🦅🌴حزم الضامي 🇸🇦

⭕️ حسابي الاول مقفل

[🦅🌴حزم الضامي 🇸🇦 @fzpxeh2]

@Alqeeran @ALAHLI_FC وثيقة لها يمكن ستين سنه
خطاب من مؤسس نادي النصر احمد عبدالله البربري لايرغب اي نصراوي انه يراها
خطاب موجة الي رئيس نادي الهلال الشيخ/ عبدالرحمن بن سعيد يطلب سلفة 200 ريال
ويطلب منه مساعدتة في تسجيل النادي
...:
والرمز المرحوم عبدالرحمن بن سعود معترف ان اللي اسسة البربري

[🦅🌴حزم الضامي 🇸🇦 @fzpxeh2]

@2012_alalwi من جرف في دحديره
من مسحل في رزيزه

[🦅🌴حزم الضامي 🇸🇦 @fzpxeh2]

ياليل ماكل المخاليق عشّاق
وياليل ماكل من سرى بك دليله

وياليل فيك افراح وحزان وفراق
وياليل فيك اسرار خل وخليله

حزم الضامي🌹

#بوح_اخر_اليل

[🦅🌴حزم الضامي 🇸🇦 @fzpxeh2]

الصبر طيب والتوالي محموده
يازين لاتدور عن الصبر مجناب

ريح ضميرك لا تبيح سدوده
حتى قناطير الذهب لجلكم ذاب

لو كل من يوعد صدق في وعوده
ماضاقت الدنيا ولا قفل الباب

(حزم الضامي🌹

[🦅🌴حزم الضامي 🇸🇦 @fzpxeh2]

كل العجايب شفتها في حياتي
يوم على عدل ويوم على ميل

لا ضاقت الدنيا تعرف الثقاتي
ولا زانت الدنيا يجون المهابيل

وان بار وقتك بان وجه الشماتي
وان طاب وقتك لك ليالي مقابيل

واللي يقول اليوم محد سواتي
قبله رحل جيل وبعـده يجي جيل

(حزم الضامي🌹

[🦅🌴حزم الضامي 🇸🇦 @fzpxeh2]

@SaAlenzy تسلم وتدوم وبارك الله فيك وصح الله بدنك ومبداك الجزل 🌹

[🦅🌴حزم الضامي 🇸🇦 @fzpxeh2]

@kalkleel تسلم وندوم وصح الله بدنك ومبداك الجزل دايما🌹

[🦅🌴حزم الضامي 🇸🇦 @fzpxeh2]

@kalkleel طاروق ياخالد على كل طاروق؛
وحصان فكرك مطلق لي عنانه

الصبر زين وكل مطرود مالحوق
لو كان من دونه بحور وحصانه

(حزم الضامي🌹

[🦅🌴حزم الضامي 🇸🇦 @fzpxeh2]

العشيه خاطري بالحيل ضايق
لا تدور من ورا الضايق علوم

قبل إيجازة صيفنا؛ والبال رايق
في سعاده وسعاده ما تدوم

يوم بعض الناس يحسبها دقايق
في حسابي الدقيقه نص يوم

طول ليلي من ورا البيبان اوايق
من فقد له شي مايطريه نوم

(حزم الضامي🌹

#بوح_المشاعر

[🦅🌴حزم الضامي 🇸🇦 @fzpxeh2]

يا حياتي كيف أنا بحيا بدونك،
كيف بطعم عيشتي وانتي بعيده

احسب اني عايش داخل عيونك
ماسك درب الغلا والحب سيده

(حزم الضامي🌹

#بوح_المشاعر

[🦅🌴حزم الضامي 🇸🇦 @fzpxeh2]

@emperors1911

[🦅🌴حزم الضامي 🇸🇦 @fzpxeh2]

@baeshen_ali هارب وغدار حتى لوجاء عرض او اتصال ياخذ وقت لتفكير وتجهيز الاهلي للبديل ووداع مشرف مهما كان من ظغوط ؟

[🦅🌴حزم الضامي 🇸🇦 @fzpxeh2]

على الهون ريض وين ناوي على الترحيل؛
وما فيه باب إلا الامل ننتضر بابه

نجامل عيون الناس ونخشى سواد الليل:
ونحلم ولــو احلامنـا شبه كـذابه

وطبع اليالي ساريه بين عـدل وميل
ولا ترضي الزعلان وتحس بعتابه

(حزم الضامي🌹

[🦅🌴حزم الضامي 🇸🇦 @fzpxeh2]

ليتك معي لو مره صادق النيه-
وقول لك تم تامرني وتنهاني

يجيني حساس صادق فالميه ميه
وفرد لك كتاب مخفي وسط وجداني

مابان لي من طرفك اليوم ماريه
اتمرني عين ذيب بقلبك الثاني

اليا متى وسط صدري ناركم حيه
يانور عيني حرام اليوم تنساني

(حزم الضامي🌹

[🦅🌴حزم الضامي 🇸🇦 @fzpxeh2]

الهقوه اللي فيك وقفه على ساق
يوم العضيد يشد جنب العضيدي

ما ينقص الرجال ماجوب وخلاق
ولا يرفع الرجـل كثــر الرصيدي

قص الطريق وعيش ورب رزاق
وعن ما يريح خاطرك لا تحيدي

ماكل من شال العسل للعسل ذاق
ولايشغل الافكار ساعى البريدي

(حزم الضامي🌹

[🦅🌴حزم الضامي 🇸🇦 @fzpxeh2]

الشعرمن غيض وفيض صدور مليانه
بوح المشاعـر وطب قلوبنا الحرقا

والحـكي واجـد وكـلن عنـده السـانه
والفرق شاسع ما بين محول ويرقا

(حزم الضامي🌹

[🦅🌴حزم الضامي 🇸🇦 @fzpxeh2]

الوقت بعض أحيان ماهو على الكيف
والحـال مـا يبقى على مـا نريـده

يوم ربيع ؛ ويوم يلحق بنا صيف
ويوم تجي سمحـه ويوم عنيده

ساق الهوى غـرُ المزون المراديف
مـا الله خلق قلـوبنا من حديـده

ورزق مقسوم على البيت والضيف
هـذي مواجيبه وهـًاذا رصيده

(حزم الضامي🌹

[🦅🌴حزم الضامي 🇸🇦 @fzpxeh2]

من يدور غيرنا .. يلقى كثير
من نصانا صدورنا فيها سعه

ما وردنا العد بالحبل القصير
والدروب وساع وكلن فسنعه

(حزم الضامي🌹