فهد .

[فهد . @fbinayed]

وش حيلة المشتاق لاحن واشتاق
وماله في درب المواصيل حيله؟

[فهد . @fbinayed]

يا بو رموشٍ مضاربها مضارب سيوف
لك سيرةٍ بيننا للناس ما أقصّها

سرقت روحي ومن دمي خضبت الكفوف
في ليلةٍ كان رمشك حضرته لصّها

عزالله اني احبك لو تشين الظروف
و غلاتك القلب يحفظها ولك خصّها

وشلون تتركني مصوّب وعينك تشوف
طريقتك والله ان الشرع ما نصّها

[فهد . @fbinayed]

وكيف السبيلَ لوصالك دلّني¿

[فهد . @fbinayed]

الا يا سلوة الخاطر و يا نبض العروق و كلّ
مساحات الرضى و الشعر و الإلهام و حروفه

أشيّد لك صروح الود بأغصان النفل و الفُل
و أعزف من القصيد العذب للأسماع معزوفه

رسمتك في جدار الروح لـ الترحال قبل الحلّ
مداهيل الغلا لعيونك الثنتين .. معروفه ..

شجاع و طاري الفرقى يصيب العاشقين بـ ذل
و أنا من قومٍ أتروم العلا و المجد و أتطوفه

عليك أغار من شمس النهار و من حدود الظل
أنا اللي "عاشقك" من قلب و شايل ودك بـ جوفه

أتوه برحلة أيامي و لا من تهت كيف أدلّ؟
أشوف العمر شمسه لـ البعاد تلوح مكسوفه

يا أول خِل ما قبلك و لا بعدك حبيب و خِل
لا تنظر لي بنظرات الهجر ماهيب مألوفه

غيابك برّك أحلامي من الدنيا و صار أثقل
من جبال الحجاز اللي تضم الغيم و تحوفه

لا يعميك الزعل … لا ثار قلبي للكلام و زل
"أنا أكثر شخص روحك تعرفه و عيونك تشوفه"

"تعاال المشكله طالت ، تعاال و وجهك أنت الحل
محلك و أنت راعيّه و تأخذ حكمك ضيوفه"

تبي تزهر حياتي و الغلا في موقعه ما اختل
و بحضورك و بغيابك عليك النفس ملهوفه!

تبختر وسط ريضان الغرام و للعيون أقبل
ترى ليال المعاتب و الزعل لا جيت "مخلوفه"

[فهد . @fbinayed]

مرّ في بالي شريطٍ فيه من عمري مواري
يشبه السنين وعثرة اليأس الأخيرة

مو غريب إن السكون يجول في سكّة نهاري
الغريب إن الصخب في ليلي أحداثه كثيرة

بين صدفة جابها العمر ووداعٍ بأختياري
ما عرف قلبي يطيع الواقع أو يرضي ضميره

ودي أقسى ودي أنسى ودي أرسى في مساري
وأمسك يدين اليقين اللي تخافه كل حيره

لليال الذكريات ولصباحات الطواري
وللعبور التضحيات ولسنين البعد خيرة

العمر ما هو مشاورني ولا هو رهن لقراري
العمر يمضي وسيف الوقت ما يحضن جفيره

[فهد . @fbinayed]

عقب ما كنت اجتماعي وأحب الاجتماع
صرت أفضّل فأغلب الوقت وحدانيّتي

آتجنّب زحمة الناس قدر المستطاع
راحتي في روحتي ما هي بـ في جيّتي

في هروج الناس ما أجيد فن الاستماع
فوق شخصياتهم فارضٍ شخصيّتي

ما خسرت - اليا خسرت التلون والخداع
مكسبي في كل الأحوال مصداقيّتي

الحرار اللي تحب العلو والارتفاع
شفت نفسيّاتها وافقت نفسيّتي

[فهد . @fbinayed]

بتنساني مع الأيام -يمكن- بس كيف أنساك؟
و ريح الورد من عطرك و ضيّ الشمس من ضيّك؟

أشوفك بالأماكن كلها واقف هنا و هناك
وأحسك بالأسامي كن كل الناس أساميّك

تعبت أضيّعك عن بالي و بال الشعر و ألقاك
تعبت أجحد حسانيّك تعبت أصنع مساويّك

أبي منّك خطا واحد يصبّرني على فرقاك
أبي منّك عذر يشفع لحاضرك و لماضيّ

[فهد . @fbinayed]

فمان الله وحفظ الله وستر الله عليك آمين
جعل ربي يــروف بـ حالتي مع غصـة آميني

بقى لك كلمةٍ في قلبي انقلها ' ثلاث سنين '
مخليها معي مثل السلاح اللي يجريني

كثر ما كنت أنا أنت وأنت أنا ماقلتها للحين
أحزم ضلوع صدري دونها وتقولها عيني .

[فهد . @fbinayed]

عاد وجهك في صدري من اول غيبتك للحين
خصيمً كل مازانت جلستي حاول ارهاقي…

[فهد . @fbinayed]

أقرا رسايل ماضيه كنت وياك
و اتأمل اللى صار من ذكرياتي

و أراجع اللى فات من حلو ذكراك
و تضيق فيني كل الاربع جهاتي

هلت دموعي يا حبيبي بلياك
وانت الذي لا هل دمعي تحاتي

شف حالتي من يوم ماحان فرقاك
ضاعت مع فرقاك كل امنياتي

[فهد . @fbinayed]

يا محاصرني بـ ذكرك من الأربع جهات
ما تركت لـ ساحة البال .. سجّه و لهوه

ارتبط وجهك ، مع الورد و الما والنبات
وارتبط طاريك مع كل ، فنجال قهوه

[فهد . @fbinayed]

لك البال يضحَك كل ما مرته ذكراك
وأنا لا ذكرتك قلت ليت العمر ثاني

شعوري على لهفة شعورك شعور إرباك
هو اللي يضحكني على كل شي قد بكاني

ماني خايف إن الوقت ياخذك لـ هناك
أنا خايف إن الوقت فيك يتحداااني

أحبك وأعرف إني أحبك بدون إدراك
أنا قلبك الاول وأنا قلبك الثاني

[فهد . @fbinayed]

انت ياللي كل ما هز المحاني طيفه
جرني طاريك من ربعي ومن جلاسي

كانك اللي فالمحبه موجسٍ له خيفه
والله اني بين لوعة خاطري وعماسي

كل حبٍ غير حبك ينكشف لي زيفه
وكل طيفٍ غير طيفك ما يهز احساسي

وكل وجهٍ غير وجهك فالوجيه اعيفه
وكل صوتٍ غير صوتك ما يقند راسي

[فهد . @fbinayed]

اللهم صلِ وسلم على سيدنا وحبيبنا محمد

[فهد . @fbinayed]

محطات التفاصيل القديمه تتعب اللماح
يكافح عبرته .. والذكريات تقلب آوجاعه

يا قلبي لا تخلى عن كفاحك والحياه كفاح
لو تجور الليالي .. والحنين يهب ذعذاعه

من يقول القلوب صحاح لاوالله ماهيب صحاح
يا ثقل اللي يشيله كل عاشق من ورى اضلاعه

يا ذات الطله المتفرده والمبسم الذباح
يا وجهٍ كل ما ساد الظلام يكفي إشعاعه

عذابي يوم اشوف الدمع يجرح خدك الوضاح
و آماني يوم اقابل مامضى بـ السمع والطاعه

على آخر سالفه من بيننا كان الكلام رماح
سمعت الكلمه اللي للقلوب الخضر نزاعه

ضحكت من انكساري مثل ضحك السارق المزاح
تمنيت الكلام اللي سمعته يطلع إشاعه

تقولين الامل موجود لا تنشد عن اللي راح
و انا اقول العمر لا راح ما نقدر على ارجاعه

بعدك الدار واهل الدار صارو فـ العيون اشباح
يا شين النظره اللي من وجيه الناس جزاعه

بعد ما الارض شالت خطوتي في قاعه الافراح
تركت احلامي المستقبليه .. داخل القاعه

يبى يبطي من الصدمه وهو يفرك بطون الراح
من يحط العوايد والسلوم الغبر شماعه

[فهد . @fbinayed]

عليك أخاف من جرح الكلام ولوعة التدقيق
وأحنّك من قساي ومن قسى الأيام وآوي لك 

لك الله ما قدرت أسلا بعدك ولا قدرت أطيق
تفاصيل الحياة اللي ما فيها من تفاصيلك 

يثير الليل شوقي والنهار يزيدني تشويق
من الأسرار وش درّا النهار اني صبا ليلك 

يا ربّة قلبي اللي ما لقى في غيرك التوفيق
ولا يوصل مقامه فـ الغرام الا مواصيلك 

تعبت من الحقيقه والحقيقه ما تبي تحقيق
وأكذبها عن الشكه وأصدق كذبة أبريلك 

شعور الحب في قلب الشجاع أكرم من التلفيق
لذا ما أعرف أغني فيك كثر ما أعرف أغني لك

[فهد . @fbinayed]

كل ما أسمع من يقول التجربة حلوه .. و مرّه
قلت يا إنسام الصبا لو تسمحين إخذي و هاتي

( الغلا ) في داخل ضلوعي و في عيني مقرّه
يا الفريد : إللي سطا حبك على عقلي و ذاتي

أنت من حبيت خيره .. و أنت من حبيت شره
و أنت من يطري علي من وين ما تطري غناتي

الجمال إللي طلع فوق الثراء ( مطلاع درّه )
من يلوم إللي ليا شاف الحلا سوا .. سواتي

كل يوم .. أصافح ( طيوفك ) غلا مدري مبرّه
ووين ما لديت أشوفك وجهتي فـ أربع جهاتي

ماقدرت اعيش ( لذات الحياه ) المستمرّه
لا بغيت أواكب الحاضر رجعت .. لـ ذكرياتي

كل حاجه معك ؟.. ما تسوا لها مثقال ذره
كيف لا وانا على شانك زهدت فـ تضحياتي

[فهد . @fbinayed]

الضيقه الي وافقت يوم فرقاك
منها دريت أني ما عمري تضايقت

حفظت أماناتك وطيفك وذكراك
اللي تسليني ليّا مني أشتقت

أن كنت مستغرب عشان اتحراك
حتى أنا مستغرب ، شلون فارقت

واذا تحس أني مع الوقت بنساك
أنا أحس أنك ، بترّجع مع الوقت

[فهد . @fbinayed]

إذا باعك اللي مارحم قلبك الحساس
تلفّت وتلقى شمعة القلب تضوي لك

تعال و تذرى بين غصن الرجا و اليأس
تحت جذع صدري لين توقف على حيلك

بعدها تعرف إن الذهب ذاك كان نحاس
و لا فيه أحد كثري من الناس صافي لك

على سور قلبي لا تغرك جموع الناس
تـرا مـا ورا بيبانه . . إلا مداهيلك

[فهد . @fbinayed]

تمر طيوفك العذبه وتحييّ ضحكة محياي
عسى شوقك يجيبك لين يوقف بك عند بابي

"حبيبي" كان ما جابك بعد طول الغياب غناي
لا يمكن غيرك من الناس يكسب إعجابي