عدنا و العود احمد ان شاء الله ..
دائماً بعد التعب و الملل يأتي موسم الحصاد ..
⭐️ اكيد شايفين كيف انه الكل تعبان و حاسس بالملل حتى ايضاً مستسلمين ، و دائماً كان هاد هو الوقت المناسب تماماً لترتيب المحفظة و تجميع المشاريع الجيدة فيها ..
⭐️ العملات المضاربية يلي عم ندخلها بشكل تدريجي عم نستفيد منها بصورة جيدة لزيادة الكاش و تزويد كمياتنا بالمشاريع الاستثمارية ..
⭐️ المشاريع القوية ما بتخبي حالها و اختيار المشاريع الجيدة هو يلي رح يرفع المحفظة و يعطينا لذة الصبر يلي عملناها بالفترات الماضية ..
⭐️ الغالبية يلي بعرفهم بفترات الصعود الماضية بشهر 10 لحد بداية السنة الحالية طمعوا بالارباح و الارقام الكبيرة ..
⭐️ ايضاً بموجة الصعود السابقة بسنة 2023 كذلك الامر الطمع كان كبير جداً لذلك لازم نحاول ما نكرر اخطاء الماضي و نستفيد منها ..
⭐️ المتابعين معي بيعرفوا اديش كنت مهتم بنسبة جني الارباح بين 3-5 اضعاف حتى في عام 2025 لازلت متمسك بهي النسبة لبداية جني الارباح بشكل تدريجي ..
الخلاصة : يلي بضل بأكد عليها دائماً ما زلت أعتقد أننا على وشك الحصول على موسم مرتب للعملات البديلة و غالباً يكون اعلى من يلي شفناه بفترات الصعود السابقة و بهديك المراحل رح ضل نبه ايضاً على موضوع جني الارباح و عدم الطمع ..
بالتوفيق للجميع يارب ان شاء الله ..