« من دلوا همومي سجود المصلين
امر ضيعات الحزن و اتعدى
علقت قلبي في رجا اللّه و الحين
راضي ومتطمن و ممنون جدا
لا ترخص شعورك لمرضاة غالين
نفسك ترى في نفسك أحق و أبدا
وترى الذهب لو هم ظروفه مصدين
ما يرخص و لا ينطفي و يتصدى »
— جَـوى
: ما أقول الا عسى عمري طويل
وأتلذذ دوم ..وأشوف الهنا
ياعسى مافات والمقبل جميل
وينتهي مع ذا السنة كل العنا
مايميل الراس لو حظي يميل
وما لغير الله نزل والا انحنا ،
في ليلة ٍ.. كان القسى أوّله ِلين
أزريت أكون لـ زلة البال .. دامح
وشلون بروي جرهد الروح في حين
لي قلب من وبل المراويح سامح
إختلّت أنسام الهوا ، والموازين
والصبح ، والقلب الرضيّ المسامح
تغيرت .. حتى المرايا من البين
ما عاد تعكس فالوجيه الملامح !