♡

" ذايقتها ماهو أيّة قصيد يشدّها "

[♡ @ffaii33]

والحال اني :

صويب الهَوى والشِعر مثل إبرة التخدير
ولاني بحاجة .. للطبيب و عقاقيره .

[♡ @ffaii33]

حبيبي جعل باقي للسنين الماضيه معواد
لو انها فكرةٍ في حاضرك ماهيب مطروقه
- مشاري محمد

[♡ @ffaii33]

تلاشى ما دام إن التلاشي هو آخر حَلّ
وجودك ما عاد يفيد وغيابك إلزامي

فقدتك بما فيه الكفايـه حبيب و خِلّ
أخذت أغلب آمالي معك و أغلب أحلامي

- عبدالله السراهيد

[♡ @ffaii33]

تفلّت عليك النفس لو في وصالك ذنب
تفلات طيرٍ قاضباتـه مسابيقـه

صحينا من الحلم الحقيقي وكنّه كذب
وتشتت غلاً وش يجمعه عقب تفريقه ؟

تمرّ الحياه الفانيـه ما لوصله درب
وأنا عايشٍ ما بين كذبه وتصديقـه

لو إني عرفت أنسى مثل ما عرفت أحبّ
ما حملني القلب الشقي حمل ما أطيقه

- بندر الدويش

[♡ @ffaii33]

رغماً عن إيمان قلبي بـ المقادير
ويلي على حاجةٍ ما الله كتبها
- عبدالله السراهيد

[♡ @ffaii33]

« ما عادني باللي يطالع فالحياه بنص عين
اليوم لا طاحت دموع العين طحت وزانها »
- ناصر الحمادين

[♡ @ffaii33]

كنت ناسيه لو ما ذكّرتني الهبايب
يوم الأيام سمحه والليالي كريمه
– عبدالله ناصر السبيعي

[♡ @ffaii33]

أشوفك عُمر لو عشته بـ ضف غيرك ضاع
يا ذروة مكاسيب العُمر و أكبر أطماعـه❣️
- بداح بن ذيب

[♡ @ffaii33]

قسم بالله مفرحني شعور أنك هناك بخير
مثل فرحة فقير حاجته منه أستغلوها

إذا وقف بعيد و شاف بنته من بعيد تسير
ضحك لا شافها تضحك لأهلها اللي تبنوها

- عبدالله آل لزيوح

[♡ @ffaii33]

« سروري أن تبقى بخيرٍ وَنعمَه و إني من الدنيا بذلك قانع »
- بهاء الدين زهير

« يصبّرني على بعض الشعور إنك لا زلت بخير
أنا أحوالي إلى منك غديت بخير مستـوره »
- صالح بن حمد

[♡ @ffaii33]

« سروري أن تبقى بخيرٍ وَنعمَه و إني من الدنيا بذلك قانع »
- بهاء الدين زهير

« يصبّرني على بعض الشعور إنك لا زلت بخير
أنا أحوالي إلى منك غديت بخير مستـوره »
- صالح بن حمد

[♡ @ffaii33]

٩ ٣ : ١ صـ :
« لو ما تلهمني الصبر ذيك الرسايل والهدايا
مت حزن ومت شوق ومت غبن ومت غيره »
- محمد العذبّـه

[♡ @ffaii33]

« ستبقى ذكراك موشومه في الذاكره ، لا يقَوى عليها النسيان و لا تُدركها يدّ الغياب مهما جرى »

وفي ذلك يقول علي الدعيّـه :

أحاول أنساك لكن كل ما أحاول
محاولاتي على النسيان بارت بي

من طاوله حب مثلك مات ما طاول
كم ليلةٍ جتني أشواقك و طارت بيّ

[♡ @ffaii33]

تقطّعت كبدي من الحزن والخوف
حزني على روحي وخوفي عليها

بكيت حتى خفت لا يطلع الشوف
مع الدموع اللي غدا الشوف فيها

أنا ضحيّة حُب و ذنوب و ظروف
يكفي لتدمير أيّ طيّب حديها

أشعر بـ نارٍ تلتهب داخل الجوف
ما يقدر الماء لو شربته يجيها

- خالد مبارك

[♡ @ffaii33]

تقول إن شمس عصير لا أرهت على المهياف
توادع عيـون النـاس و تطيح في كبدي
- فارس السميري وأنا

[♡ @ffaii33]

من أول أضحِّك واحدٍ عند قبر إخيـه
و ذا الحين لا واجهني الطرب ضايقته
- علي آل صبيح

[♡ @ffaii33]

الليل موت التصنّع وانكسار القيود
لا حلّ كل النفوس تبيّح سدودها
- مشعل الزعبي

[♡ @ffaii33]

واهني الي دموعه ما تجف من المحاجر
ما بعد جارت عليه الدمعه الي ماذرفها

كن في كبدي مثل طعن الهنادي والخناجر
علة عيا الطبيب من المداوي ما صرفها

أتوجد جعلني في كل ما جاني مواجر
كل يوم اشوف لي مهنة توجد واحترفها

ياوجودي كل ما عرض علي طير مهاجر
ودي أهاجر معه لديره الي ما اعرفها

[طمّاح🇵🇸 @tmaah_]

وش يقول علي الدعية ؟

[♡ @ffaii33]

أحبّـه والله إنه عندي أغلى من بنون ومال
لكن الحظ ما سـاعد و يا دنيا من انتي لـه
- سعود بن مبارك

[♡ @ffaii33]

فيني من الحـزن ما يـؤجر بـه المـؤمنين
- سعود مهدي

[♡ @ffaii33]

تطول المساري مير راع الهوى مفضوح
عيون الطواري تنتبه له و هو سارح

يصدّ الأمان و يقبل الخوف و المجروح
ما هو خايف من الجرح خايف من الجارح

يقول الموادع بعض الأحيان طلعة روح
و أقول الحياه بـ كبرها ماتت البـارح

- بدر الكريدي

[♡ @ffaii33]

لا تحسب إنّه مطر هذي دموع السحاب
حسّت بـ حزني عليك و هلّت دموعها
- بندر الدويش