Farida

[Dalia gamil @daliagamil2009]

روحت اتبرع لمستشفى أبو الريش للأطفال ، وأول ما وصلت شفت طفل متكفن ، يجى أربع أو خمس سنين من طوله على إيد باباه ، وواحد مستنيه بموتوسيكل ، ومامته بتجرى وراه ومعاها واحدة ، بيقولوا لو ملقناش ميكروباص هنتصرف ونيجى ، وفضلوا يجروا في الشارع ورا الموتوسيكل ، اللى هو مفيش تاكسى ياخدوا ابنهم فيه ، مش معاهم فلوس ..

وأنا اتسمرت مش فاهم حاجة ، وفهمت بعدها من واحدة كانت واقفة جنبى طفلة يجى ١٢ سنة ..

قالتلى: ده كان داخل على رجله ، واتوفى ، مامته كانت بتقول كدة وهى بتصرخ ..

لهجتها صعيدية ، قالتلى أنا من أسوان ، بس لينا قرايبنا قاعدين عندهم ، جه أخوها يجى تلات سنين ، لقيت فى إيده كانيولا يا حبيبى ، وواقف جنبها الولد حافى ..

أى وقت بالليل تعدى جنب سور المستشفى ، هتلاقوا ناس نايمة في الشارع ؛ دول أهل الأطفال اللى جوه مش معاهم إمكانيات يأجروا مكان يباتوا فيه ؛ فبيناموا في الشارع

وكمان ساعات يندهوا على أهل الطفل ، محتاجين لبن .. محتاجين دواء .. يعنى منتهى الذل ..

دخلونا للمدير الإدارى ، الراجل رحب بينا ، وجاب لنا مدير الخدمة الاجتماعية ، طلعنا مكتبه وجاب ملف فيه حالات محتاجة ..

أطفال محتاجة علب لبن ، ومفيش إمكانية ، يعنى ممكن يموتوا عشان مفيش لبن ..

طفله عندها ٨٠ يوم ، عاوزة أنبوبة أكسجين ،، ومفيش إمكانية ، وأهلها بيلفوا يدورا على حد يسلفهم ..

طفل محتاج دوا بألف جنيه ، وحالته خطيرة ، مش مع المستشفى غير ٢٠٠ جنيه ، وكمان تبرعات ..

وحالات كتيييييير مش قادر أوصفها ، بس دول اللى فاكرهم ..

المستشفى فيها أورام وقلب مفتوح وفشل كلوى ،

فبقوله: يا فندم ليه مش عامليين دعايا ؟!

قال لي: احنا مش معانا نصرف على الدعايا ..

التبرع إنك تساهم فى علاج حالة ، أو تتكلف بروشتة ، وهما يبلغوك محتاجين كام ؟؟

أو تعين أسر فقيرة مش لاقية تاكل ، وليها حالات عندهم ..

فيه أسر جاية من أدغال مصر ، وفى أسرة مش معاها موبايل ، متخيليين إنهم قاعدين في الشارع ، عشان لو حصل حاجه محدش هيعرف يوصلهم ..

أى جنيه بتدفعوا بيبعتوا عالواتس صورة بالفاتورة ،

الراجل قال: إحنا هنا بفضل ربنا ، وتبرعاتكم هى اللى ساندانا ..

انا مكنتش ناوي خااااالص أقول لحد ، بس بعد اللى شفته بعينى ، وأد ايه الناس دى محتاجة ومحدش يعرف عنهم حاجة ..

دول أطفال بتموت ، وأطفال فى حضانات ، وأطفال عندها أورام ، واللى عندها أيام وتموت ، وأطفال صمامتها مسدودة ، وعندها أكتر من ثقب ، وأمهات شفتها شايلة عيالها صغيرييييين ، وفى إيديهم الكانيولا ، كنت عاوز أبكي جنبهم ..

حمدت ربنا على كل نعمة مش حاسين بيها ، وإن الحمد لله أولادي كويسين ..

ربنا يجيرهم فى مصائبهم ..

لو كل واحد فينا أقل الايمان ، خد خمسين جنيه وراح هناك ، أقسم بالله ممكن تنقذ طفل ،

احنا بنشترى تفاهات كل يوم ، وكولا وشيبسي وشوكولاته وبناكل بأكتر من كده ، أكننا مش هناكل من بره يوم ..

ممكن كل كام واحد أو واحدة وصحابهم ، يلموا من بعض ويتصدقوا كل شهر هناك ، وخلوا كل مرة نية حلوة للصدقة الجميلة دى ..

مرة تنجح ، مرة تتجوز ، مرة يطول فى عمر أهلك ، مرة لمتوفى، والله والله ربنا اكرم مننا ؟ احنا اللى محتاجين ده مش هما ..

طولت عليكم وياريت تعملوا شير ؛ عشان الكل يشوفوا

إبداء بنفسك وساعد غيرك ..

مستشفى أبو الريش للأطفال ، فيها اطفال بتموت عشان أهلهم مش معاهم ٥٠ جنيه يجيبوا علاج ..

اللي عاوز يتبرع يروح بنفسه، ويجيبلهم علاج أو دم أو يتبرع فى حسابهم فى بنك ناصر الاجتماعي وفيه وسيلة سهلة للتبرع عن طريق خدمة فوري ..

المستشفى معندهاش فلوس ؛ علشان تعمل دعاية زى مستشفى 57 أو مجدي يعقوب ، فخلينا احنا نبقى الدعاية بتاعتها ......

شير فى الخير ..

عايزين نشير علشان الناس تساعد ....

والخير دوار ... شير فى الخير

دعوة للتبرع لمستشفى أبو الريش للأطفال ..

ربنا يتقبل ..

لا تستصغروا فعل الخير .. فربما كانت هي المنجية ..

( علي فكرا احنا نقدر نعمل احسن اعلان للمستشفي دي نحط الكلام دا ف جروبات وع صفحات دا لو مش هتقدر تتبرع ليها غيرك ممكن يشوف الكلام دا وربنا يقدروا ويساعد
#مستشفى_ابو_الريش_للاطفال
منقول

[Nermeen @Nermbed]

بيكره الطبقة المتعلمة الself made جدا.. التعليم الجامعي المجاني دا من اعظم ما تم في تاريخ البلد دي

[Sherin Helal @sherinhelal555]

🔥 9500 وافد داخل جامعة الزقازيق
أ. د. إيهاب الببلاوي، نائب رئيس جامعة الزقازيق

لو هنعمم الحسبة دي في جامعة على باقي جامعات مصر الحكومية ال28 يبقى 9500*28=266 ألف
وهنطبق 150% على 5 سنين يبقى 665 ألف وافد!!
على فكرة الأرقام دي ملهاش دعوة بطلاب الوافدين لجامعة الأزهر والمبتعثين. ولا لها علاقة بوافدين الجامعات الخاصة

واحنا عندنا نوع فريد من الوافدين بيجيي ويجيب معاه الأسرة ويجوز ويتكاثر وينتشر!!

ملحوظة وافدين جامعة القاهرة لوحدهم 33 ألف
وطبعا عين شمس وإسكندرية ارقام أكبر من الزقازيق، بس احنا حبينا نقرب الصورة في الحسبة!!!

[Nisreenology @nisreenology]

شفت بوست عن مستشفي ابو الريش بتاعه الاطفال مؤلم جدا طرق التبرع التفصيلية لمستشفى أبو الريش:رسائل SMS: أرسل كلمة "طفل" أو رسالة فارغة إلى رقم 9501 للتبرع بمبلغ 5 جنيهات.
فوري (Fawry): تبرع عبر كود رقم 998 (مستشفى أبو الريش المنيرة).
البنوك المصرية:

[Sherin Helal @sherinhelal555]

استغاثه إلى الأب الرئيس عبد الفتاح السيسي
نحن أولياء أمور طلاب مدارس المتفوقين للعلوم والتكنولوجيا وبأسم 1900 طالب متفوق حاصلين على أعلى مجاميع نستغيث بسيادتكم لأنصاف ابناءنا..

طلاب ستم هم طلاب مدارس حكومية مصريه مثلها مثل باقي المدارس الحكوميه المصريه وتم اختيار طلاب ستم طبقاً لامتحانات تبين وتثبت النبوغ والتفوق الدراسي والعلمي لهؤلاء الطلاب عن باقي الطلاب في المدارس الأخرى..

طلاب ستم أبناء أسر مصريه متوسطه ماديا ومنهم من هم أقل من المتوسط ومع ذلك لاندري لماذا يتم معاملة طلاب ستم في التنسيق للدخول الجامعات مع الشهادات المعادله والأجنبية ؟؟؟

نحن لانريد امتيازات ولا نريد أن نأخذ اكثر من حقنا بل نريد ان نتعامل كمدارس حكوميه مصريه وهذه طبيعة وقانونيه مدارسنا نحن لسنا شهادات اجنبيه ولا معادله

نحن مدارس مصريه نظامها الدراسي قائم على البحث والابتكار والتحليل والمشروعات والمشاركه في المسابقات المحليه والعالميه...

سيادة الرئيس نحن أولياء الأمور وابناءنا نناشد سيادتكم بقلوب يملأها الحزن والأسى والحسره على ضياع مستقبل ابنائهم وتحطم احلامهم وطموحاتهم واستكمال مسيرتهم التعليمية على صخرة البيروقراطيه والقوانين والقرارت المجحفه نناشدكم في إنصاف طلاب ستم في الحصول على مقاعد في الجامعات الحكوميه في الكليات الطبيه والهندسيه بما يتناسب وطبيعة دراستهم ونبوغهم وتفوقهم العلمي ..

نناشد سيادتكم في تنسيق عادل لطلبه مصريه من أسر بسيطه ليس في مقدورها ان تدخل ابناءها جامعات أهليه أو خاصه.

[Sherin Helal @sherinhelal555]

كتبت النائبة هايدي المغازي
على حسابها في الفيس بوك

🟠 زيادة أعداد الطلاب الوافدين لا يجب أن تأتي على حساب أبناء المصريين بالخارج

في الوقت الذي تستهدف فيه الدولة زيادة أعداد الطلاب الوافدين إلى الجامعات المصرية وتعظيم العائد الاقتصادي والحصيلة الدولارية، يجب في المقابل أن نضمن ألا يأتي ذلك على حساب حق أبناء المصريين بالخارج في الحصول على فرص عادلة للالتحاق بالجامعات الحكومية.

لذلك، تقدمت بسؤال برلماني إلى الدكتور مصطفى مدبولي، رئيس مجلس الوزراء، والدكتور عبد العزيز قنصوة، وزير التعليم العالي والبحث العلمي، بشأن التوجيهات الخاصة بزيادة أعداد الطلاب الوافدين بنسبة تصل إلى ١٥٠٪ خلال السنوات الخمس المقبلة، ومدى التوازن بينها وبين نسب قبول أبناء المصريين بالخارج.

وأوضحت أن أبناء المصريين بالخارج، خاصة حملة الشهادات المعادلة، يواجهون تحديات وصعوبات في إجراءات القبول والتنسيق والمعادلة، في الوقت الذي لا تتجاوز فيه النسبة المخصصة لهم في الجامعات الحكومية ٥٪ من الأعداد المقررة.

وطالبت الحكومة بالكشف عن الأساس القانوني لهذه النسبة، ومدى كفايتها في ظل الزيادة المستمرة في أعداد المصريين بالخارج وأبنائهم، إلى جانب توضيح الفارق بين شروط قبول الطلاب الوافدين غير المصريين وأبناء المصريين بالخارج، خاصة في كليات القمة.

كما طالبت ببيان الإجراءات التي ستتخذها الحكومة لتحقيق التوازن بين الاستفادة الاقتصادية من الطلاب الوافدين، وبين ضمان تكافؤ الفرص والعدالة لأبناء المصريين بالخارج، وعدم تغليب الاعتبارات الاقتصادية على حقوق المواطنين.

النائبة هايدي المغازي مرشحة عن حزب العدل، وعضوة في تنسيقية شباب الأحزاب والسياسيين.
دخلت البرلمان ضمن القائمة الوطنية من أجل مصر (قطاع شمال ووسط وجنوب الصعيد)

[Sherin Helal @sherinhelal555]

أسامة كمال يطالب بإنصاف طلاب IG المتفوقين بعد إغلاق فرص أمامهم بسبب تأخر النتيجة: حق المتفوق أن يحصل على فرصته كاملة

معاناة طلاب الشهادات الأجنبية
وخصوصا ال IG
يجيب كام الطالب أكتر من 99.4% عشان يدخل كلية طب في جامعة خاصة أو اهلية؟
محدش جاب سيرة الجامعات الحكومية ولا حاجة !!!
التنسيق بتاعهم بيطلع متاخر عن باقي الشهادات، يتحرموا ليه من فرصهم؟؟؟!

[Sherin🇪🇬 @sherin0409]

ايه معنى انك تعمل مدارس للمتوفقين ٣ سنين داخلي ومناهج مفروض متقدمة معقدة وبعدين تسوحهم لما ييجي وقت يدخلوا الجامعة وتفضل عليهم السوداني ابو ٧٠% يا مصر بتعملي في ولادك كده ازاي بجد

[AHMAD LOTFI @AHMADLO13219562]

ترحيل الإجازات إلى أيام الخميس قتل روح المناسبة، وأضاع خصوصيتها، وأفرغها من معناها، وحول الأعياد الدينية والوطنية إلى مجرد عطلة أسبوعية مطولة بلا هوية ولا معنى.
مجرد أيام عابرة للاستجمام بعد أن كانت نابضة بالذكريات.

[House ☥ @casperstarr2]

محتاجين نعرف اننا مش شعب متدين بطبعه
وفينا مجرمين زي اي شعب واكتر شوية علشان الحالة الاقتصادية
ومفيش حاجة اسمها نزود حصص الدين او نهتم بالاخلاقيات علشان الحل الوحيد هو القانون ويكون مدني ١٠٠٪ ويتطبق علي الجميع
ده الامل الاخير والوحيد

[Rania @ranbed1]

الخروف يضرب من جديد

[Zeinobia 🎙️📷📓🍉 @Zeinobia]

الحمد الله إنهم فشلوا في اغتصاب البنت الدور و الباقي علي قعدوا يتفرجوا
معلهش في ناس هتدافع عنهم بس زمان بالفعل كان في رجالة بجد هتخاطر بحياتها
الفيديو مرعب و حاسة ان فكرة ده في الشيخ زايد اللي ناس دفعت ملايين من الآخر علشان الأمن و الأمان و النضافة و الترقي الاجتماعي جرس لوحده

[. @Exmligy]

حادثة تفاصيلها حزينة جدا ربنا يرحم ابنها ويرحمها ويرحمنا برحمته

[🕊️ @artasawoman]

الواد دا بهيمة وسطهم، الراجل التاني مسابوش يقول ايه اللي بيحصل في مصر هو تجاهل العته دا تمامًا و قاله لا انا بفتخر، بجد الكلام المعفن بتاع السرسجية و الفلاحين مبيبانش قد ايه هو حقير و عرة غير لما بيتحط وسط ناس طبيعية، بتحس ان حشرة قاعدة مع ناس

[Nermeen @Nermbed]

وبعدين يطلع يقول لك كلهم بيشتموني محدش بيناقشني

[Sahar Mahmoud @Sahar_Eldeeb]

الجدع ال إسمه صالح ده بجربعته الفكرية دي بيعمل أيه وسط الناس ال بيسعوا يبقوا بشر أسوياء طبيعيين دول !!؟
وللأسف الشديد الجدع ده بعقليته دي هو مثال لملايين الشباب المصريين
ال أتلعب في عداد مخهم من زمان
عقلية :
الديوث
الخروف
القرون
وتركبني
دي بقت العقلية السائدة للأسف
وصالح ماهو إلا صوت للملايين والملايين من الشباب في مصر
بس حلوة الحفلة ال معمولة عليه دي علشان يتعلم يبقى بني آدم ويبطل جربعة
طالما عامل بودكاست بيتفرج عليه ملايين الناس وخاصة الشباب
ال مستنيين جربوع يغذي جربتعهم

[🇪🇬🇪🇬Adel @Adel14780289]

ده مستوي خريجين كليات الطب عندنا
زميلهم المسيحي توفي ف كتب تنويه أنه مش مسلم لأن في ناس كفرت و دعت ليه في الكومنتات
لأن ممكن الله يرحمه بالغلط بسبب دعوة

[اسكندرية - Alexandria @Alexandria_egy1]

أكتر ناس من حقها تزعل على سيدي جابر، هم اللي عاشوها وشافوها في الفترة من ⁦2000⁩ لـ ⁦2010⁩.

اللي فاكر الكورنيش بشكله القديم، الشوارع الواسعة، البحر المفتوح قدامك، والعربيات الصفراء والسوداء وهي ماشية وسط منظر كان له روح وشخصية مختلفة تمامًا.

سيدي جابر وهي في واحدة من أجمل فتراتها.

سيدي جابر ⁦2000–2010⁩.. مين عاش الفترة دي ولسه فاكرها؟

[Habiba @HabibaAzazy]

Me

[⁦🇪🇬⁩ Attar 🇪🇬⁩ @attar_0_0]

ريهام عبد الغفور بتقول انها بتحب اكتر الناس اللي سنهم كبير وعندهم تجاعيد عن الناس اللي سنهم كبير وشكلهم مش حقيقي
وانها مكانتش بتشوف التجاعيد لحد ما الناس كتبتلها
وقالت انها كانت بتتعامل عادى خالص مع وشها ومع ايديها لحد ماقرأت " ايه ده هى كبرت كدا ليه ؟ "
وانها مش شاغلة بالها أصلا بموضوع الشكل ده ابدا ومش حاسة ان قيمتها كبنآدم في شكلها خالص