فارس بن شايع العيافي

[فارس بن شايع العيافي @fsq190]

.
.
مايستغل نيّة الطيّب وتقصيره
إلا فطانة رديٍ شافها فرصه

[فارس بن شايع العيافي @fsq190]

'
كل ماجيت اسامحك ينتخي جرح
ويلوذ في وجه … الكرامه واعيّي

[فارس بن شايع العيافي @fsq190]

يامعشر اللي عمركم بالثلاثين
عن مجريات ايامكم طمنوناا

هل عمرنا بأول شبابه وبادين
والا خلاص المجتمع مايبوناا ؟

[فارس بن شايع العيافي @fsq190]

والله أني ما حسبت أنك مداك قريّب
شانت ظروف الزمان وشان وجهك معها

كل ما بانت خفيّة قلت طيّب طيّب
من بغى فحص الضماير لازمٍ يوجعها

النبا الطيّب نوافل للذراع الطيّب
لا تسنن للفريضة وأنت ما تركعها

[فارس بن شايع العيافي @fsq190]

@abdulrahman @abohossam1 (كل ذي نعمه محسود) ونعمتنا حكامنا الله يحفظهم اللي يسعون لنمو البلد وعزة وكرامة الشعب .

[فارس بن شايع العيافي @fsq190]

اعلى درجة المحبه والتقدير

ان يكون الشخص معك بشخصيه يختلف فيها مع اي شخص ثاني
يقول :

ع غيرك عمى عين وجفى قلب وثقيل لسان
وعليك انت الخطاوي تسابق اولها تواليها

[فارس بن شايع العيافي @fsq190]

اللي وراء ظهور المطاليق مقدور
الكايد اللي في يدين الهلايم

.

[فارس بن شايع العيافي @fsq190]

ياصاحبي درب العلا عسر بالحيل
ودونه مسافه جرهديه وجردى

وقدمك لعكفان الشوارب مداهيل
قطاعة الفرجه على كل سردى

وان كان ماتقدر دروب الرجاجيل
عود وتلقى واحد منك واردى

[فارس بن شايع العيافي @fsq190]

@AliBinHamri تبقى وتحيا يابو فواز

[فارس بن شايع العيافي @fsq190]

يالله أنا قلبي عزيز وحياويّ
شيء يهين النفس لاتقسمه لي

حتى لو إني له شفوقٍ وشفاوي
تغسل فؤادي منه قبل أغسل يديّ

[فارس بن شايع العيافي @fsq190]

لاتمدحون اسم القمر امدحو نوره
ترا القمر من غير نوره ولا شي

[فارس بن شايع العيافي @fsq190]

بين الصبر والصمت والخاطر الشين
ما قلت .. يا ليل العنا وش جرالي

و من كثر صدماتي بناسٍ عزيزين
قمت أتحرى صدمتي من ظلالي

[فارس بن شايع العيافي @fsq190]

من شيمتي اقطع عليك التفاصيل
ماودي اقلب عليك المواجع

[فارس بن شايع العيافي @fsq190]

كم لي وانا اشير للموضوع وانوّه
وكم حاجتن مستحي منها وكاميها

اجامل الي ماحد يصبر على جوّه
وامشي الي ماحد يقدر يمشيها

وانا لساني فصيح وعندي جروّه
وبإمكاني اسمي الاشياء بأساميها

لكن بوجهي حيا وفي راسي مروّه
وتردني شيمتي واسكت واخليها

[فارس بن شايع العيافي @fsq190]

اسف اني ما قدرت اوّدعك
واسف ان طيبي معاك اكبر خطاي

الصراحه ؟يوم ناديييت اسمعك
بس انا لا اقفيت ما طالع وراي

[فارس بن شايع العيافي @fsq190]

بعض الأوادم عدّها سالفة ليل
لا شقّ نور الصبح .. خلّه يولّي

[فارس بن شايع العيافي @fsq190]

في وحدتي بعثرة راحة ولمة ياس
واوجاع لقى الزمن في حدسها حدسه

مشيت قلبي على درب السماح و داس
شي تخاف القلوب القاسية لمسه

وعلي بدّيت كل الناس .. لو الناس
ما فيهم اللي يبديني على نفسه..

[فارس بن شايع العيافي @fsq190]

اذا جيت رحبنا واذا رحت ودعناك 
سلوم البدو دون ، المقفّين تمنعنا ..

[فارس بن شايع العيافي @fsq190]

لا تحب . انسان .. ما يـكره غيابك
لا تموت بشخص ما شافك حياة