روقي .

فمان اللّٰه ي أول من سكن بين الضلوع العوج عسى دريك سفير .. وياعسى اللّٰه ما يخليني

[روقي . @ff_a122]

مايشابه زين الاشكال زين العابدين
كم قناعٍ محكم اللبس تسهل طرحته

والله إن العين تفضح كنين الحاقدين
مثل ماتِبدي شعور الصديق وفرحته

[روقي . @ff_a122]

فاتنٍ !.. كل ما طبت " بـ حفلة زواج "
آرفعت ضغط رُبات الجمال و سرت

_ جراح العتيبي

[روقي . @ff_a122]

لو يسكت الشاعر ! شعوره ما سكت
عن ليلة البارح !.. وعن "موضوعها"

في حضرة اللي لا بكت ولا إضحكت
تصنع لي !.. اجواء نادرة من نوعها

جت من غياب ومن فراقي مااشتكت
وأنا أدري إن الشوق !.. بين ضلوعها

عاتبتها !!.. وابتسمت شوي ، وبكت
يا "حلوها" .. يا حلو حتى دموووعها

- فهد قطنان

[روقي . @ff_a122]

ياخلي مكانك ما يجي حوله التهميش
انا مستعد ارضيك كان اللّٰه أمهلني

يوم انك تفكر تبتعد مزح مدري طيش
الأشواق تقتلني .. والأفكار تقتلني

احنك من النسمه واحبك ولا ادري ليش
لذلك على كثر اهتمامي .. لا تسألني

إذا جيت ودي كثر ماقدر اعيش اعيش
وإذا رحت عني .. ودي الارض تاكلني

- ناصر بن مفلح

[روقي . @ff_a122]

الاحد ١٤ يونيو , امابعد :

كل إنسان له ظروف
وكل إنسان عاش شي محد يعرفه
لذلك ترفق بكلماتك
ترفق بتصرفاتك
كن عابرا خفيفا
- لم تضر أحد -

[روقي . @ff_a122]

تمادى الشعُور وشب ناره وولع في
وعيني تهل أدموعها من ؛ خسارتها

أبنسى مع الأيام والوضع حالة سي
ولا أدري متى ياقلب تنسى محبتها

أنا ميتٍ وقت الموادع ولاني حي
أحس أن روحي ما خذتها ؛ منيتها

توقف لساني يوم قالت توصي شي
وانا والله أني مابغي الا ؛ سلامتها

- رجف

[روقي . @ff_a122]

مرحبا ياضيقة السبت والليل الطويل
اقلطي بصدري اللي من الضيق امتلا

جيتك ماهي بغريبه وصدك مستحيل
كن لك عندي محبه وتقدير وغلا

ياوجودي والله ان ما بقى بالحال حيل
والليالي كنه اخذت من جروحي حلا .

- ضرغام .

[روقي . @ff_a122]

كنت أعامل الناس بطريقه لطيفه
والحين لطيفه زعلت

[روقي . @ff_a122]

سيدة كل العذارى وباهية الجمال
تنبهر من حسنها الارض ويهيم الحشا

ما يشوق عيونها الا مرازيم الخيال
والمطر والسحب والغيم لامنه نشا

يندرج مع دربها الماء ويمشي باعتدال
كل وادي مع مواطي خطاويها مشى

يفتكر فيها المفكر ويدخل في جدال
كيف ياصف ليلها اللي على القمرا غشى

بين عنقَ ما يوصف ورمشَ مايطال
نظرةٍ لاشافها اللي هزم قوم يخشى

من كثر مازينها ينضرب فيه المثال
بستخير اللي يدور ورا هذي عشا

ما قدرها غير من يقدر يهد الجبال
يفعل اللّٰه ما يريده ويفعل ما يشاء

[روقي . @ff_a122]

ياروح الحياه وملحها لو علي ابطيت
ياماخذني من الناس قلي انا ويني ؟

دروب الوصال اللي معك مالها توقيت
ونسبية ،، النسيان صعبه تنسيني

تجيني طيوفك كل مره ولا سجيت
انا منتظر للجيه اللي .. تداويني

من المستحيل اني بخليك لو قفيت
من يقول لاتتبع مقفي مايعنيني !

اضيع وانا معك الدليله ولا دليت
ولا زالت عيونك هي اللي تقديني

تقول الحياه اللي بدونك ضيا كبريت
خذت من سنين العمر ياعمري سنيني

لو ان الضنون احيان مابين لو وليت
الا حساس كذبته ولا كذبت عيني

- خالد ابن غصن

[روقي . @ff_a122]

والله تغيرت : من هب النسيم العليل
ماكنت !.. متوقع آتغير ( على شانها )

خشفٍ دواها جروح و سمها سلسبيل
ولا على حسنها زودٍ !.. من احسانها

تحبني حيل ؟.. و احب التعابير حيل
لو كان رد السلام " بـ رفع حجانها "

لو صار قلبي .. لـ ترفات الصبايا سبيل
ما كان غنت طواريقي .. على الحانها

تقول انا من سلايل محتمين الدخيل
مسعدني انها اتحداني ( بـ جدانها )

منطوقها مايقول : الا الكلام الجميل
و لو خانها إلسانها ..صح الله إلسانها

من كثر ماهي غنوج .. و كبرياها ثقيل
تقول : ضيدان بن قضعان .. ضيدانها

جميلة الوجه سوت فـ المحاني جميل
من يوم صارت تشوف القلب : بستانها

ما بين عودٍ ليان !.. و بين طرفٍ كحيل
بـ يعين .. ربي عليها مثل " ما عانها "

مايجعل الممكنه اصعب من المستحيل
هو نفسه !.. اللي موديني ( لـ عنوانها )

شلون ؟.. بـ امرها ( مرور ) عابر سبيل
و خلانها تدري !.. إني" سيد خلانها "

- عتيم

[روقي . @ff_a122]

ياحمامه فوق غصن الورق نوحي
السهم في جعبة الصياد صدا

اهدلي لين انجبر وارد روحي
تعرفيني لا اغدر .. ولا اتردى

انكسر ساقي على مفرق طموحي
وانتضرت المنقذ ،، و مر وتعدا

ودي القى فرصه اضمد جروحي
يعلم الله اني ( استنزفت ) جدا

- محمد ظافر

[روقي . @ff_a122]

لي ايام "ياعين المها" ما أهتنيت النوم
افكر . ولا ادري ويش افكر على شانه!

تضايقني الكلمه ليا وصلت الحلقوم
وانا ( روحي ) من الهم والحزن ذبلانه

اسولف معا المهموم واضحك معا المهموم
وانا "خاطري" محدً عرف وش هي احزانه

حداني على "الوحده" حبيبً عداه اللوم
اصونه! ولا قدّر شعوري ولا صانه

سقاك الحيا ياديرة "العاشق المحروم"
كثر ما عليك الروح ( شفقه ) و ولهانه

اي بالله ورا صدري هموم و وراه علوم
تخلي حمام الدوح! يسجع على اغصانه

انا كل يوم اقول يمكن يجيني يوم
( ينسيني ) الي ما تعلمت نسيانه

اعرف الحزين الي بصبره قوي عزوم
قبل لا اسمع "الكلمه" ليا قالها لسانه

- سيف ابن جرمان

[روقي . @ff_a122]

مع بداية العام الجديد ١٤٤٨هـ

تطمّن يانهاية عامي / وياعامي اللي حَلٍ
تراك أنت السنين وعمري اللي عايشه كله

أنا يوم إنّي أسمّيك (عمري) ما لساني زَلّ
وش الأيام لو ماهي "غلاك" وشمسه وظله

أحبّك كل ما قالوا بدأ قلب الحبيب يملّ
وأحبّك كل ماقلت اسكتوا. لا يمكن أمله

وأحبّك وأنت لاقلبك ولا قلبي لحقهم ذِلّ
حبايب والقلوب نظاف، مابنفوسنا علة

لقيتك والضياع أعمى عيوني.. لين صرت أدل
ودلّيت الطريق اللي قبل لقياك ما أدلّه

تخيّرتك وأنا مالي خيار إلاّ أنت.. مو من قل
ولكن كنت ما تشبه أحد من بد خلق اللّٰه

[روقي . @ff_a122]

البارحه ماني على افضل مايرام
ضاقت بي فجوج الوسيعة كلها

طال السهر والعين عيت لاتنام
يا مل عينٍ ما غفت يا ملها

طرالها من غاب له تقريب عام
مايدري انه مع غيابه علها

عليه من بعد الغياب اكبر ملام
وشلون عشرتنا الجميلة ملها

وشلون يتركني للوعات الهيام
وشلون يقفي والكبود يسلها

من يوم روح لا اتصال ولاكلام
حتى الدروب الي عطى مادِلها

ليته يجي ونعيد لحظات الغرام
ونروي العروق اليابسة ونبلها

- نايف العضياني

[روقي . @ff_a122]

ياحبيبي يوم اسج مع العرب و ادوّج
غبت عني و التهيت ولا حسبت حسابي

صاير وضعي بعد ماغبت وضع مروّج
لو قدرت امسك دموعي ما مسكت أعصابي

تدري انك بـ افخم أنواع الوصوف متوّج
ومتربّي بـ الدلال وبـ الجمال ورابي

من نحرك المستقيم لـ خصرك المتعوّج
والعيون الخادره والمبسم العناابي

والشعر على علو الردف يوم يموّج
كنّه امواااج النصي في موقعٍ متغابي

نظرتك تخاف مسار العاقل المتزوّج
كيف ما تخلف مسار الجاهل العزابي

- جراح العتيبي

[روقي . @ff_a122]

مرتني الذكرى على هيئة حنين
قلطتها حشمة وترحيب وقدر

ضيفتها كلمة عتاب ودمعتين
من خاطرٍ في غيبتك صابه كدر

من وين لي فرحه وانا قلبي حزين
من وين لي ضحكة وانا ضايق صدر

ليتك قبل تاخذ طريق الراحلين
مارسلتني صوب الطريق المنحدر

[روقي . @ff_a122]

أنا وشلون ماسلم الا مريت
وعليك يلف قلبي من قبل راسي

سلام اللّٰه ايش كان ماسويت
بتبقى الأول في عمري وفي ناسي

- سعد بن علوش

[روقي . @ff_a122]

اسرفت فـ الحب لين اني خسرت الكثير
مع اني إنسان عندي قو باس وعزم

مابين تصبح بخير وبين تمسي بخير
لا تامن الوقت ي اللي ل القسى محتزم

وشلون يتركني لـ ضيقي وسوء المصير
وأنا معه مع رحابة خاطري ملتزم

في سلم الاحباب عادي كل حاجه تصير
يعني طبيعي تشوف المنتصر منهزم

- ناصر بن مفلح

[روقي . @ff_a122]

يوم الاربعاء مرحببا اما بعد ...

« الإنسحاب وإغلاق الابواب وتغيير الأماكن
ليس دليلاً على وجود البديل

بل هي مرحلة الإلتفات للنفس بعد استنزاف الفرص »

اما عن وصف لسان الحال .. قال:

عطيتك من كرم قلبي وأنا ماني بـ حاتم طي
أحاول فيك لكني عجّزت أعرف مفاهيمك

[روقي . @ff_a122]

سولف علي لا تترك الهرج محصور
داخل نطاق حدود " لغة التخاطر "

بيني وبينك دون زحمة وجمهور
آنتي سحاب ونبرتك ،، رش ماطر

يكفي وصلني منك أحساس وشعور
خلي الشعر كله عذاب ومخاطر

وصح اللّٰه لسانك ، لو البيت مكسور
ما ودي الحق فوقها ، كسر خاطر