فايزهه ♪

﴿ وَاذْكُرُواْ اللهَ كَثِيرًا لَّعَلَّكُمْ تُفْلَحُونَ ﴾

[فايزهه ♪ @foz2_]

" ثُمَّ يُنادي مُنَادٍ
يا أهلَ الجنَّة : خُلُودٌ بلا موت ♥️
اللهم هذه المنزلة، وهذا النّداء "

[فايزهه ♪ @foz2_]

انا على كف الزمن .. عايش الجو
لو الظروف اقسى من اللي تجينا

عشت الحياه وقلت ياخاطري سو
محدٍ تفضل .. بـ الوناسه علينا .

[فايزهه ♪ @foz2_]

ماهي سهله أن يتحول الترحيب من
( مرحبا ياقلبٍ اتذرى به ) إلى :
" هلا بالهقوه اللي خيبت ظن الهاقي "

[فايزهه ♪ @foz2_]

كرامه النفس أعظم من مشاعرها
َمن عز نفسه لقئ فالناس مقداره

[فايزهه ♪ @foz2_]

— عموماً
الغلا اللي كنت أخاف إنّه يعدي عدّى
أسرع من الليله اللي مستحيل أنساها

[فايزهه ♪ @foz2_]

عسى العوض يا حلام الايام قدام ،
و عسى القدر يكتب سعادة زمااني .

[فايزهه ♪ @foz2_]

عسى التعب ومجاهد النفس مخلوف
وعسى الحظوظ تدلني و ادلّها

مافيه أشد من المشاغل والظروف
الي تجي في وقت واحد كلها"

[فايزهه ♪ @foz2_]

الخاطر طاب والقلب اقتنع، وانتهى ذلك الشعور".

[فايزهه ♪ @foz2_]

كل إنسان له طله تشبه قلبه
"من طاب قلبه طابت ملامحه دون ان يتجمل " ❣️

[فايزهه ♪ @foz2_]

من عطاني قدري عطيته احترامي
ومن تجاهلني تجاهلته وطفته

ومن يدوّر قربي أعطيه إهتمامي
ومن يقفّي عني أهملته وعفته

والمكان اللي ينزّل من مقامي
تنكسر رجلي ليا جيته ولا حفته

[فايزهه ♪ @foz2_]

ياخي شكرا على كل الظروف السعيده
والله يعوضني في طيبي . .وطيب فالي

أحسب إني معك قاطع حدود ، بعيده
و أثرني راكض لحالي . .وواصل لحالي

لا تدور . . ترى ما غير نسخه وحيده !
تلقى غيري ولكن منت لاقي . . بدالي

الفقيده ماهو بـ اللي يموت . .الفقيده
“ غاليٍ . . صار مع الايام ماهو بـ غالي

[فايزهه ♪ @foz2_]

خذ العفو وترفع عن الناس لو يخطون
ومن ظن فيك بسوء خلّه على ظنه

ترى سيئين الظن لأنفسهم يسيئون
يربي بصدره مخلب وينجرح منه

ولا شغلتك تحسين ظن اللي يظنون
ترى الناس ما بيدهم النار والجنة

[فايزهه ♪ @foz2_]

المرحلة النهائية من طيبة الخاطر تتجلّى في

صدّيت عن مُجمل طموحاتي وقلت الله يعين
صدّة فقيرٍ لقمته عند اليتاما واستحى".

[فايزهه ♪ @foz2_]

في مرحله يوصلها الإنسان
مثل الإكتفاء، أو القناعة، ماعاد يأثر فيه أي شيء ممكن يصير في حياته ماشي على البـّركه:

——"كل شيء مُرحب فيه"——
«وفي الكلام العامّي . . لو قبعت ماعاد تفرق»

وعلى منظور " الشعّر " مثل إللي قال؛
«قانعٍ في مقبل أيامي وراضِي
لو عطتني وجهها ولا قفاها»

[فايزهه ♪ @foz2_]

- لكل فعل ردّة فعل -
جمّل سواياك ، يعجبك مردودها .

[فايزهه ♪ @foz2_]

عندما يرحل الاهتمام وقت الشده
يصبح لا فرق بين البقاء او الغياب
وفي روايه اخرى:"اهتمامك بي حزة
فراغك / صل فيها ركعتين ولاتجيني".

[فايزهه ♪ @foz2_]

ولا لي بالبشر غاية ولا لي بالثرى أوتاد
خفوقي حر واتبع ما يعز النفس وارضيها ..

[فايزهه ♪ @foz2_]

لا تحاول تبهر الناس وتدور قبول 
القبول ان جاك ربك هو اللي نزّله

[فايزهه ♪ @foz2_]

قلوب البشر ماني على ودّها مكلوف
رضاها عليّ . . ماهوب مدخلني الجنّه ..

[فايزهه ♪ @foz2_]

ليتنا في بعض الاحيان خالين الشعور
لاجل ما نسترجع الذكريات الماضيه

يا قديمات الطواري مبيحة الصدور
جنبي نفسٍ على الوقت ماهي راضيه

صابرٍ والوقت جاير وضربه فالنحور
يضرب الغافل ليا سج ضربه قاضيه . .

[فايزهه ♪ @foz2_]

لا أنافس احد على مكانتي
من لا يكتفي بي أتنازل عنه .