Fa.

شخص غارق بالهواجيس.

[Fa. @faiisalll2]

عليك السلام وكل ماجيت لك سلّمت
سلام العفيف اللي يحبك على الفطره

[Fa. @faiisalll2]

همومي بحر وأشوف قربك فريق إنقاذ
أربك مع الأيام .. بتحاول إنقاذي

[Fa. @faiisalll2]

دامك معي طاب الفرح وانسجامي
والعمر من كاس المحبة تقهوى

يمناك في يمناي حقق مرامي
والورد من صافي زلالك تروى.

[Fa. @faiisalll2]

يا حيّ وجهٍ يسبق النور نوره
ويصافح اطراف السما في جبينه

اشربك صبحٍ ما تلاشت سطوره
واقراك فجرٍ ما ذبل ياسمينه

دامك ربيع القلب واجمل زهوره
ما همني وقتٍ تقسّى سنينه

يا قمة الاحساس واصدق شعوره
قلبي وطن ..وانتِ غلا ساكنينه

انتِ صباح الخير.. وانتِ سروره
وانتِ دفا قلبٍ ..تزايد حنينه

[Fa. @faiisalll2]

دارت الأيام وأنتِ مثل ما أنتِي
تجبرين كسور قلبي بابتسامة

تنكسف شمس المحبة لا حزنتي
ما على جرح الهوى غير الملامة

من دخلتي صدري الخايف أمنتي
ما بعد رجفة غلاك إلا السلامة

قمت أرتب فوضى قلبي من سكنتي
موطنك هالقلب إلى يوم القيامة

[Fa. @faiisalll2]

فمان الله يا نجد العذية، والوعد بعدين
متى بعدين؟ مدري، بس خليني على ماني

مصير الوقت ينصف طيّبينه والأمور تزين
وبرجع لك ليا زانت معي كان الله أحياني

[Fa. @faiisalll2]

لعب بي غرامك لعبة الغصن والانسام
على قمة اللي قمته .. تتعب الراقي

عسى عيونك اللي بين الاغضاي والسلهام
مايجذب نظرها الا سحابي .. وبراقي

[Fa. @faiisalll2]

ترانا على الغالين ما نذخر الأشواق
ولكن نعاف القرب لا صار به منّه .

[Fa. @faiisalll2]

انتي بحاجة جرح يشرح لك الحبّ
وانا بحاجة حبّ .. يشفي جراحي.

[Fa. @faiisalll2]

هات من عذب السوالف ما تهيّا
ودي أمسك صوتك بكفّي و أحبه

[Fa. @faiisalll2]

الليله .. اللي تجيبك غير كل الليال
لولا المخافه من الله قلت ، ليلة قدر.

[Fa. @faiisalll2]

بالهوّن ضمه يا لطيف الهبوبِ
لاتزعج عيون شكت طول الاهداب

[Fa. @faiisalll2]

ما همني العالم ولا زحمة الناس
ولا همني هاليوم وش فيه ذاكر

أنت اهتمامي والفكر فيك محتاس
أفكر .. بْحاضر غرامك وباكر

ملكتني بالودّ من الرأس للساس
وعطيتني حبٍّ عن الناس شاكر

[أخبار السعودية @SaudiNews50]

اليوم 28 أغسطس..

يوم التفكير والاهتمام بالآخرين.

[Fa. @faiisalll2]

ياذات الغي وآُم المنطق المعسول
من فْصول اللقى ؛ كم فاتني حصة

تذكرتك وانا .. ( بيني وبينك ) حول
سنة ولّا آكثر / مْن الشوق والغصة

رغم ما بيننا .. يبقى ؛ الغلا موصول
على كثر « الزعل » طاريك يمتصه

وقفت آدوّرك " بين الوجيه " تقول
وجيه الناس هامش ؛ وأنتِ القصة

[Fa. @faiisalll2]

ودّي ألقط صورتك يوم تعرض في بالي
لقطةٍ في خاطري ماهيب لقطة شاشه.

[Fa. @faiisalll2]

- شمس التبريزي

تأكد بأني وإن رأيت النور في غيرك سأختار عتمتك

- ويقول مزيد الوسمي :

أخلي رحاب الأرض والشمس والأنسام
على شان أمر بدربك الموحش المظلم

[Fa. @faiisalll2]

يا واحدٍ جابك الله حلم و أعجوبة
الأرض ماتليق بك خذ موطنك صدري

قبلك حياتي ترى ماهيب مرغوبه
وشلون جدّد وجودك رغبتي مدري

عن عيني الناس ملغيّه ومحجوبه
ما أشوفك إلا سماي وكلهم حدري

[Fa. @faiisalll2]

سلاسل الولف لا شبكت بقلبين
تبطي واهلها مطاولها .. مرضها

[Fa. @faiisalll2]

تساؤل :

كيف أتوبك يا أجمل ذنوبي وأوقّف عند حدي ؟

[Fa. @faiisalll2]

بعد التباهي والعشم الواجد، احب اقولكم :

وانا وجهي ممتلي منه .. بـ أفااا
طاح مني قمر كنت اراهن على نوره.