ف.

بدون معرّفات

[ف. @fasncyaf]

تطري على بالي و اذكرك بالطيب
و تحن عيني و اقفّل جفون عيني

انسى و اتناسى ذكرى العذاريب
انا ابيك و ادري انك تبيني

دعيت ربي مجيب المطاليب
اشوف عينك و اضيع بزينها يا ضنيني

ودي اسامر ضحكتك يا العذب الطريب
اما اجي يمك ولا تجيني

-ف.

[ف. @fasncyaf]

@r90j7 تصعيد..بس مبرر

[ف. @fasncyaf]

اللي يوجع قلبي لا قالوا عليك
لو يحبك كان ما سوى كذا

يومني ما ابي غيرك و ابيك
ولا ابي هذا ولا هذا و ذا

[ف. @fasncyaf]

عشوائيات الجمعة

[ف. @fasncyaf]

من اجمل القصايد اللي سمعتها بالفترة الحالية

[ف. @fasncyaf]

في القلب غصة و في عيوني احزان
على فراق اللي خذا القلب من ساسه

ودي اجيب الحظ اللي فرّق الخلّان
يعتذر من مشاعرنا و حبنا يوم حاسه

عذالنا متفرجين وودهم حزننا يبان
فقلوبهم حقد و كره و غل و نجاسه

حبيبتي..حبك كان لي مصدر امان
و حظ وجهي يوم ثغرك على الخد باسه

يا حب قلبي يا غلاي يا كل الحنان
يا عشق ما تاب قلبي من شرب كاسه

زوري خليلك و ذكريه بأيام الزمان
خلّك يبيك و ما شبع منك راسه

-ف.

[ف. @fasncyaf]

50 days⏳

[ف. @fasncyaf]

رسميًا/

العودة الى جدة بعد شهرين🎉

[ف. @fasncyaf]

ظننت أنّي حين رأيتُ جمالها
بأنّ عيني لم ترى مُساوٍ لحسنها

و عرفت اني قد وقعت بشباكها
تبًا لقلبي كيف يضعف لقربها

و كيف اضعف لحبها و بهائها
و اندب الحظّ اللّعين لوصلها

يا ليتني نجمٌ بوسط سماءها
يطل حينًا ولو صَعُبَ لقاها

-ف.

[ف. @fasncyaf]

ادفن بقلبي مشاعر .. و اكتم بصدري كلام
اصبح طريقنا واعر .. و دروبنا صارت ظلام
انا في حبها شاعر .. و في حبها اكتب هيام
بقلوبنا تبقى مشاعر .. و عنها نبقى صيام

-ف.

[ف. @fasncyaf]

يبي لها خط و ابو نورة و كوب شاهي

[ف. @fasncyaf]

يمكن الفكرة اللي ابي اوصلها ان الشخص المفروض ياخذ بالمعطيات اللي قدامه و يتخذ قراره بعد ما يتوكل على الله قبل كل شيء طبعًا، لان التفكير المفرط قاتل لكل متعة و لكل راحة بال ممكن تعيشها، و الدنيا ما تستاهل ترهق نفسك و ربك كاتب لك الخير دايم حتى لو كان خيار ما ناسبك او ما تحبه

[ف. @fasncyaf]

ماذا لو؟ سؤال ثقيل لأي شخص مفرط في التفكير، اي تساؤل يبدأ ب ماذا لو يدخلك بمسارات كثير بحياتك ما عشتها، ماذا لو انك اجتهدت بدراستك اكثر او اقل و دخلت تخصص مختلف، كيف بيكون احساسك و هل بتقدر توصل لتخصصك اللي تبيه او ممكن يعجبك التخصص اللي انفرض عليك و تستمر فيه؟

[ف. @fasncyaf]

خيار بسيط ممكن يأثر على حياتك لمدى سنين طويلة و يمكن العمر كله، و فرط التفكير بيخليك توصل لخيالات كثير ممكن ما تتحقق او ممكن تصير واقع بس بطريقة مختلفة تمامًا، هذي الرسالة ممكن يفكر فيها الشخص انه يحسب حساب الف مره قبل ما يتخذ قرار، لكن تأخيرك في اتخاذ القرار او عدم اتخاذ القرار اساسًا هو قرار بحد ذاته

[ف. @fasncyaf]

فين بتدرس و ايش بتدرس و ايش بيكون مجال عملك و فين مكان وظيفتك، هذي كلها خيارات اختلفت من سؤال واحد، ماذا لو شلة اصحابك مختلفة بمبادئ و عادات و تفكير مختلف عن شلتك حاليًا؟ بحكم تأثير اللي حولك عليك، هل بتختلف شخصيتك خاصة لو كانوا معاك من الصغر؟

[ف. @fasncyaf]

شفتك وقلبي من هذاك اليوم مسروق
والله ما في عيني من بعدها لغيرك نظر

-ف.

[ف. @fasncyaf]

اقول يا زينك و يا حسنك و يا محلاك
يا ماخذة قلبي و روحي و عيني و تفكيري

تسألين ان كنت احبك و انا قلبي غدى يهواك
يشوفك تساوين دولة بعيني و تقديري

فيك الحسن آية و الزين مُعجِز و العيون افلاك
و جمالك اللي بعقلي ما له اي تفسيري

تقابلين الناس بكبر و بتعلّي و تسبّبين ارباك
و انا ابي ربكة جمالك لي مهي لغيري

لمحتك مره بمحض الصدف لكني عجزت انساك
يا كيف انسى اللي صوبتني و شلّت كل تفكيري

خذي قلبي و عيني و روحي و ما طلبتي جاك
تفداك المسافة و التعب يا احلى مشاويري

-ف.

[ف. @fasncyaf]

من يحب بصدق يكرم حبيبه في قفاه
و ما ينتطر لحظة الفرقى لأجل للمعدن يبين

رفعت قدرك بهالعالم و شلتك في سماه
و ارخصت قدرك بفعلك بعد ما كنت الثمين

كنت قدامك باب خير و باب اصل و باب جاه
بسك تحاول تكابر عن الجرح الدفين

انا كبير القَدْر رافع الراس مثل جبال السراه
و انا عزيز النفس اصيل العز ولد السلاطين

اما انت يا صاحبي سمّوك من ضيع غلاه
دموع عينك بللت خدك و تعبك كثر الانين

-ف.

[ف. @fasncyaf]

يوجعني الصد و توجعني الاشواق
يا صاحبٍ زل و عجزت اعدّي زلّاته

زليت و ازعلت قلبي و خاطري ضاق
اسهر ليلي بالحزن و ليلك تباته

-ف.