‏‎#﮼قصيد

" أغرد تحت تأثير اللحظه والشعُور "

[‏‎#﮼قصيد @g404ii]

اسئله واجد فـ بالي وانا جرحي يسيل
لكن آخرهم ذبحني وتفاصيله هلاك !

من قدر يأخذ مكاني؟ ومن كان البديل ؟
ومن قدر يملي عيونك ؟ ومن يسهر معاك ؟

ومن ملك عقلك وقلبك ؟ ومن همه تشيل ؟
ان زعل تزعل عشانه، وترضيه برضاك ،

هو يحبك كثر ماكنت احبك ؟ مستحيل
. طيّب افهم كيف يعني من يديني خذاك ؟

[‏‎#﮼قصيد @g404ii]

عيد الأحباب ليله ( وحده ) بكل عام
و أنت ( واحد ) و حبك كل لحظة يزيد

٦/٣٠

[‏‎#﮼قصيد @g404ii]

في عيد ميلاد المحبه والاحساس !
احبك بـ كل الصور والمعاني

كل عام وانت اللي احبه على ساس !
ومكانتك بين الصدر والمحاني

محبتك ماهي على حد وقياس!
ووياك انا شهم ، وكريم ، وأناني

بـ عيوني الثنتين / ماتشبه الناس !
ولا اشبهك بالحب في شخص ثاني

٦/٣٠ 🤍

[‏‎#﮼قصيد @g404ii]

كـل عـام أنـت بـخير وأيـامك بـخير
لا يـا بـعـدهم كـلهم يـا غنـاتــي

أنـت بـحياتـي شـي ثـاني عـن الـغير
تـقدر تـقول أجـمل حـدث فـي حـياتي

[‏‎#﮼قصيد @g404ii]

كل عام وانت بخير والحب باقي
يكبر معانا كل مانكبر اعوام
وكل عام ياعمري يزيد اشتياقي
واشتاقلك كل عام اكثر من العام
وكل عام والهقوه على منت هاقي
لي قلب وافي ماتغيره الايام
وكل عام ماالقى ولا انت لاقي
مثل غلانا لبعضنا لو بالاحلام
وكل عام ماملت يدينك اعناقي
وانت بعيوني كل ماتنعس تنام

[‏‎#﮼قصيد @g404ii]

كل عام وانت بخير لوكنت مو لي
ياعلاج نفسي لامرضت ودواها

ابوعدك ما نساك ما دامني حي
الين روحي تاصل الـ منتهاها

عادي اذا ماجيت في هالسنه ذي
بنطر تجيني بالسنه اللي وراها ؟

[‏‎#﮼قصيد @g404ii]

ودي ادق وقول وين انت ؟
ودي احاكيك عن سوالف جديده

لكن كل ما تذكرت هالبعد هونت
يمكن في بُعدي حياتك سعيده

[‏‎#﮼قصيد @g404ii]

حلمت فيه البارح كنه يناديني
سمعت صوته يناديني ولبيته
​​​​​​
فزيت مفزوع والا وينه وويني
واثريه حلم على الواقع تمنيته

[‏‎#﮼قصيد @g404ii]

ولقد رأيتُكَ في منامي ليلةً
فنَسيتُ ما قد كانَ مِن أحزانِ
وحَسِبتُ نومي في حضوركَ يقظةً
حتى أَفَقْتُ على فراقٍ ثانِ
لو كنتُ أعلمُ أن الحُلمَ يجمعُنا
لأغمضتُ طول الدهرِ أجفاني

[‏‎#﮼قصيد @g404ii]

حلمت فيه بعد ما حاولت اتخطاه!

[‏‎#﮼قصيد @g404ii]

-

السالفه ماهي مشاريه .. وعتاب
السالفه ما غير هقوه .. وخابت ..

[‏‎#﮼قصيد @g404ii]

"هو وجه واحد في حياتك تحبّه
والباقي .. تدور على مثل هالوجه"

- سعد علوش

[‏‎#﮼قصيد @g404ii]

معك واشتاق لك وشلون وانا بعيد..
والمشاعر ضوامي غصب تنساق لك

كل ما بطت بك الايام شوقي يزيد
شف جنون الغلا عقبك وانا عاقلك

أحترق لك وله ولا أنكتب لك قصيد
والشعر كم تباهى كل ما راق لك ؟

من وداعك ونظراتك رمتني وحيد
غربة شعور ياخي هالجفا لاق لك:)

[‏‎#﮼قصيد @g404ii]

لقيت رقمه بين الأرقام موجود
بغيت أدق وقلت ماظن يحتاج

دامه بدوني عايش سهود ومهود
ماني مسبب له مضره ولا ازعاج

تأتيني الذكرى على هبت النود
و أتذكر إن كنت لـ همومه علاج

يطري على وقتاً بهَ العالم هجود
و افتح بقايا . . ذكرياتي بالأدراج :(

[‏‎#﮼قصيد @g404ii]

" ياما انتظرتك فوق حد الانتظار
و ياما عذرتك لين هدني الاعتذار "

[‏‎#﮼قصيد @g404ii]

" لو غبت .. تلقاني على البعد مغليك
وان جيت تبقى مثل ماكُنت غالي "

[‏‎#﮼قصيد @g404ii]

الشتاء والمساري وأخر الليل
كل حاجه على بالي تجيبه

ويش خلاني امر المداهيل
والمداهيل شرٍ يندعي به

انا شخص تقتله التفاصيل
والتفاصيل والذكرى مصيبه

[‏‎#﮼قصيد @g404ii]

اشهد انك مقصّر واشهد اني صبُور .

[‏‎#﮼قصيد @g404ii]

ليتك خذيت بليل الاحباب مسرى
غربت من كثر الطواري وشرّقت

اشوف لك من وين مارحت ذكرى
ولا شفتها صديت عنها ودنقت

ماكل جرحٍ لا خذا ايام .. يبرى
بعض الجروح يزيد شره مع الوقت !

[‏‎#﮼قصيد @g404ii]

يحز بخاطري أني على ذكراهه
أعيش وسلوة الذكرى تعزيني

وليف البعد ياربي شلون إنساه
إذا حتى" مرور أسمه " يبكيني