فهد المطيري

أَلَا بِذِكْرِ اللَّهِ تَطْمَئِنُّ الْقُلُوبُ

[فهد المطيري @fhd_vp]

هذي الحياة القاسيه عودتنا
مانبتسم .. الا قبل مانصوّر .

[فهد المطيري @fhd_vp]

لا جاب له سالفه عندي خبر فيها
قلت ابك هذي متى ماني بخابرها

[فهد المطيري @fhd_vp]

كل ما جمعت قرشين يظهر لي لزوم
طربةٍ بالرأس ولا مواجيب علي

[مزيد الوسمي @mzed_9]

كنت ابيك تكون شي.. وصرت شيٍ ثاني
والخطا ماهو خطاك.. انا الخطا بعيونه

يوم اهيم بصوتك الفيروزي الرحباني
وآتخيل كل كلمة من فمك موزونه

خاب ظني .. ليت ظني فيك ماخلاني
ابني احلامي على حاجه ماهي مضمونه

وليت ماجاني من احساس الندم ماجاني
شيٍ يحطم صميم القلب قبل ركونه

الجفا اللي عقب لذة وصلك الإنساني
والسلام البارد اللي عقب طول المونه

اعتذر لك عن خطاب اسلوبي الوجداني
الآدمي مهما حصل يبقى رهين ظنونه

[فهد المطيري @fhd_vp]

هي كلها يومين وتقول عامين
اثر اليالي في غيابك طويله

[فهد المطيري @fhd_vp]

#مزيد_الوسمي

[فهد المطيري @fhd_vp]

اشفق على السالفة من قبل تبداها
ومن حلوها لا ختمتها قلت عيديها :)

[فهد المطيري @fhd_vp]

لاراحت الدعوه غرور وتجبر
حنا نحب الغطرسه والانافه

عادي نجي مضرب مثل لـ التكبر
ولانجي مضرب مثل لـ الضعافه

[فهد المطيري @fhd_vp]

منازل الناس ماتشبه منازلنا
ليت العرب مثلنا ولا حوالينا

ياكثر ما قالو وياقل ماقلنا
وياكثر ماراحو وياكثر ماجينا

وليا استوينا عالارض وتعدلنا
لو الاصابع تساوى ماتساوينا

تامل بعينك وشوف وش تاملنا
مافيه فعل جميل الا يهاوينا

اليا صملنا توردنا صمايلنا
وليا عطينا لعبنا فمخابينا

[‏᷂عسر٨٨ @Qhta10ni]

تـحملوني يـ طليقين الحجاج
بلشتّ ف شي يخربَ كل شي

[مزيد الوسمي @mzed_9]

لا تدقق في العلوم ويكثر استغرابك
غبت لكنّا على الهقوه مثل ما كنا

انت دامك جيت ماني قايلٍ وش جابك
مرحبا ياللي من احداث السنين معنّا

مارخصنا فيك يوم اقرب قريب اصخابك
كل مادورتنا في اللازم ؛ تعيّنا

ودك ان اللي وقف لك واحد من اصحابك
غير مايزهى الوقوف الطيّب الا حنا

[فهد المطيري @fhd_vp]

اشبع نظر من شوفة الحي ياحي
بكره ما هو نافعك عض النواجد

البارحه نسولف ولاحظت لي شي
كلـمة (حـياة فـلان) تنقال واجـد

[فهد المطيري @fhd_vp]

قال سامحني على اللي صار قلت مسامَح
أنت مثل السيل يحيي الأرض لو يجرحها .

- ناصر الحمادين

[فهد المطيري @fhd_vp]

وإذا فرحت أقول ليته قريّب
عشان تكمل فرحتي في وجوده.

[فهد المطيري @fhd_vp]

مستقبلي مبني على شي ماضي
أنا : مجرد شخص .. حلمه مجرد !

[فهد المطيري @fhd_vp]

انا مارحت ادور للعلوم الواضحه تفسير
ولا لقّيت بالي واحد ماطري على باله"

ابرر موقفي والناس ماهي تقبل التبرير
لكن عذر الكريم يقدرون الناس منزاله

علاقات البشر تالي الزمان تميل للتغيير
وانا اقول القلوب الصافيه ماهي بمياله

[سمح . @j2ri_]

تعال واللي حصل ما بينك وبيني
مشاكلٍ حلها ماهوب في الفرقا ):

[فهد المطيري @fhd_vp]

فداك اماني العام يالعام الجديد
احيان نسيان الاماني .. امنيه
- محمد جار الله

[فهد المطيري @fhd_vp]

ماعاد عندي للاوادم مشاريه
اللي يجي واللي يروح متساوي

كثروا علي مبرّحين التهاتيه
وانا على كثر التجارب حياوي

ماودي اكسر خاطرٍ كنت احاضيه
ولا ودي اني عن دروبك نحاوي

ياكم بغيت اقولك لا وقلت: ايه
واحاول اجرح لكن اجرح واداوي

قلبي وله عاده ولانيب ناهيه
من له صلاحيّه فالأمر السماوي ؟

[فهد المطيري @fhd_vp]

أنا إذا ما شافني قاصر الشوف
والله ما أقول لقاصر الشوف شفني"
مبدأ ثابت.