فيصل بن مطلق الكثيري

إن عجزت عن فضائِل الإسلام فمروءة الجاهلية

[فيصل بن مطلق الكثيري @faisalalkthiri]

سميتنا بطويق وطويق معروف
طويق والله يامحمد جنابك

#محمد_بن_سلمان

[فيصل بن مطلق الكثيري @faisalalkthiri]

اباري توبتي واذا صملت وتبت
أعود لين اجدد ذنبي الباقي

عساني كل ماقل الكلام وغبت
اثبت وجهتي وأثبت على ساقي

[فيصل بن مطلق الكثيري @faisalalkthiri]

ماعاد لك تبرير يالعذر السمين
ثقلت حمول النفوس المتفانيه

ماتقضي اللازم وجيه المستحين
ولا تدرك الصعب العزوم الوانيه

مير انت ياللي ماتخدم الطيبين
هقيت بك واثر الهقاوي فانيه

كلمتك بموضوع واحد مرتين
والاوله راحت مراح الثانيه

[فيصل بن مطلق الكثيري @faisalalkthiri]

ما عندنا سربٍ يصنف بمجهول
نعلن على الاشهاد فعلة يدينا

#السعوديه_خط_احمر

[فيصل بن مطلق الكثيري @faisalalkthiri]

للكرامه وجه واحد وللعزه مبادي
جرح والراس مرفوع مانبغا علاجه

[فيصل بن مطلق الكثيري @faisalalkthiri]

مذكور ياشخصٍ عرفناه بالخير
لولا التكبر ماجزمنا وعفناه

ماهو رخيص وقدره اكبر من النير
ابني ويهدم بالجفاء مابنيناه

اقفى مثل دلوٍ حذفناه بالبير
اما يجي مليان ولا تركناه

[فيصل بن مطلق الكثيري @faisalalkthiri]

يموت الجبان باليوم مره وثنتين
ولايموت الشجاع الا بالعمر مره

[فيصل بن مطلق الكثيري @faisalalkthiri]

يعادوني على اللي يوجب الحب لافعالي
خلوا الافكار في بالي تحوم وتجول

[فيصل بن مطلق الكثيري @faisalalkthiri]

شيمة الانسان ميزان اعتداله وانحرافه
تنذره لاشافت الاوضاع ماهي مستتبه

ان عجزت انك ترد النفس عن شيٍ تعافه
ماقدرت تحط نفسك بالمكان اللي تحبه

[فيصل بن مطلق الكثيري @faisalalkthiri]

ماسعيت الا عشان الدفين الخافي
قدس الله سر صدرٍ مانويت افصاحه

مانفذ من قو صبري غير مطلع قافي
وماثبت غير اليقين بعزته ووشاحه

اعرف ان البحر ذا بحري وذا مجدافي
مثل ما اعرف قصة نيوتن مع التفاحه

الطموح اكبر من انه ينسفي بالسافي
والعزوم تزيد وعيون العرب قداحه

[فيصل بن مطلق الكثيري @faisalalkthiri]

خسايرك دون المعزه مكاسيب 
العز في كل المواقف يبدّا

[فيصل بن مطلق الكثيري @faisalalkthiri]

الوقت مثل الذيب لاحده الجوع
ماياكل الا راس راع المواجيب

ولا الردي حظه مع الوقت مرفوع
لا ياكله وقته ولا ياكله الذيب

[فيصل بن مطلق الكثيري @faisalalkthiri]

انقاض همي ما والله يكتشفها الطبيب
حتى لو يحطني باشعاعه المقطعي

حلمي بعيد وعسر والله قريبٍ مجيب
من يوم شفت الركاب تدرهم لمنبعي

لابس ثياب الثقه ياسكة المستريب
البندق تثور والحجه على المدعي

قام الحسود العفن حط بي الفين عيب
كل ما سعى في مطيحي يرتفع موقعي

[فيصل بن مطلق الكثيري @faisalalkthiri]

ترى هرجة الغيبه والاجحاف ماهي ليّ
لك الله ما قلنا مع اللي يقولونه

يا راسي تساما عن مقام الضعيف وعيّ
هاك الوقت لا شفته تعرفه من عيونه

عسى الزمرة اللي ظنهم بالنشاما سيّ
عليهم من المعبود ما يستحقونه

انا اللي تعرفونه لا من بغيتوا شيء
والا ما بغيتو شيء لا ما تعرفونه

[فيصل بن مطلق الكثيري @faisalalkthiri]

ماتحركنا الفتن والرياح العاتيات
وان نفخنا النار ماينفخ النار اشرمي

تشتعل ونقول هات الحطب للنار هات
لين ساحات القتال تمتلي طعن ورمي

ما تخضعنا لفرض الشروط الوافدات
تمسح الدنيا باهلها ولا نستسلمي

#السعودية_العظمى
#السعودية

[فيصل بن مطلق الكثيري @faisalalkthiri]

لاتصير للهفوات قصاص جره
عن شوف غرات العرب خلك اكبر

من فتش الاسرار يفتش مسره
لين السراير كل ابوها تبعثر

[فيصل بن مطلق الكثيري @faisalalkthiri]

ماتعرف الصامل الا بالطريق الطويل
والناس ماتعّرف الا في مواقيفها

واللي ماهو بيملكه معروف ولا جميل
حنا الرجاجيل تملكنا معاريفها

[فيصل بن مطلق الكثيري @faisalalkthiri]

سجين فكر وغفوة عيوني علاج
واللي بودي ماهو بكيف ودي

انام وابني في سماء احلامي ابراج
واصحى وتصحى عيون الايام ضدي

محتاج اعيش العمر ماني بمحتاج
ولا باح سد الناس ماباح سدي

[فيصل بن مطلق الكثيري @faisalalkthiri]

حفيد من حربته ما تضرب الا الدماغ
عاد الجزيره يدق الشر ناقوسها

اميرنا اللي له بيوت المدايح تصاغ
عرّاب للنهضه اللي ماقفل قوسها

يمشي خطى الواثق مايمشي من فراغ
كن العدا لا مشى يمشي على كبودها

#محمد_بن_سلمان
#السعودية_العظمى

[فيصل بن مطلق الكثيري @faisalalkthiri]

والله انـي كنت قبل الشخص ينطـق لـي خطيبه
أتهجّـا فكـرته وأقـراه قبـل اسمـع خطـابـه

من عيـونـه كنت أميّـز مقصـده قبل يحكيبـه
وقبل تمـريـر السـؤال أمـرّر اطراف الأجابه

[فيصل بن مطلق الكثيري @faisalalkthiri]

تقديت بكلامي ماتقديت بكلام الناس
خسارات الدروب اهم عندي من مكاسبها

أنا ماني بناقص معرفة ولا بليد احساس
عشان احط نفسي في مكانٍ مايناسبها.