فهد المري

لا تُبرر .. فالناس لاتسمع إلا ماتُريد

[فهد المري @fmarri84]

الردي وقريب الشبح واشكاله
ماتدانيني ولاني ،،،،،،،،بدانيها

[فهد المري @fmarri84]

ياليت الهوى لا هب يا الخاطر المجروح
ما ينبش جميع جروح روحي على غره

كتمت المحبه , لا يجي سرها مفضوح
وانا العاشق اللي ما يبي ينكشف سره

غريق المحبه ما يدور , بقايا لوح
قبل ياخذ المرجان واللول والدره

من اللي سوالفها المليحه تثير البوح
كفيله تنسيني , عن البعد والحره .

[فهد المري @fmarri84]

سترت الغلا وأقفيت عنه بدون وداع
وصديت صدة مقفي ماهو بـ ودّه

[فهد المري @fmarri84]

على مزملك ياغايبي شابت القيفان
معك جف منكوس المفوه و مسحوبه

[فهد المري @fmarri84]

إن جيت صار العيد عيد المحبيـن
وإن غبت صار العيد عيد الضحيه

[فهد المري @fmarri84]

توصى على روحك من البرد والنسناس
ترا طيحتك.. يمرض بها واحدٍ غيرك

قبل لايطيب لك المسامر مع الجلاس
تذكر صباح الخير .. لامن فقد خيرك

تبسّم ترا معك المواعيد حبس انفاس
ولا تعتذر لي فإنشغالك وتقصيرك

تغانم سلامي وأخذني عن عيون الناس
انا عاذرك "من غير ما اسمع معاذيرك"

[فهد المري @fmarri84]

خاطرك يستاهل أرضيه لو تزعله شعوب
والله أن ارضيه لو الزمان يحدني

لا تحاتي يَ حبيبي متاهات الدروب
كل مازليت عن درب حبك قدني

هدني من روع فرقاك يَ أعز محبوب
طالبك في كل ليله تعال وهدني

و كل ما استغفرت من ربي و قررت أتوب
قامت أنسام الهبايب عليك تردني

[فهد المري @fmarri84]

مرحبا ياذنبي اللي ماكنّه بالذنوب
ماني بقايل لدرب الهداية ودّني

والله إن قلبك مبدّا على كل القلوب
مثل مابديت قلبك عليهم بدّني

شدني مجدولك اللي تلاعبه الهبوب
وشيٍ ثاني ماقدر أقوله لكن شدني

ماحدً قد ضدني ف المعارك والحروب
بس مدري كيف سلهام عينك ضدّني .

[فهد المري @fmarri84]

امد لك يمنًا ضرت بالمخاسير
واحط لك عن برد الأشواق مذرى

واحن مع حنة خلوج الأباكير
وانوح مع قمريةٍ ، تحت قمرى

وادرى جروحك عن جروح المقادير
اثر الجروح مْن المحبين تدرى

كله على شانك محبة و تقدير
جرحٍ يجيني منك مابيه يبرا .

[فهد المري @fmarri84]

ياوليفي عقب ذاك الغلا والاهتمام
دارت الدنيا علينا مثل دور الرحى
ㅤ
قلبي اللي كنه يقاد صوبك بالخطام
تدفعه الأشواق صوبك ويردعه الحيا
ㅤ
والله إن قسمك من الحب في راس السنام
رغم جور البعد والصد عيا مانمحى
ㅤ
فرحتي بك يوم شفتك عقب شوق وغرام
فرحت اللي شاف ذوده شباااعٍ من ضحى

[فهد المري @fmarri84]

ضاق صدري من غثى الوقت عقب الاتساع
جعل يسقى يوم عندي على الضيقه مدا

الطواري تدمر الحال بعد الانقطاع
اشهد ان ما عاد لي من طواريك مغدا

ودي ابوج التخاتيخ واذب الرفاع
واستعيد اللي لـ ماضيه واذكاره صدا

يمكن القى جرعة امال وشعور اقتناع
والعقل يسترجع الوعي والقلب يهدا

[فهد المري @fmarri84]

#صورة_جديدة_للملف_الشخصي

[فهد المري @fmarri84]

لو تكشف العين وش تخفي نوايا الصدور 
يا خيبة امال بعض الناس .. بـ أصحابها .

[فهد المري @fmarri84]

من تصاغرنا ما حنا عليه بشارهين 
الثقه في نفوسنا والشيم في روسنا .

[فهد المري @fmarri84]

مغتني بالله لامن " عطا " يغني عطاه
كل مده من طرف بحر جوده وافيه
.
والنفوس اليا استعزت تعلمها الغناه
مكسب الإنسان فالوقت ستر وعافيه

[فهد المري @fmarri84]

و الهوى لا ذعذع مسيّان و أنسامه عتيقه
ناشعٍ فيها من الماضي و سجاته ذواري

فك مسجون تبلّته الظروف و فك ضيقه
مبطيٍ من ذبه المشراف و طوال المساري

[فهد المري @fmarri84]

اعتزلت الناس من فتره ورحت لحالي
واسترحت من المجامل و الوجيه الودره

صاحبك ياصاحبي ماهوب دايم سالي
صايرٍ من فتره ادنى ما يضيّق صدره

قل منسوب الثقه عند العرب من تالي
لين صار العاقل المحسوب ماله قدره

وانت غالي يا رفيقي والرفيق الغالي
الليالي ما تحنّه و الظروف تغدره :)

[فهد المري @fmarri84]

« يحاربني الحظ القوي من ثلاث أعوام
وأنا مابعد شلّيت سيفي ولا درعي »