َ

[َ @FN_5l]

سوف يأتي يوم لا اكون معكم ، وسوف تدخلون هنا لتقرأوا ما كتبت فإن وجدتم ما يؤجرني انشروه ، وإن وجدتم ما يؤثمني فأتركوه 🤍 .

[ᴰᴬᴴᴱᴹ @3bhtt]

الصدور اطرافها متراميه والليل هادي
لايروح الليل قبل استنطقه و اخذ جديده

كل ماسقت القدم بين المبادي والمبادي
اعترض لي طاري الشوق وخذيت الشعر بـ ايده

ارتجل لـ الشرّد من الصيد عن صهوة جوادي
واعتق اللي من سهولة صيدته كلٍ يصيده

لاخذتني غايتي و ابطيت يا غاية مرادي
والمسافه كايده والحب باقي له شريده

احتريني والبسي لي كل لون الاّ الرمادي
الرمادي كل ماشوفه عرفت انه مكيده

ودي اضحك من بعد طول المعاتب والتمادي
ضحكة اللي يضحك من ادناة حاجه من حفيده

زمليني.. من هواجيس الغياب اللا إرادي
ان ذبحني طاري الفرقا وش انتي مستفيده

واعبري بي لاغدي عادي و انا مانيب عادي
الحريص تورّده للموت غلطته الوحيده

ياعنيده مامعي صبرٍ مثل صبر المهادي
لاتعذرتي مثل عذر المعقّد بالعقيده

في رجا الله مايخليني لـ جِدّي واجتهادي
مارجيت الا وعده ولا خشيت الا وعيده

لا استوت في عيونك الثنتين قربي وابتعادي
والظروف اقسى من الماضي على اللي يستعيده

المصافح بالقلوب اصدق من مصافح لايادي
اسمحي لي كل يوم اصافحك وانتي بعيده

لاتحاتين الضما والجوع في رحلة جهادي
الحظوظ مقسمه والذيب ماياكل وليده

شاعرك لا هاموا اصحاب الشعر في كل وادي
مستعد يوقّف الدنيا على مطلع قصيده
#صالح_النشيرا :

[َ @FN_5l]

لا استوت في عيونك الثنتين قربي وابتعادي
والظروف اقسى من الماضي على اللي يستعيده

المصافح بالقلوب اصدق من مصافح لايادي
اسمحي لي كل يوم اصافحك وانتي بعيده

لاتحاتين الضما والجوع في رحلة جهادي
الحظوظ مقسمه والذيب ماياكل وليده

[َ @FN_5l]

الله يديمك عز يا تاج راسي
يا اللي تكلم عنك دايم فعولك

يا ابوي من طيبك تزايد حماسي
وان قلت ابا اجاريك ماني بحولك

انت الذرا يا طويق شامخ وراسي
يا جعلني يا ابوي فدوة رجولك

#يوم_الأب_العالمي

[َ @FN_5l]

و البل غلاها فالمعاليق مغروس
نحبها و بنموت و حنا نحبـها

في شفها ناطى على خشم الفلوس
و اشغالنا لا جاء الشديد .. نكبها

و ان ضاقت الخطر من الوقت العبوس
نلقى بهـا سلو النفوس .. و طبها

[َ @FN_5l]

محد يخليني على مفرق الطريق
انا الطـريق مـن أولـه لين آخره

[َ @FN_5l]

حينما يتعب الشجاع من طول الطريق و يسكنه التيه ، قيل على سياق ذلك :

بدا يعيش الخوف في قلب الشجاع
وبديت امل من الحياة الفانيه

والمشكله مدري متى يوم الوداع
ومدري متى يوم القطوف الدانيه

لكن على طاري ضياع وماضياع
انا بديت اضيع .. مره ثانيه

[َ @FN_5l]

ياما قطعت الطريق الموحش لحالي
في حزّةً تذبح الساعه عقاربها

مايرخص العمر غير اللي فقد غالي
ومازاد روس الدهاه إلا تجاربها

[َ @FN_5l]

أحر من وقع السيوف وأشد من طعن الرماح
لا صار فيك الهم باين وانت صامل .. تنكره

[َ @FN_5l]

كلامك الطيب بعد .. ما ترديت
مثل السلام اللي على راس ميت

[َ @FN_5l]

البعض لو أصبح حُرًا يشتاق للعبودية / مداوم انزل صيفي و بساعات التخرج :

[َ @FN_5l]

ما أصعب أن يكون المرء مبصراً في مجتمع أعمى

[َ @FN_5l]

لابدّها يا سعود بتغيب شمسي

[َ @FN_5l]

اشد مرارة من غيابك ، هو التفكير بأنك لن تعود

[َ @FN_5l]

كيف يُعيد الدهر وقتًا مضيناه ؟

[َ @FN_5l]

الموت ؟ لو يقدر الانسان تأجيله
ما كل عين بكت فرقا حبايبها

دنيا العنا دوم من طلعه ل تحويله
يالله عسى خير ماضيها عواقبها

شيبت ما ارتحت لا يوم ولا ليله
و اظن بموت ما صفيت مشاربها

و ان كان بقت كذا و الميله الميله
و الساعه الواقفه دارت عقاربها

افضل اموت ولا احمل لي الشيله

[َ @FN_5l]

الفقد الحقيقي فقد الميت وأثره يوجع لا تكرر، من كثر ما عشته ودّك العمر ياقف بك ولا عاد تشوف غاليٍ يودعك وتعيش مرارة غيابه قال :

يالله ياللي صلاتي له و صومي له
يا خالق النفس و ملبي مطالبها

طالبك ل صرت لا حيلٍ ولا حيله
تغفر ذنوبي و نفسي لا تعذبها

[َ @FN_5l]

و اخيراً اتت اللحظه المنتظره و هي النوم بدون منبه :

[َ @FN_5l]

كثرت الاسئله و كانت اجابتي لهم " مدري "

[َ @FN_5l]

لو فيه شي اتمنى اخلص منه الحين ف هو التفكير مب وقته ابد مع الفاينل !

[َ @FN_5l]

في الرابعة فجراً، ومع انتظار القهوة وهي على النار ، استحضرتُ ابيات فهد بن قطنان :

ياعذاب اللي هقاويه واحلامه كبار
يحسب الدنيا تراعي شعور الطيبين

مايبي العالم يشوفون فيه الانكسار
مبتسم والابتسامات من طبع الحزين

صكت الصكات راسي جعل راسي مجار
من معاناة و ظروف وبقـايا راحلين