طيف

خَوف تشكل على جسد رقيق

[طيف @flli_4]

«بابٍ طرقته كثير وما أنفتح، خلّه
تلقى لك أبواب مفتوحة ومبلولة

إختار لك غيم ما تشفق على بلّه
تنسى الظما من كثر ما مرّك هطوله

وإختار لك حلم ما تغفى تحت ظلّه
لو يذبل النور، سال النور بـ سهوله

ما يكفي الحُب لو ما عشت به كلّه
وما يكفي العمر للي ضاع بـ فصوله»

[طيف @flli_4]

حبيبي مابعد صدرك ملاذ وضحكتك ميلاف
جعل درب أشتياقي ما يورّدني على حتفي

سمحت من الهوى وأنت الهوى ويّاك ماينعاف
عُزوفي كان عزله عن دروب أستنزفت عطفي»

[طيف @flli_4]

«أحس أن كل لحظاتي بدونك فالحياة إسراف
أبي لي عمر ثاني , عمر واحد معك مايكفي

على الشّوق الملامه لا عليك ولا علي خْلاف
جماهير الجفا ما همّها الجافي من المجفي

[طيف @flli_4]

«ما عشقت إلا المحبّة والتّسامح والمروّة
ولا كرهت إلا التّحاسد والتّباغض والتّجافي

الزمن جرحه يخلّي واعي الفكر يْتأوّه
لو معاليقه نظاف وقلبه مْع الوقت صافي»

[طيف @flli_4]

انتي اللي تستحقين مالا تملكين من
كنوز الأرض ومن الحفاوه والرحاب

وانتي اللي ما يضاهيك غير الأكسجين
والورود الطايفيه مع انسام الضباب

طاولي في عنجهيتك حدّ الفرقدين
وانزلي مثل المطر من عناقيد السحاب

وألبسي في عنقك من العلا عقد ثمين
جعل يفدا عنقك الطايلات من الرقاب

[طيف @flli_4]

الكلام الفوضوي منك له عندي مقام
انت قوله يا حبيبي وأنا برتبه

[طيف @flli_4]

@llzvvk ياعمرررري اللي صار رجال ويعزم🥺

[طيف @flli_4]

﴿رَبِّ أَوزِعني أَن أَشكُرَ نِعمَتَكَ الَّتي أَنعَمتَ عَلَيَّ﴾

الحمدلله على النعم التي نعيشها كل يوم ولا ندركها لدوام وجودها، الحمدلله عند كل شيء وفي كل شيء وعلى كل شيء، الحمدلله دائمًا وابدا

[طيف @flli_4]

أسعد اللحظات وأكثرها طهاره
يوم تسألني عن أوجاعي وآهي

يا بعد كل القلوب المستعاره
ما لغيرك قلبٍ يلفت انتباهي

معتلى عرش المحبة وبجداره
واثق الخطوات تمشي وأنت رااهي

كيف ما أحبك ؟ وتزهاك الإماره
وأنت عزي وأنت وجهي وأنت جاهي❤️

[طيف @flli_4]

أسولف لك عن إعجابي وعنوان الهوى حرفين
يكفيني كسبت الحبّ منك وكاسب إعجابك

[طيف @flli_4]

أنت ضماد جروحي اللي من الناس
جروحي اللي منك ساعه وتبْرا

[طيف @flli_4]

أحبّك وأنا استحضر معاك أجمل اللحظات
لو إنها قليلة يكفي اللي مضى معها
- سامي سعد

[طيف @flli_4]

هي حبيبة نسانيس الصباح و سعدها
كنّها ما تهبّ إلا عليها وحيده

مشرق الشمس ما يطلع لـ وجهٍ بعدها
لا غفت ما بقى لـ الصبح مشهد يعيده

[طيف @flli_4]

مضى عام وبدا عامٍ عساه من الوصل معمّور
ولا نحتاج للعالم ولا نطلب وسايطها

وأنا وإن قاله الله معك لين آخر خيوط النور
جروحي من وهجك ومن سنا ضحكتك خايطها

[طيف @flli_4]

تقول أحبك وأمرر فوق صدري يدي
وأحس كبدي من أدفى مانطق .. معشّبة

[طيف @flli_4]

« المحبّة قبل أعرفك شيء عادي وإعتيادي
بس عقبك والله إنها في نظر عيني عظيمة

ودي أحطك وسط عيني وأغمض لا إرادي
من كثر خوفي عليك من الصواديف الأليمة

أعشقك، وأغليك وأميزك عن كل العبادي
ومستعد أعيش أنا وياك في رمله، وخيمه »

[آيات القرآن @almushaf123]

{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا})

[طيف @flli_4]

وأبي روحي معك لو هي بدون أنفاس
وأبي قلبي معك لو كان غرّبته
وأبي أطول عمر جنبك بدون قياس
لو إنّ الحُب ذنب.. أموت ماتبته

"ياحلو المُر" لو نشرب بنفس الكأس
طربت لوجهك الفتّان وأطربته
هلا لاجيتني في قدّك الميّاس
لو (العالم) عذلني فيك (حاربته)

[طيف @flli_4]

أحس إنّي أحس، وممتلي باحساس
وصلت أقصى الشعور اللي تجنّبّته
أشوفك جالس ومن حولك الجلّاس
وانا قلبي وقف لجلك وتعّـبّته

(أحبّك) قلتها لك ما علي بالناس
محد فيهم يحسّ بشيء جرّبته
أبيك تحسّ مثلي وأنت منتب حاس
وأبي ظنّي معك يكبر ماخيّبته