🇶🇦.

اللـي يدقـق فـ الحياة يـملّــها

[🇶🇦. @g8kf]

ابي دعوه بالمغفره من وجيه الخير
لامروا على صفحة حسابي و انا ميت .

[🇶🇦. @g8kf]

الجلال من الحطب في نارك المشعومه
من بداية قدحة الكبريت لين يجمّر

كن صدري منقله و عروق قلبي كومه
واستلمه اللي يخم من البكت و يعمّر

ضايقٍ صدره و كاثرةٍ عليه همومه
ولو يموت من الفقر ما تسمعه متذمّر

والله ان هذا خفوقي لا تقوم تلومه
يتظاهر بـ الحياه و داخله متدمّر .

[🇶🇦. @g8kf]

مجبور اوقف واقول انــي علـــى مايرام
ومجاهد النفس في بعض المواقف صعب

اسايـر النــفس بالالقـاء والاهــتـمام
العب على نفسي وهــي ماتحب اللعب

في وسط صدري بداية فوح مسك الختام
ودمعة محب وفرح حاسد وفوضى شعب

ماعـاد تـغـريــني أبـيـــاتي علي الحرام
مدري ردى ذوق مدري نضج مدري تعب

[🇶🇦. @g8kf]

جروح بُعدك تِجملني ولا قد جزعت
أحيان تتجمّل الجدران بـ شقوقها

مأقول لك مابكيت الا بكيت وشبعت
فرقاك من تحت روحي والوجع فوقها

[🇶🇦. @g8kf]

حتى ولو يحزنك ماينكتب فالسطور
فرقاك كيّ .. وسؤالك عقب فرقاك كيّ

اخذ المسافات والايام " سكة عبور "
الضحك لك .. والمضرّه والمشاوير ليّ

الخوف ماهوب من حاجه ولا من شعور
الواحد الحين صار يخاف من كل شيّ

[🇶🇦. @g8kf]

عسى من حداني عن وليفي وأنا باغيه
تـحـده ذنـوبـه .. مـا يـجـي بـارد الجنّة

[🇶🇦. @g8kf]

يا نايحة الأغصان كثرّتي النوح
من عصر ! وانتي تشحذين القريحه

لو يسمعك مع غيبة الشمس مجروح
صلّى العشا فـ فراشه ، الله يبيحه

روحي على فالك وخلّيني اروح
الكون واسع ، وأرض ربّي فسيحه

أنا وقلبي مثل ( نوح و ولد نوح )
نصحته وعيّا يطيع النصيحه

ليته يعرف ان الثقه مالها روح
وألّا يعرف ان المشاعر جريحه

[🇶🇦. @g8kf]

أنا آخر بقايا من نجا في سفينة نوح
ولقيت أُمّة محمد تدور خليفتها

لاتنشدني من الواهس إللي يجي ويروح
هذي زبدة علومي وهذي طريفتها

أشوف الخطا مهما بلغ هيّن ومدموح
لكن .. لا تلحّق كل زلة رديفتها

أنا ما بقى من روحي إلا شلاوي روح
ولا باقيٍ من كبدي إلا نصيفتها ..

[🇶🇦. @g8kf]

ما نبت في الجفن رفّة ولا في القلب امان
لين صرت ادوّر الشوف تدوير الصدف

صرت انا والضحك عقبك على طول الزمان
الفقير اللي ليا جاته المدّه .. حلف "

[🇶🇦. @g8kf]

أنا في ضميري عبرةٍ تختفي وتبيـن
كما شُرطيٍّ خلي على الباب وقّافي 

تهيّضت والي هاضني في الاثنين
تهضام ورعانٍ موليف وِصخافي 

تنمرت ابنهرهم وهلت دموع العين
وكووني مواليف العرب بين الاجنافي

عسى ليلتٍ نلفي عليهم وحن فرحين
بعد ليلتٍ الفرقا بهالدمع ذرافي

[🇶🇦. @g8kf]

لا تمنيني بحاجه وانت ما انت بصوبي
ولا تطالبني بحاجه . . وانت ما تفعلها

خف مفعول المحبه لين شفت عيوبي
وقمت تستنكر عيوبي وانت ما تجهلها

[🇶🇦. @g8kf]

تصد القلوب من الغلا والنفوس تمل
يهُون الجفا لا شافت العين ماتكره
.
تَغَلى بكيفك ..لو تصير المحبة غل
لكن لاتساوم من يحبك على قدره
.
توريني أبواب المفارق وأنا ما ادل
مثل من يورونه قبل موتته قبره
.
تراي الفقير الي غناته بكلمة ذل
تسامى وهو لو جاد فيها دفن فقره

[🇶🇦. @g8kf]

أثر ضحكي بعض الأحيان "نظارة ضرير"
إن لبسها ما يرى .. وإن تركها ما يرى

[🇶🇦. @g8kf]

الليل حزنه كليف ومغرياته ضياع
ما عاده بليلنا الأوّل وعفويّته .

[🇶🇦. @g8kf]

بين غارات الزمان وعدّته وإعتاده
والحزين اللي بكا والساجع اللي غنّا

زينة الدنيا القلوب اللي وفاها عاده
والعيون اللي ليا أخطينا تغاضت عنّا

[🇶🇦. @g8kf]

لـ منادم الليل لو شرّعت حدب الضلوع
وأونَس بي الحزن ما علمت بـ حكايته

بيني وبين الكلام اللي وراء الصدر روع
أدفع ثقيل أحرفه ، وأرتاب من غايته

في العين من ليلة البارح حنين ودموع
وأسماء توارى، وشيءٍ يبلغ نهايته

أطول مسافه على الإنسان وأقسى رجوع
الرجعه لنفسه الأولى ولـ بْدايتـه

[🇶🇦. @g8kf]

ولا هي بالزمن لو الزمن ما ينصف السمحين
يمرّ كبودهم مثل الجمل ما عاين فـ شبرَه

قطع قلبي فجوج الهم وأتعبْه الزمان الشين
نشف حلقي من بكاي ولقى في شوفته قطرَه

ولو عنده لي امية جرح، ما عندي له إلا الزين
لو يموت الكلام فـ خاطري ما جيته اتشره

[🇶🇦. @g8kf]

تاقف الدنيا عليك وترتبك من صدك
خل عاد اللي يشوفك مصدر أستمراره
..
كيف ياخذك الزعل مني وكيف أردك ؟
وأنت ما تاخذك قوم ولا تردك غاره

[🇶🇦. @g8kf]

مادام البكا شي من احساس نبض الروح
اجل ذمّ ..دمع الرجل ..ماعاد له معنى
.
رياجيل وان ضقنا نلاحي .. حمام الدوح
وش المشكلة ..لو من بكانا .. تقطعنا!
.
على كل شيً .. يستحق الِبكا .. والنوح
بكينا .. بكينا .. لين جفت .. مدامعنا"

[🇶🇦. @g8kf]

ليت وضعي ثابتً ماينقلب فـ كل ليله
عن ثباته عيت الاحوال والاقدار عيت
-

[🇶🇦. @g8kf]

وش تبي آمر والبيك يا الوجه الضحوك
أنت ما تستاهل تحس بـ إحساس العنا

لك بقلبي عرش الآسياد وأحكام الملوك
شيل من ودك تشيل . . عساهم للفنا

ماينافسني بمحبتك بعد أمك و أبوك
غير أنا وأعوذ بالله .. من كلمة أنا