Userfound

[Userfound @fqrq11]

ترخص سنين العمر رجوى المحبّة وأنت غالي
كان ماجادت بك الأيام .. ما للعين قرّة
لو مواعيدك قديمة عهد وسنينك خوالي
هات شرهات الغياب المر .. يا عذب التشرّه

[Userfound @fqrq11]

لايرتفع صوت العتب والمشاريه
ولايرخص الدمع العزيز وتهله

اللي على الخاطر تشوفه وتوحيه
واللي ورى بوابة الصدر ، خله

ياسيد الحب العفيف ولياليه
اللي يكفيّك أبسطه راح كله

إليا كسرت الغصن لاعاد تسقيه
ماعاد ينبت لو ترده محله

[Userfound @fqrq11]

لا بأس ياراسٍ ملته التفاكير
وعاف المنام وعاف لين الوساده

لابد من عقب المصاعب تياسير
والآدمي يصبر وصبره عبادة

نتعب ونقطع بالركادة مشاوير
وسعي الطفاقه غير سعي الركادة

ظروفنا صعبة وتبغى مناعير
معها على سود الليالي جلادة

بكره يبيّن الصبح ويغرد الطير
وامشي مع العالم واوزع سعادة

[Userfound @fqrq11]

الغالين أحيانا يكونون في الحياة
عظة وعبرة لذلك "تعلم وأمش"

[Userfound @fqrq11]

مهما تسوي في الردي من معاريف
مابان في عينه من الطيب حاجه

[Userfound @fqrq11]

فتحت له صدري عن قسّوة الأيام
و ضربني برمحٍ واسع الحد مضرابه

[Userfound @fqrq11]

طويت صفحة غرامك وانتهى المشوار
وصحيت من حلمٍ أعمى كنت أداريه

غديت مثل الذي طال الرجاء بـ أسوار
لين استوعب إن السـراب ما يرويه

ما عاد لي في رجا وصلك ولا تكـرار
قلبٍ عطيته وفاء ما تستحق تشريه

رح فـمان الكريم ولا تسوق أعذار
الطيب فيك ضـاع والوقت يمحيه

[Userfound @fqrq11]

مْا بعد محبتك حب ومرادك مراد
غير كونك سيِّد حشاي تدري من تكون

[Userfound @fqrq11]

معاد لجل المحبه نطوف زله
وترانا على اصغر زله نبي نكبرها

يعني عشاني مسجلك حبيبي ياحبيبي
تزودها؟ انا عطيتك غلا ومحبه وصدرً وسع فله

ماقصرت بغلاك ذره وصدري لجلك قلبته شمالي
وانا والله مابقى صيفً ماخذيت بالجنوب فيه فره

[Userfound @fqrq11]

ما أنكر إني في بحر حبك غريق
ولا هويت من البشر شخصٍ سواك

ولا أنكر إني كنت لك دايم شفيق
و أمشي بـ شفّك و مطلوبي رضاك

مير كل نايم عقب نومه يفيق
و يوقن إن الحب أحلام و هلاك

يا غرام الأمس ماني لك صديق
أنت قصة يأس غطّاها حلاك

رح فمان الله .. كلٍ له طريق
فقت و شمت ولا أبي شيٍ معاك

[Userfound @fqrq11]

وتوسد ضلوعي وطب الغلا طب
في ديرةٍ حبك سلبها وخطفها

[Userfound @fqrq11]

مالي مكان بمكان ما يقدرني ولا يعنيني
رفيع شاني من أول أجدادي لين حدّي

اقتصد الرفع والمكانة والكمال والتغليّ
النقص ما أرضى به ولا يقرب صوبي

[Userfound @fqrq11]

مابي اعترفلك بالغلا وانت الغالي
خلك كذا بين ضامن وشكاك

مره تقول ان في غيرك فبالي
ومره تقول ان مابه انسانٍ يسواك

[Userfound @fqrq11]

انت الشعور الصادق وغيرك سراب
وانت المقرّ الثابت وغيرك ممر

غلاك بضلوعي تربّع لين ذاب
يفوح مثل العود من فوق الجمر

يا أغلى البشر وجهك علاج الإكتئاب
ومْواصلك مثل السحاب المنّهمر

حتى ولو قلبي شَعر بـ الإغتراب
انت الوطن واجمل ملذّات العمر

[Userfound @fqrq11]

اللهُم إنّك عفوٌ تحب العفوَ فاعفُ عنا
اللهم أعتِق رِقابنا ورِقاب والدينا من النار

[Userfound @fqrq11]

يموت قلبي كان له نيه يجفاك
لو طال بك الزمن والبعد ياغايب

استرح وريح واسرح في دنياك
ماتموت المحبه لوني بالعمر شايب

[Userfound @fqrq11]

لو تمطر جروحك أنا الأرض والعشب
ولو أثمرت ضيقتك كفي قطفها

ولو مال غصن الحزن من شدة الهب
روحي ذرا روحك وعيش بكتفها

وتوسد ضلوعي وطب الغلا طب
في ديرةٍ حبك سلبها وخطفها

وقل لليالي لو نوت تسرق الحب
شمس الهوى ماحدٍ بظلما كسفها

[Userfound @fqrq11]

واللي خلق هالأرض في سته أيام
ومعها السموات وسبع الأجبالي

إني أحبّك في الدقيقه مية عام
وإنك في وسط القلب ودايم بـ بالي

يا أجمل محاصيل الأيالي والأعوام
معك الهوى عشته بـ أحلى الليالي

[Userfound @fqrq11]

لك الله يا أحن المخاليق وش قسّاك
وش اللي نزع ضحكة لقانا وكفّنها

وش اللي تغير وآخر أيامنا وش جاك
وش اللي حداك لكلم��ٍ ما تثمنّها

وعلى الروح ياقطعةٍ من الروح وش قوّاك
وهي روحٍ أدنى ماتسويه فيها يوجعها

[Userfound @fqrq11]

شهر مبارك مقدما يالغلا والغلا لا زال
والسموحه لا حصل مني خطا وتقصير