فيصل سعد الرحيمي

مغرد ومتذوق للشعر . وأحب أتميّز عن غيري بكتابتي للشعر . المفضله لقصائدي . انستقرامي / Faisalalrahaimi

[فيصل سعد الرحيمي @faisl3x]

ماعطفت الا على ناسي الصلاة
وماحسدت بدنيتي الا الشهيد

ما ابي من هالحياه الا النجاة
وما ابي الا العفو يوم الوعيد

[فيصل سعد الرحيمي @faisl3x]

2 | رمضان 🌙
مع أول جمعة في رمضان ..
اللهم لا تدع في قلوبنا أمنية إلا وحققتها
وأرزقنا خير الأقدار وأكفنا شرها💙

[فيصل سعد الرحيمي @faisl3x]

لو العمر في دبرة الناس طوآع
مآ شفت قلب يشتكي آليوم عله

تدري وش اللي يبسط بكل الآوضآع
الحمد و آلتسبيح و ( آستغفر اللّه )

[فيصل سعد الرحيمي @faisl3x]

ياللي تحاسبني على مدّ يمناي
ما أنت بشريكٍ لي بحالي ومالي

ابي أبذل المعروف وأطنخ بدنياي
ولا متّ لي قبرٍ يسعني لحالي

[فيصل سعد الرحيمي @faisl3x]

لاتذخر الطيبه لاصرت تقدرها
ولاتلحق الطيبه لاجبتها منّه

النعم غيرك رياجيلٍ تدورها
ووش يحرمك قول جعل ابوك للجنّه

[فيصل سعد الرحيمي @faisl3x]

ياليت لي قدره على فعل ثنتين
ولاهي علي من الامور الكليفه

تسديد دين اللي يعاني من الدين
وتوظيف ناس ٍ ودها بالوظيفه

[فيصل سعد الرحيمي @faisl3x]

يالله بعلـمٍ يبـهـج الصـدر لاضاق
علمٍ يزيح اللي ورى الصدر اكنه

ورزقٍ من اللي كافـلٍ كـل الارزاق
يغـني عـن اللي رزقـهـم فـيـه منه

[فيصل سعد الرحيمي @faisl3x]

مـايذبح الرجـاال ويبـيـح خفاه
ويحز في نفسه ويلعن خامسه

إلا كلام الناس لا جـا مـن وراه
وإليا حضر كلن يجي ويخامسه

[فيصل سعد الرحيمي @faisl3x]

من فضل ربي وبركاته علينا
مانزعل الصاحب والا نكره الناس

لاصد عنّا واحدن مايبينا
نلقا بداله واحدن يرفع الراس

[فيصل سعد الرحيمي @faisl3x]

مواقف الطيب تبقى راسخه فالعقول
مهما يدور الزمن مايقدر يزولها

والمرجله بالمواقف والكرم والفعول
الناس بافعـالها ماهيب في قولها

[فيصل سعد الرحيمي @faisl3x]

وشلك بمجلس فيه حاقد وهراج
اللي على زلـتـك يفـرح احجـاجه

المجلس اللي جابلك هم وازعاج
جيتك عنده ياعـشيـري سماجه

[فيصل سعد الرحيمي @faisl3x]

لاتغـرك الـدنيـا وتنفـخ ذروبـك
وأنت آدمي مخلوق من حفنة تراب

المال لو شيّخك وأخفى عيوبك
النـاس تفـرق بالنظـر حـر وغـراب

[فيصل سعد الرحيمي @faisl3x]

ㅤ
⠀⠀
ضايقً من الديره ولا ادري وين اروح
وصدوف بقعا عارضة بسمت شفآي ')

[فيصل سعد الرحيمي @faisl3x]

ممتلي صدري كلام ولا عرفت أقوله
من يعبّر عن شعوري بالنّيابة عني ؟

[فيصل سعد الرحيمي @faisl3x]

عزي لمنهو حزين وجاحد همه
يبين انه سسلي والحـال متداني

[فيصل سعد الرحيمي @faisl3x]

ماغير أهوجس وعيني صوب جوالي
أقفله وأفتحه مدري وش الطاري

[فيصل سعد الرحيمي @faisl3x]

الگتوم ، اللي تعوّد .. مايفضفض
لا أمتلا ضيقات وش ممكن يسوي؟

[فيصل سعد الرحيمي @faisl3x]

عبرتي فالعين حارت وفضحتني
سامح الله من على العبرة حداني

[فيصل سعد الرحيمي @faisl3x]

ودي أسولف مع آي أنسان ماعرفه
يسمع كلامي و اذا خلصت يتركني

[فيصل سعد الرحيمي @faisl3x]

- وأن خابت ﺎلھقوات حيل ﺎلله ﺎقوی .