

امحي غرامي واكتبيني من جديد
لـو الـغـرام الـي بقـلـبي مـانمـحا

هذي ثمان سنـين وانـتي بالـوريد
لـو الـسـنـيــن دور دورات الـرحـا

فهدبركه

[فهدبركه المهيمزي @fahd1111]

يالله بصـبحن فيه كل خيـرا تـحراه
ويـالله طلبتك فـي سنتنا الجـديده

تغـفر لـبـوي ورافــع ايـدي بـدعـاه
وتجـعل حـياة امي حياتن سعـيده

فهدبركه

[فهدبركه المهيمزي @fahd1111]

يلــي تبيـنا بــالعلـــوم الــرديـــه
مانته بلاقي من طرفنا طرف علم

تخسـى وتعقــب ياعـدو الحمـيه
الغدر ماهو للعرب بالخيل سلـم

فهدبـركـه

[فهدبركه المهيمزي @fahd1111]

صبرت صبر ايوب والعالم نيام
على القبيح الي يسوق المضره

يابو سعد لانكست روس الاعلام
تشوفني وسـط السما كالمجـره

فهـدبركـه

[فهدبركه المهيمزي @fahd1111]

بعد رمضان وقبل عيد الضحيه
ابشرك ياسعود شفت الحبايب

اخــوي وامــي والبقـيــه بقـيــه
ياالله عسى همي ذرتــه الهبايب

فهدبركه

[فهدبركه المهيمزي @fahd1111]

قلت السلام ولا بخل في سلامه
قلت القاء قالت فـراق المحبيـن

قلت الحزن قالت بخـدي علامـه
علامتـن تشبـه حيـاة المساجيـن

فهـدبـركة

[فهدبركه المهيمزي @fahd1111]

صباحك يا صباح اللي صباحه كل يوم يزيد
وأنا أحب الصباح اللي يجر الورد ويثره

انا لاشفت طلتك العذيه قلت يوم العيد
ولا ياوجد حالي وجد من لاعه ومن فره

فهـدبـركه

[فهدبركه المهيمزي @fahd1111]

لاعـاد عــرفـك يـاخبـيـث الطبـايــع
يلــي علـى غــرات الاجــواد مقــدام

هـرجـك وفعلك مثل فعل الـربـايــع
وقت الشدايـد مذخـرك درع وحـزام

فهــدبـركه

[فهدبركه المهيمزي @fahd1111]

امس العصر مريت حزم الجلاميد
لو كان مالـي فـي طـرفهـا مـتاحـي

ومنها عـلى عرعر هزعنـا يابن عيـد
علـى الذي يسبق نسيـم الـرياحـي

فهـدبركه

[فهدبركه المهيمزي @fahd1111]

ياسيـدي يامنبـع الطيـب والجـود
يــاخــادم البيتـيـن درع الجـزيــره

حنا جعـلنا صافـي الـدم قــرهــود
لجل الوطن ناطى الكبود المـريـره

حنا مناطيح الـوغـى سـم ممـدود
لاهل النفوس الكالحـه والصغـيره

من ضـدنا جـاتـه مشـاهيبنا ســود
فـي ليل ولا فــي نهــار الظـهــيـره

فهـدبركه