حَـ

CE 👨🏽‍💻

[حَـ @fnnwr]

اعتبر من يقول فيه منك اربعين
ياردّي عقل ولا .. في عيونه عمى

أنت ما الله خلق منك سوى نسختين
نسخةٍ فوق الأرض ونسخةٍ فالسماء

— صالح النشيرا

[حَـ @fnnwr]

« أضرب دروب الأوادم وامش ممشاها
وأضرب دروب العرب وأدرج مدارجها

وأرسم لنفسك . . حدودٍ ولا تعداها
من حط نفسه بدرب الضيق يحرجها »

[حَـ @fnnwr]

من حبها كن ماخلق غيري على الدنيا شجاع
لو دربها جمره وطتها الرجل ماحسيتها

اسوق عمري في رجاها لو تعشاني السباع
اهم شي اشوف شارعها ولفة بيتها

اظمالها في ذمتي ذمه وطاريها متاع
حتى اسمها يزيد في روحي الى سميتها

— حمد بن صالح

[حَـ @fnnwr]

لعيون بنتٍ لها عامين هجرية
عيت عيوني لاتروى من محبتها

عديت رجمٍ تمره كل عصريه
نسمة هبوبٍ تجي من يم حروتها

هبت شماليه او هبت جنوبيه
في الإتجاهين مرتني و مرتها

بنتً لا قامت تزيد المشي حنيه
تاطى على القاع كنه قبر جدتها

- مدغم ابو شيبه

[مبارك بن وافي @bn_wafi]

أول صباي وذكرياتي والنعيم
و له منزلٍ ما قبله أحدٍ نازله

ما به جديد الا أحبّه من قديم
غالي علي ويجوز لي ما جازله

وجهه يغيض النور بالليل العتيم
ومجدّله كن الرياح تغازله

النفس تخضع له وله روحي تهيم
والله عن اقرانه عطاه وعازله

[حَـ @fnnwr]

انا ما ذبحني كود غزالٍ عيونه سود
خذا القلب من بين المعاليق و اقفابه

وانا لي عشيرٍ كل يوم غلاه يزود
الا واهنّي الي هوى الترف ماصابه

وانا سامحٍ مادامه بالوطن موجود
وأهّل العباير خوفة الترف يغدابه

ويازين خلي لا لبس مقطاع المهود
حسين الوصايف يوم مر يتمدرابه

[حَـ @fnnwr]

@NBKPage 65

[حَـ @fnnwr]

أحبّك .. كثر ما قالوا هَنيك يا خلّي البَال
وأحبّك كثر ما أخفيتك عن رُبوعي وعذالي

حفظتك سِر ما يظهر على العَالم ولا ينقال
زرعتك بين تنهيد الضلوع وبيّن غربالي

لك الله ما لـ غيرك فالحَنايا والضمير ظلال
أقرب من قريب الناس وأقرب لي من ظلالي

[مبارك بن وافي @bn_wafi]

ازهميني يا عنود الصيد لا ضاقت رحابك
واخذي الضحكه من اللي هامته ما قد طمنها

واقربي جعل الليال السود فدوّة كل مابك
منهو اللي شاف وجهك والسعاده ما ضمنها؟

لا تلوميني ترى اللي صابني من قبل صابك
غلطتي يا غايتي في كل يوم ادفع ثمنها

مبطيٍ من كلمة أحبك ويوم الله جابك
ودي اطرب صدري المرتاب والاذان منها

[حَـ @fnnwr]

اللي يدسّون الرّدى جوف الكلام
أردى من اللي لا احتمى الموقف جَحَر

أنتم ملوك الضرب من تحت الحزام
وحنّا ملوك الضرب في وسط النّحَر

[حَـ @fnnwr]

تزاحمت حول الظنون المعاذير
وفضلت عن كثر الكلام انعزالي

ماعاد اصدق سالفة سرّك ببير
قطعت عن بير السوالف حبالي

اسجّ من تفكير وارجع لتفكير
وابرك رحالي واشدد رحالي

ان زانت الاخلاق تنبت نواوير
وان شانت الاخلاق زعلت غالي

[حَـ @fnnwr]

تعدّيت معه الحدّ والحب والمألوف
وأنا في غرامه صرت مؤمن بِلا مِلّه

تركت الكواكب خلف .. ظهري ولا لي شوف
سوى وجهه اللي "شمس عمري تحت ظله"

أحبه محبّة من سكن في فؤاده خوف
على واحدٍ يغنيه —— عن عالمه كله

كحيل العيون اللي ب رمشه سنان سيوف
طرحني قتيلٍ والغلا —— عرش واحتلّه "

[حَـ @fnnwr]

يا بنت سمّي كان رمشك تمنّى
أشق لك ثوب السماء جود و عناد

و اشدلك زمل جفن المعنّى
واسري بوجهك لاغشى وجهي سهاد

يا حلو قدّك يوم قدّك تثنى
محدٍ تغنى فيك من خوف الالحاد

حنا البدو يا بنت هذا لحنا
نحبك اكثر لا غدا حبّك جهاد

—طلال الرشيد

[حَـ @fnnwr]

خلابة العيد يا دهشة عيون الحضور
تشابه الحسن وأنتِ حسنك اللي فرق

يصيب رمشك قلوب مشاهدينك سرور
ويمطر على جباه حسادك سحايب عرق

يا فتنة العيد شمسي والضحى والبكور
غابو عن الصبح .. لكن وجهك اللي شرق

عيدك مبارك وأنا عيدي غرام وشعور
مايوصفه شعري اللي لباب قلبك طرق

-عبدالله السرحاني

[حَـ @fnnwr]

جعل اليدين الليّ على الطيب ربتني
تدخل جنان الخلد وتقطف ثمرها

واللي على يديك ترا ماهي تجاعيد
هذي زخارف نور و دروب جنه

[حَـ @fnnwr]

جيتني بالحلم ليت الحلم يا روحي حقيقة
يوم شفتك في منامي قلت يا حي الزياره

والعيون اللي تحبك في مدامعها غـريقه
لا تظن إني عطيت الدمع ف غيابك وقاره

جيتني فالحلم يا وجه تزايد في بريقه
تبتسم وآشوف نور الكون في وجهك نهاره

[حَـ @fnnwr]

التغابي فن وأن دل دل أنك ذهين
عش غبي والناس تلعب على مكشوفها

النفوس جنود من جند رب العالمين
نفسٍ نوقف عليها ونفس نطوفها

المصافح بالأحاسيس ماهو بالأيدين
البشر تستخدم إحساسها بكفوفها

أرض نفسك أولى من الناس أجمعين
أن تبعت الناس بتموت وأنت تحوفها

[حَـ @fnnwr]

بشريني عنك .. وشلونك بعد طال إنتظارك ؟
وأتركي عنك التفاصيل القصيره ، والطويله

أضحكي لا هبّت النسمة .. على بيبان دارك
والعبي لـ الشوق بـ العود المخصّر والجديله

أنسي اللي فات دام الحزن ماهوب أختيارك
وأستريحي وأذكريني كل صبّح .. وكل ليله

[حَـ @fnnwr]

شحَّت بروق اسمك وجفّت مرابيك
واجتاحني عقب الزعل ما تهيَّا

أعرفك وأجهل مابقى من مشاهيك
وأقول - يا كل المشاوير - هيَّا

عذب المحيَّا ، لو تباعد حراويك
أنسج لك دروب السفر في يديَّا

قلبٍ تعلّق في هواك ومساريك
حاولت فيه يحب غيرك وعيَّا

[حَـ @fnnwr]

من باب الإعجاب لا تسأل عن اعجابي
إسألنّي تحب ؟ و بجاوب حبيتك

اي والله إني عشقتك يا آخر أحبابي
وصديت عن مجمل الناس من جيتك

في وجه غيرك مسكر عيني وبابي
غالي وزاد الغلا يوم إني أغليتك

شفتي ليا مر طيفك فزّت أهدابي
وشلون لا منك ندهت إسمي ولبيتك