fَ

[fَ @fsqqi]

ياوقت ماني طامع في عطاياك
لا دامت الدنيا ولا نيب دايم .

[fَ @fsqqi]

أنا البارحه من لذة النوم جاني روع
وقلبي يصادم عوج الأضلاع وترده

ولولا ضلوع الصدر خطرن عليه يزوع
كما زوع طيرن … صاحبه مابعد هده

إلى ناموا السالين قامت تصوعه صوع
رواب�� هجووس تشرخ … القلب وتقده

تمسه كما مست حبال الصعب والطوع
وغصب عليه يطيعها … لو بعد مده

[fَ @fsqqi]

تحكَّمت بي وأسرفت يا ضامر السّرجوف
وعذّلت روح ٍسلّمتك أمرها كلَّه

وليفي عليه من الخشوف الدّقاق اوصوف
إلى ذار خشف الريم كنّه وصيفٍ له

[fَ @fsqqi]

يـاخاطـري ماهي بـ لحيـة مداراه
الوضع يبغى له قرارٍ سيادي

من يزعل من الحق لا رحم مجناه
ماني بـ تباعٍ ورى كل غادي

[fَ @fsqqi]

يا عنق ظبيٍ من القناص متذيّر
يجفل من الصوت ويحاوز من الريبه

خليت قلبي مع الايام متحيّر
ومنين ما ذعذع الهباب يومي به

لا تحسب ان الغلا فالقلب متغيّر
تنشد من الحب وانت اقصى مطاليبه

حتى خيالك لا مرّ الخاطر مسيّر
وقفت ارحب ب مندوبه واهلي به

[fَ @fsqqi]

يوم باح السد والجسم خلي من اللحم
توكم ذا الحين تنهون قلبي من هواه

[fَ @fsqqi]

مادام والي الامر يعطف على الناس
ومادامت الشيمه ترى الحظ طيّب !

وان ضاعت الثنتين من راعي الساس
ماطابت الدنيا . . ولا طآب خيّب !

[fَ @fsqqi]

حايل من دونها حول وشويه
مير مالله حايل دون ذكراها

[fَ @fsqqi]

احسب ان القلب الاقشر قوي له عزوم
واثر قلبي خان واقفىّ معا سراقته

[fَ @fsqqi]

على مركب الاوهام والهم شالتني
وعلى سيف بحر اليأس ركت ورست به

ولا صورت خلي على الطيف نبتني
ولا قمت مغير الخيال أتلفت به

[fَ @fsqqi]

فز قلبي فزة اللي يدور له ذهيب
يوم دربل فالزباره شعاه اقبالها

تلهن بكرً غلاها دوا القلب العطيب
تلعب بقلبه من الشوق لعب سبالها

له ثلاث ايام والنوم عيا له يطيب
كل ماانعس عرّضت صورته يبرالها

قام يرثع ماحسب للمذاري والصليب
لين غترته استحالت وطاح عقالها

[fَ @fsqqi]

فيـنا كبـيرين الهـقـاوي يظنّـون
انّـا لنـا مـنـزال فـوق النـوايـف

ومن شانهم مانقبل المنزل الدون
والوقت مدهر والمـزاهب خفايف

[fَ @fsqqi]

يارجل سجي بي عن الهم والضيق
مادامت الدنيا لأبو زيد وذياب

نفس معنزها بروس الشواهيق
مالي وراء العالم مشاريه وعتاب

وانا كما طيراً بلياااا مسابيق
يصبح ابمرقابٍ ويمسي بمرقاب

[fَ @fsqqi]

لي ضيقتن في ضمير النفس مخفيه
تعود القلب همه واصبحت عادي

كنه على بعض خلق الله حتميه
عساه ماجور من تعذيبه فوادي

شرايد الفكر بالسجات مبليه
غادي ودور لي لهيب مبطي غادي

صبري على كيتن من بعده كيه
خلتني افهم شعور الناس ببلادي

[fَ @fsqqi]

سجّ روحك في فياض العزّ و أعرض
عن دروبٍ مالها .. بيرق ترزّه

ناس تلهث في مداك .. و ناس تركض
و أنت كنّك في بساتينه تنزّه

ناس تفرضها الظروف ، و ناس تفرض
نفسها ��ي كل وقت و كل حزّه

و ناس جتها بالذراع و ناس بالحظ
و ناس يزهاها الشموخ و ناس رزّه

[fَ @fsqqi]

طوى آلحَزن حالي مثل طويَ آلبدو للبيت
وانا صابرً واخفي على الناس دمعاااتي

[fَ @fsqqi]

وجودي وجودن ما توّجد به التالين
ابا لا يصوغ الشعْر من دافع الشهره

على اللي ليا منّي نويت اقفل البيتين
هدرت الدموع وجات الآبيات مدّهره

تصاهل هواجيسي من افراقها لا الحين
صهيل الحصان اللي تعاطي له المهره

فقيد الشهيّه والوزن والمنام الزين
تهاون بعين الخشف لين اقصمت ظهره

[fَ @fsqqi]

واللي رفع يوسف و لد اخوانه
إني خذيت من الحياه دروس

اليا حكيت اصير فاري جيبي
وليا سكت اصير بالع مـوس

[fَ @fsqqi]

إلا واهني اللي دلّه مافقد له شي
ماهو مثل حال اللي فقد شي ومهاوي
⠀
سبايبك ياللي مالقينا لوصفك زي
صدفني وانا من قبل شوفتك متشاوي
⠀
عرض لي ماني له مثل يوم اني ماهو لي
وحيل الله اقوى معه حيلي ماهو قاوي

لا سلهم بعينه كـنها تقول مت ياحي
تقول ان ضربه فالحشا ضرب هنداوي

[fَ @fsqqi]

اشهد ان الحّب للخفاق صايب
والبلاء ان الحب ماينقص يزيد.

جرح يالليّ كل ماقلت انه طايبّ
نقضه سهمن من الفرقاّ جديد .

[fَ @fsqqi]

ألا ياوجودي وجد من قل توفيقه
غدا له ذهيبٍ جرته ما يعتقها

على جاهلٍ كن الكواكب عشاريقه
تهاوى القمر والشمس من فوق عاتقها