فايز العضياني

{ جعلني من وين ما اوجّه بوجهي فايز }

[نايف الناجم @4llNF]

خدينة الروح عقبك والسهر عاده
والدمع الازرق على الخدين له جرّه

اصبحت اشوف الحياه الوانها "ساده"
واصبحت بعدك وليف الشوق والحرّه

مـدري ورا الحـظ قام يزيد بعـناده؟
اجمع شـتات الامل والواقـع يثـرّه

انا غريـبٍ يشـوف بصـدرك بلاده
ولا فيه شيءٍ ،،ينسينيك" بالمرّه"

[حسام بن فيّاح @HP_1420]

النص الحاصل على كرت التأهل لمرحلة الـ ٢٤ في برنامج #شاعر_المليون الموسم الـ١٢

ياابوي ليتك شفتني .. وانا أذن بحلمي وأقيم
في قبلة الحلم استقمت .. وصار لاحلامي صفَه

[فايز العضياني @ffzotb]

جديد شيلة حفل زواج اخوي :
عبدالعزيز عبدالهادي العضياني

من كلماتي

آداء المبدع : فهد آل عكروم @fahad_alakrom

https://t.co/fgPhSuusej

[فايز العضياني @ffzotb]

@a_isak14 صح بدنك يابو عمر الله يطول عمرك 🤝

[فايز العضياني @ffzotb]

✨ أوبريت ✨

حفل زواج المهندس : نايف بن عبيّد العضياني

كلمات : فايز العضياني
آداء : @fahad_modarhm

https://t.co/YZ1acprw71

[فايز العضياني @ffzotb]

@almsrdi7 ياسلاام ياسلااام .. علمني لاجيت تروح 😜

[ناصر الثبيتي @naseralmohamed]

يامعرضين الركب حزم وصلافيح
الصبح ريّض وادهم الليل ساري

تقول ما وسط المجرّه مصابيح
ليلٍ مافيه من السكينه مواري

اخذ من ادلب شام رعب المجاريح
واخذ بعد من صيدنايا عزاري

اكافحه صبر وعزيمه وتسبيح
والشر زاد وزاد معه انهياري

اصبر ثلاث سنين واقوم واطيح
من معركة تشبه لذات الصواري

ياللي تعرف الواجب وهبة الريح
والامر منك اشبه بالامر الوزاري

قدام لاتصبح نجومي مدابيح
اخذ القضا ولا تراي انتحاري

لا امت انا تبكي علي الطحاطيح
ويبكي علي اللازم الاضطراري

وغيري ماتبكيه الوجيه المفاليح
تبكي على فرقاه بيض العذاري

روحي معرضها العنا والسواميح
ومن استشاري في يدين استشاري

#ناصر_الثبيتي

[ناصر الثبيتي @naseralmohamed]

دكتور لا تنصب على عقلي الفخّ
عطني الكلام البيّن المقرحاني

ابي كلامٍ لاسمعه الجمل نخّ
ترا الصراحه عمرها غير فاني

تزخنّي بمهديّات العقل زخّ
كنّي مانيب انسان مثلك واعاني !

اخذتني في رحلة الموكب الجخّ
بين الطيور الطايرة والأماني

تأملات وجو شاطح وبرزخّ
وتميمه وطلسم وسحرن عماني

من كيمياء الاعصاب الى كيمياء المخ
اليا احترق سلك التمس سلك ثاني 💔

[فايز العضياني @ffzotb]

@h1_llt صح بدنك و كفوك الطيب يا حبيبي 🤍

[فايز العضياني @ffzotb]

مليت لو الصبر وقت القسى زين
طالت معاناتي و طال انتظاري

اخاف تصبح ضيقة الصدر روتين
و تصير لي مثل الرفيق المباري

[فايز العضياني @ffzotb]

⚡️⚡️ اوبريت ⚡️⚡️

حفل زواج عبداللطيف حامد العضياني

كلمات : فايز العضياني
آداء : فهد مدرهم @fahad_modarhm

https://t.co/EdN0gFuuVb

[فايز العضياني @ffzotb]

ياللي بملكك شاملً كل الاقطار
سبحانك الفارق بخلقك و حكمتك

الحمد لك يالله على كل ما صار
على تمام افضال خيرك و نعمتك

تجمعت عشرً فضيلات و امطار
يارب تممها بعفوك و رحمتك

يالله عسانا مانجي من هل النار
اللي مكاسبهم عذابك و نقمتك

[محسن بن مترك @aprvip]

جروح الهوى ومطاول الهجر والتخمين
ماخلتني ابدع فالبيوت الغراميه

يامقفين ردو راحة البال يامقفين
ترى الصبر ملّته الصدور الشماليه

اوقف على الاطلال وانادي الغالين
واعود بشطر معاتب وشطر مرثيه

ضغوط الفراق وفقد الاموات والحيين
من يعيشها يستخدم حبوب نفسيه

لو آن كل ذكرى في كنفها تعيش ثنين
تسجل على قيد اللقى للآهميه

ما كان انتظرتك بعد تلويحة الكفين
ونسبة رجوعك يمكن ٢٪

آجامل وانا بين الرجى والحنين وبين
طواري غلاك وجمرة وداعك الحيه

على سياق بيت سامعه قبل ١٠ سنين
بقوله ولو ماملك على البيت احقيه

على خير اشوفك كان حنا من الحيين
مصير الليالي تجمع الحي مع حيه )؛

[عويد النجود @owaid_123]

لو ما حصل من حظك الفقري مفر
لا تبدّي حلول الضعوف الخيّبه

حجز الحساب البنكي ومنع السفر
من كل طلقين اليدين قريّبه

الطيّب اللي حالته تحت الصفر
ماهيب تلغي قيمته وتعيّبه

وراعي المحل اللي من ضيوفه قفر
ما ينمدح لو ان اموره طيّبه

والله ما يلقى اللاش من حرصه ظفر
وحرصه من دروب الجميل يهيّبه

اغنم طرب راسك من اليوم العفر
قدام صدمات الليال تشيّبه

[ناصر الثبيتي @naseralmohamed]

⚡️جديد وحصري ⚡️

الفخر والمجد قيمة ثمنها الإنتهاز
خلّوا اللي فـ المواجيب ماله يكنزه

اوبريت زواج ابناء الشيخ نايف بن مساعد الحدباء رحمه الله

#ناصر_الثبيتي
اداء
العذب خالد المرّي
@khalidal3thb

https://t.co/JW9woVn4wP

[فايز العضياني @ffzotb]

من سيرته فاح العبير
و منه العرب تعلموا

هذا هو الهادي البشير
صلّوا عليه و سلموا

#الجمعه

[محمد الحمادي 🇸🇦 @al7ammadi9]

يتعب الرجال رجله على شوونه
قبل لا ينشد عنْه من؟ ومن ايّت؟
.
والله ان السمعة اغلى من عيونه
لن رضت سود المقادير وان عيّت
.
جمةٍ عن ساقط الناس مأمونه
مايغير طعمها موية الويّت
.
يالله انك تحفظ الاسم وتصونه
عن كلامٍ يطبخ الليل ويبيّت
.
ولا تسلط كل جربا وملعونه
تتهمني بالتحرش وانا ميّت

[جرّاح العتيبي @AL___9999]

استوحش الليل والضايق يدوّر نديم
من السهر ضاقت اخلاقه وحاله فتر

هبت عليه الطواري مع هبوب النسيم
وبغت تحدد مصيره مير ربي ستر

مع انه افنا حياته كلهاا مستقيم
ودايم يصلي النوافل كلها و الوتر

بس الرسوم القديمه و المكان القديم
من مرّها طااح من دمعه ٣ لتر :)

[فايز العضياني @ffzotb]

الله يا كثر القبول اللي بوجه السحاب
و مكثر سعادتنا ليا شفنا تراكم مزن

مع كل قطرة مطر تطيح فوق التراب
يطيح معها من احزان الليالي حزن