Faizan Hussain

سید نصیر الدین نصیر گیلانی رحمتہ اللہ علیہ کا یوم ولادت November 14 1949 پیر نصیر الدین نصیر چشتی ایک شاعر ،ادیب ،محقق ،خطیب ،عالم اور صوفی باصفا و پیر سلسلہ چشتيہ تھے۔ آپ اردو، فارسی اور پنجابی زبان کے شاعر تھے۔ اس کے علاوه عربی، ہندی، پوربی اور سرائیکی زبانوں میں بھی شعر کہے۔ اسی وجہ سے انہین "شاعر ہفت زبان" کے لقب سے یاد کیا جاتا ہے۔ آپ پیر غلام معین الدین (المعروف بڑے لالہ جی) کے فرزند ارجمند اور پير مہر علی شاہ کے پڑپوتے تھے۔ آپ کی ولادت 14 نومبر 1949ء میں گولڑه شریف میں ہوئی۔ آپ گولڑہ شریف کی درگاہ کے سجادہ نشین تھے۔ پیر صاحب کا انتقال 13 فروری 2009ء کو ہوا .... دین سے دور، نہ مذہب سے الگ بیٹھا ہوں تیری دہلیز پہ ہوں، سب سے الگ بیٹھا ہوں ڈھنگ کی بات کہے کوئی، تو بولوں میں بھی مطلبی ہوں، کسی مطلب سے الگ بیٹھا ہوں بزمِ احباب میں حاصل نہ ہوا چین مجھے مطمئن دل ہے بہت، جب سے الگ بیٹھا ہوں غیر سے دور، مگر اُس کی نگاہوں کے قریں محفلِ یار میں اس ڈھب سے الگ بیٹھا ہوں یہی مسلک ہے مرا اور یہی میرا مقام آج تک خواہشِ منصب سے الگ بیٹھا ہوں عمر کرتا ہوں بسر گوشہ ء تنہائی میں جب سے وہ روٹھ گئے، تب سے الگ بیٹھا ہوں میرا انداز نصیر اہلِ جہاں سے ہے جدا سب میں شامل ہوں، مگر سب سے الگ بیٹھا ہوں .... کبھی ان کا نام لینا کبھی ان کی بات کرنا مرا ذوق ان کی چاہت مرا شوق ان پہ مرنا وہ کسی کی جھیل آنکھیں وہ مری جنوں مزاجی کبھی ڈوبنا ابھر کر کبھی ڈوب کر ابھرنا ترے منچلوں کا جگ میں یہ عجب چلن رہا ہے نہ کسی کی بات سننا، نہ کسی سے بات کرنا شب غم نہ پوچھ کیسے ترے مبتلا پہ گزری کبھی آہ بھر کے گرنا کبھی گر کے آہ بھرنا وہ تری گلی کے تیور، وہ نظر نظر پہ پہرے وہ مرا کسی بہانے تجھے دیکھتے گزرنا کہاں میرے دل کی حسرت، کہاں میری نارسائی کہاں تیرے گیسوؤں کا، ترے دوش پر بکھرنا چلے لاکھ چال دنیا ہو زمانہ لاکھ دشمن جو تری پناہ میں ہو اسے کیا کسی سے ڈرنا وہ کریں گے نا خدائی تو لگے گی پار کشتی ہے نصیرؔ ورنہ مشکل، ترا پار یوں اترنا ----- مری زیست پر مسرت کبھی تھی نہ ہے نہ ہوگی کوئی بہتری کی صورت کبھی تھی نہ ہے نہ ہوگی مجھے حسن نے ستایا، مجھے عشق نے مٹایا کسی اور کی یہ حالت کبھی تھی نہ ہے نہ ہوگی وہ جو بے رخی کبھی تھی وہی بے رخی ہے اب تک مرے حال پر عنایت کبھی تھی نہ ہے نہ ہوگی وہ جو حکم دیں بجا ہے، مرا ہر سخن خطا ہے انہیں میری رو رعایت کبھی تھی نہ ہے نہ ہوگی جو ہے گردشوں نے گھیرا، تو نصیب ہے وہ میرا مجھے آپ سے شکایت کبھی تھی نہ ہے نہ ہوگی ترے در سے بھی نباہے، در غیر کو بھی چاہے مرے سر کو یہ اجازت کبھی تھی نہ ہے نہ ہوگی ترا نام تک بھلا دوں، تری یاد تک مٹا دوں مجھے اس طرح کی جرأت کبھی تھی نہ ہے نہ ہوگی میں یہ جانتے ہوئے بھی، تری انجمن میں آیا کہ تجھے مری ضرورت کبھی تھی نہ ہے نہ ہوگی تو اگر نظر ملائے، مرا دم نکل ہی جائے تجھے دیکھنے کی ہمت کبھی تھی نہ ہے نہ ہوگی جو گلہ کیا ہے تم سے، تو سمجھ کے تم کو اپنا مجھے غیر سے شکایت کبھی تھی نہ ہے نہ ہوگی ترا حسن ہے یگانہ، ترے ساتھ ہے زمانہ مرے ساتھ میری قسمت کبھی تھی نہ ہے نہ ہوگی یہ کرم ہے دوستوں کا، وہ جو کہہ رہے ہیں سب سے کہ نصیرؔ پر عنایت کبھی تھی نہ ہے نہ ہوگی ----- لہجے میں ہو اخلاق تو دو بول بہت ہیں انسان کو رہتی ہے محبت کی زباں یاد میں نے بھی گُہر ایسے چُنے کانِ سُخن سے اُمید ہے رکھیں گے مجھے اہلِ زباں یاد ---- وفا ہو کر، جفا ہو کر، حیا ہو کر، ادا ہو کر سمائے وہ میرے دل میں نہیں معلوم کیا ہو کر میرا کہنا یہی ہے تو نہ رُخصت ہو خفا ہو کر اب آگے تیری مرضی، جو بھی تیرا مُدعا ہو، کر نہ وہ محفل، نہ وہ ساقی، نہ وہ ساگر، نہ وہ بادہ ہماری زندگی اب رہ گئی ہے بے مزہ ہو کر معاذاللّه! یہ عالم بتوں کی خود نمائی کا کہ جیسے چھا ہی جائیں گے خدائی پر، خدا ہو کر بہر صورت وہ دل والوں سے دل کو چھین لیتے ہیں مچل کر، مسکرا کر، روٹھ کر، تن کر، خفا ہو کر نہ چھوڑو ساتھ میرا ہجر کی شب ڈوبتے تارو نہ پھیرو مجھ سے یوں آنکھیں، مرے غم آشنا ہو کر اِنھیں پھر کون جانچے، کون تولے گا نگاہوں میں اگر کانٹے رہیں گُلشن میں پھولوں سے جدا ہو کر مرے دل نے حسینوں سے مزے لوٹے محبت کے کبھی اِس پر فدا ہو کر، کبھی اُس پر فدا ہو کر جہاں سے وہ ہمیں ہلکی سی اک آواز دیتے ہیں وہاں ہم جا پہنچتے ہیں محبت میں ہوا ہو کر سنبھالیں اپنے دل کو ہم کہ روئیں اپنی قسمت کو چلے ہیں اے نصیرِ زار، وہ ہم سے خفا ہو کر ..................................

UrduVirsa's tweet photo. سید نصیر الدین نصیر گیلانی رحمتہ اللہ علیہ کا یوم ولادت
November 14 1949
پیر نصیر الدین نصیر چشتی ایک شاعر ،ادیب ،محقق ،خطیب ،عالم اور صوفی باصفا و پیر سلسلہ چشتيہ تھے۔ آپ اردو، فارسی اور پنجابی زبان کے شاعر تھے۔ اس کے علاوه عربی، ہندی، پوربی اور سرائیکی زبانوں میں بھی شعر کہے۔ اسی وجہ سے انہین "شاعر ہفت زبان" کے لقب سے یاد کیا جاتا ہے۔ آپ پیر غلام معین الدین (المعروف بڑے لالہ جی) کے فرزند ارجمند اور پير مہر علی شاہ کے پڑپوتے تھے۔ آپ کی ولادت 14 نومبر 1949ء میں گولڑه شریف میں ہوئی۔ آپ گولڑہ شریف کی درگاہ کے سجادہ نشین تھے۔ پیر صاحب کا انتقال 13 فروری 2009ء کو ہوا
....
دین سے دور، نہ مذہب سے الگ بیٹھا ہوں
تیری دہلیز پہ ہوں، سب سے الگ بیٹھا ہوں

ڈھنگ کی بات کہے کوئی، تو بولوں میں بھی
مطلبی ہوں، کسی مطلب سے الگ بیٹھا ہوں

بزمِ احباب میں حاصل نہ ہوا چین مجھے
مطمئن دل ہے بہت، جب سے الگ بیٹھا ہوں

غیر سے دور، مگر اُس کی نگاہوں کے قریں
محفلِ یار میں اس ڈھب سے الگ بیٹھا ہوں

یہی مسلک ہے مرا اور یہی میرا مقام
آج تک خواہشِ منصب سے الگ بیٹھا ہوں

عمر کرتا ہوں بسر گوشہ ء تنہائی میں
جب سے وہ روٹھ گئے، تب سے الگ بیٹھا ہوں

میرا انداز نصیر اہلِ جہاں سے ہے جدا
سب میں شامل ہوں، مگر سب سے الگ بیٹھا ہوں
....
کبھی ان کا نام لینا کبھی ان کی بات کرنا
مرا ذوق ان کی چاہت مرا شوق ان پہ مرنا

وہ کسی کی جھیل آنکھیں وہ مری جنوں مزاجی
کبھی ڈوبنا ابھر کر کبھی ڈوب کر ابھرنا

ترے منچلوں کا جگ میں یہ عجب چلن رہا ہے
نہ کسی کی بات سننا، نہ کسی سے بات کرنا

شب غم نہ پوچھ کیسے ترے مبتلا پہ گزری
کبھی آہ بھر کے گرنا کبھی گر کے آہ بھرنا

وہ تری گلی کے تیور، وہ نظر نظر پہ پہرے
وہ مرا کسی بہانے تجھے دیکھتے گزرنا

کہاں میرے دل کی حسرت، کہاں میری نارسائی
کہاں تیرے گیسوؤں کا، ترے دوش پر بکھرنا

چلے لاکھ چال دنیا ہو زمانہ لاکھ دشمن
جو تری پناہ میں ہو اسے کیا کسی سے ڈرنا

وہ کریں گے نا خدائی تو لگے گی پار کشتی
ہے نصیرؔ ورنہ مشکل، ترا پار یوں اترنا
-----
مری زیست پر مسرت کبھی تھی نہ ہے نہ ہوگی
کوئی بہتری کی صورت کبھی تھی نہ ہے نہ ہوگی

مجھے حسن نے ستایا، مجھے عشق نے مٹایا
کسی اور کی یہ حالت کبھی تھی نہ ہے نہ ہوگی

وہ جو بے رخی کبھی تھی وہی بے رخی ہے اب تک
مرے حال پر عنایت کبھی تھی نہ ہے نہ ہوگی

وہ جو حکم دیں بجا ہے، مرا ہر سخن خطا ہے
انہیں میری رو رعایت کبھی تھی نہ ہے نہ ہوگی

جو ہے گردشوں نے گھیرا، تو نصیب ہے وہ میرا
مجھے آپ سے شکایت کبھی تھی نہ ہے نہ ہوگی

ترے در سے بھی نباہے، در غیر کو بھی چاہے
مرے سر کو یہ اجازت کبھی تھی نہ ہے نہ ہوگی

ترا نام تک بھلا دوں، تری یاد تک مٹا دوں
مجھے اس طرح کی جرأت کبھی تھی نہ ہے نہ ہوگی

میں یہ جانتے ہوئے بھی، تری انجمن میں آیا
کہ تجھے مری ضرورت کبھی تھی نہ ہے نہ ہوگی

تو اگر نظر ملائے، مرا دم نکل ہی جائے
تجھے دیکھنے کی ہمت کبھی تھی نہ ہے نہ ہوگی

جو گلہ کیا ہے تم سے، تو سمجھ کے تم کو اپنا
مجھے غیر سے شکایت کبھی تھی نہ ہے نہ ہوگی

ترا حسن ہے یگانہ، ترے ساتھ ہے زمانہ
مرے ساتھ میری قسمت کبھی تھی نہ ہے نہ ہوگی

یہ کرم ہے دوستوں کا، وہ جو کہہ رہے ہیں سب سے
کہ نصیرؔ پر عنایت کبھی تھی نہ ہے نہ ہوگی
-----
لہجے میں ہو اخلاق تو دو بول بہت ہیں
انسان کو رہتی ہے محبت کی زباں یاد
میں نے بھی گُہر ایسے چُنے کانِ سُخن سے
اُمید ہے رکھیں گے مجھے اہلِ زباں یاد
----
وفا ہو کر، جفا ہو کر، حیا ہو کر، ادا ہو کر
سمائے وہ میرے دل میں نہیں معلوم کیا ہو کر
میرا کہنا یہی ہے تو نہ رُخصت ہو خفا ہو کر
اب آگے تیری مرضی، جو بھی تیرا مُدعا ہو، کر
نہ وہ محفل، نہ وہ ساقی، نہ وہ ساگر، نہ وہ بادہ
ہماری زندگی اب رہ گئی ہے بے مزہ ہو کر
معاذاللّه! یہ عالم بتوں کی خود نمائی کا
کہ جیسے چھا ہی جائیں گے خدائی پر، خدا ہو کر
بہر صورت وہ دل والوں سے دل کو چھین لیتے ہیں
مچل کر، مسکرا کر، روٹھ کر، تن کر، خفا ہو کر
نہ چھوڑو ساتھ میرا ہجر کی شب ڈوبتے تارو
نہ پھیرو مجھ سے یوں آنکھیں، مرے غم آشنا ہو کر
اِنھیں پھر کون جانچے، کون تولے گا نگاہوں میں
اگر کانٹے رہیں گُلشن میں پھولوں سے جدا ہو کر
مرے دل نے حسینوں سے مزے لوٹے محبت کے
کبھی اِس پر فدا ہو کر، کبھی اُس پر فدا ہو کر
جہاں سے وہ ہمیں ہلکی سی اک آواز دیتے ہیں
وہاں ہم جا پہنچتے ہیں محبت میں ہوا ہو کر
سنبھالیں اپنے دل کو ہم کہ روئیں اپنی قسمت کو
چلے ہیں اے نصیرِ زار، وہ ہم سے خفا ہو کر
..................................

602

134

42K

Faizan Hussain @faizinator

almost 3 years ago

وہ کمال حُسنِ حضور ﷺ ہے کہ گمانِ نقص جہاں نہیں یہی پھول خار سے دور ہے یہی شمع ہے کہ دھواں نہیں کروں اُن کے نام پہ جاں فدا، نہ بس ایک جاں دو جہاں فدا دو جہاں سے بھی نہیں جی بھرا، کروں کیا کروڑوں جہاں نہیں میلاد النبی ﷺ