في كل وجهً من وجيه الناس
يطل وجهك و انتشي و اهيم
وانسى المكان بزحمة الجلاس
واسمعك بالترحيب و التسليم
عقلي معي .. لكن قلبي حاس
بأنه ما هو وسط الضلوع مقيم
وان الرجال افعال و انا الراس
وان الحريم ازوال و انتي ريم
مشكلة عقلي لقى قلبي محله
ليت قلبي ما جهل قيمة شدادي
وصدفت ضيقة عزيزً جاي كله
ما درا اني يومها ماني بهادي
اذكر انه قبل لا يخلي محله
قال عادي لو افارق قلت : عاااادي
انا لا فز قلبي و انخطف مني بـ ضحكة سن
عسى ربي يطول عمري الباقي على الطاعه
يجيني كن ما فيني بلا و يروح عني كن
ما عشت الا له و ما مت غير بـ لحظة وداعه
يرد العلم فيه و ينكتب لجله و يسند عن
عيونه كل ما قامت تبشرني عن اوضاعه
عن الطاري اللي يقضب الصدر قضبة يد
تلقيت مشرافٍ تطارخ نسانيسه
لقيت بعلوه راحتي بين بدع ورد
تضاريس روحي تنسجم مع تضاريسه
توايق على صدري وتلقا الكلام الجد
انا شاعرٍ ما يصرف الحزن من كيسه
لو الود ودي ما تعلق باللحظة ود
ولا احبس بسجنٍ ما يحرر محابيسه
@dal00l86 علموا عيالكم ياخذون حقهم بيدهم ، خطا
علموا عيالكم يدافعون عن حقهم ، صح
علموا عيالكم على العاب القوة والدفاع عن النفس ، صح
التربية السليمة والبيئة الصحية تنتج طفل سليم ، صح