B.

من باع وصـل الود .. بعـنا ديــاّره

[B. @gb_3o5]

﴿ و ما تدري نَفْسٌ بأي أرض تموت ﴾
اللهم إني اخاف موت الغفلة و اخاف الموت على معصية واخاف ظلمة القبر، ربي إرحمني واغفرلي اللهم أني أسألك التوبه قبل الموت والشهاده عند الموت والمغفره بعد الموت ربي سخرلي من يدعي لي بعد موتي واجعل لي اجور جاريه لا تنقطع في حياتي وبعد مماتي ..🤲🏻

[B. @gb_3o5]

سهل المعاشر لطيف الوجه والنيه
ينحب حتى ولو مكروه من جابه

ومعقد الحاجب اللي خيرته سيه
مكروه لوتعتزي بجدوده اللابه

الطيب ان مات عاشت له طواريه
تتذكر الأرض وقفاته وترحابه

ياربي اجعلني المزحوم حنيه
فاتح لضعف الخلايق قلبه وبابه
امد كف الجميل بكل عفويه
ما غير وجهك عطا يمناي يدرابه

[B. @gb_3o5]

يجيبك الشوق ولا تجيبك الحاجه
مصيرك اليا صفعك الوقت تذكرني

اقفيت والحزن عقبك عاود ادراجه
ولا بقى الى قصيدي فيك يجبرني

قبلك سمحت وهجرت العشق وازعاجه
والشكر لله قبل الروح تشكرني .

[ًً @anvviia]

حدّاني على شيئين يا الموت يا التهجير
بعد ما كنت في بيت الغلا، أغلى مساييره

- محمد بن مريبد

[B. @gb_3o5]

جيت المكان الي ما جيته من زمانن
و استقبلتني ذكرياتٍ ما تغيـر لونـهـا ..

[B. @gb_3o5]

صِرت ذكرى تسولفها ليْسنيني .

[B. @gb_3o5]

لقيت رقمه بين الأرقام موجود
بغيت أدق وقلت ماأظن يحتاج

دامه بدوني عايش سهود ومهود
ماني مسبب له مضره ولا أزعاج

تأتيني الذكرى على هبة النود
وأتذكر أني كنت لهمومه أعلاج

يطري علي وقتاً به العالم هّجود
وأفتح بقايا … ذكرياتي بالأدراج

[B. @gb_3o5]

أنا حلفت يمين ما عاد احاكيك
نسيت يوم اكلمك ما ترد !

كنت أبغى اودعك وإبغى اعزيك
في حبنا اللي مات من دون ودي

ياكثر ما تخطي واسامحك واعفيك
دبلت كبدي الين بيحت سدي

وان علمتني الهجر والله لا جازيك
واعلمك وشلون هجري وصدي . (:

[B. @gb_3o5]

على اللّٰه لو يروح اليوم كله بين حزن و ياس
وانا ما احب كسرة نفسي وما اداني خضوعي

وانا اتعبني السهر وارهقني التفكير و الهوجاس
مضت حول الثلاث ايام دمعي مغرقٍ كوعي

بلاني ربي بقلبٍ صخر وبخاطر حساس
ما بين امسح غلا الغالين وبين امسح دموعي

تقول اللّٰه خلقني من برود ومن شوي احساس
وانا والله لا هب النسيم يزيد من لوعي

لو ان ماني بـ احن الناس لكني احن الناس
وأخاف اللّٰه لا ابدل خاطرٍ راضي بـ موجوعي

اداري فـ الخواطر لو ما عندي لها احساس
يا كيف اللي لي اغلى من هلي وأغلى من ربوعي

[B. @gb_3o5]

أنت ياللي كل ما هزّ المحاني طيفه
جرّني طاريك من ربعي ومن جلاسي

كانك اللي فالمحبه موجسٍ له خيفه
والله إنّي بين لوعة خاطري وعماسي

كل حبٍ غير حبك ينكشف لي زيفه
وكل طيفٍ غير طيفك مايهزّ إحساسي

وكل وجهٍ غير وجهك فالوجيه اعيفه
وكل صوتٍ غير صوتك ما يقنّد راسي

[B. @gb_3o5]

تعاتبنا بما فيه الكفايه من ثمان شهور
وسالت دمعتين و طاح قلب وماتت أشواقي

تعدتك المشاريه و جفاك اللوم والمستور
إذا ما يكشفه صوتي كشفه الحبر بأوراقي

تعبت أضحك على نفسي وأبرر لك وأعيش الدور
تعبت أجاملك .. وأصدق كذبك الراقي

تذكر .. يوم أخليك تباهى كبرياء وغرور؟
يوم إني اتحدى بك وأخيب هقوة الهاقي (:

وتذكر يوم أعذرك وأنت لا صادق ولا معذور
أدور لك عذر .. وأصدقه وأكذب حداقي

تذكر يوم جيت من الحزن متضايق و مكسور
فرشت لك الضلوع وقلت لك ياسيد عشاقي

[B. @gb_3o5]

يبو ضحكة الحلوة هيج تاليها ؟):

[B. @gb_3o5]

يا نسيم الليل سلم لي على اللي ما نسيته
بلغه شوقي و بشرني لعله مانساني

واهنيك يوم تاصل ديرته و تمر بيته
أما أنا شفقٍ على شوفه و حاديني زماني

لا ذكرت اللي كتبت اسمه على الرمل و محيته
كل شي يطيح من عيني يطيّح شي ثاني

تَرخص أغلى صورةٍ تعرض فالأسواق المقيتة
و ينكسر بروازها بين المفرط و الأناني

الدفاع الصلب لو صد ألف هجمة مستميتة
الفرح عامه شهر و أيام أسابيعه ثواني

الطعام إن زاد ولا قل ملحه ما كليته
كيف صرت أسعى ورى ناسٍ ضحيتهم كياني

طالت المدة و خط الظرف الأبيض ما قريته
الأول يعاني من الحرمان و الثاني يعاني

ما أبغي إلا اللي لا من غيره بغاني ما بغيته
أشري اللي باعني لجله و أبيع اللي شراني

من كثر ما أموت فيه أموت في حيه و ميته
بيني وبينه ما بين سهيل و الركن اليماني

و إن نويت الصبر و السلوان دونه ما قويته
صورته فـ عيوني الثنتين و اسمه في لساني

[B. @gb_3o5]

في عتمة الليل افكر به واراقب له
وانا ادري انه " معا غيري " و ناسيني !

[B. @gb_3o5]

انهزمت من الفراق وحزن قلبي راقي …

[B. @gb_3o5]

مابين خوفي من الدنيا وخوفي عليك
ضيعت عمري مابين اقفي او اتبعك
ماني خايف توادعني وانا محتريك
خايف يديني تخون احساسي وتوادعك
عقلي يبي يبتعد عنك و قلبي يبيك
ومابين قلبي وعقلي ما قدرت أجمّعك
تبي الصراحه تعبت اعاتبك واشتكيك
تعال قلي "أحبك" خلنى اسمعك

[B. @gb_3o5]

أحيييت من كف المواعيد ذكرأك
و اسّقيت من حر الجفااء ، فقر خدي

يّ المقفي اللي كل م جيت بنساك !
عرفت وش يعني .. لو ان الود " ودي "

[B. @gb_3o5]

كم مرة هزتني الذكرى . . على الخط السريع
واساير الساري ولو مالي سنع واسري معه !

الازعلتي ضاقت الدنيا على الصدر الوسيع
والارضيتي صار في صدري وفالدنيا سعه ):

[B. @gb_3o5]

سجد قلبي على رمل الضلوع و هزَّه التنهيد
و أنا في جوفي خيام الندم و الخوف منصوبه

يا ربَّ أفهق هلاكي و المنايا و الدروب بعيد
ما دام المودماني للتراب تقوده دروبه

يا غيَّاث الضوامي و الثمام وجرهديِّ البيد
أعذني من جهنم و الحشر و الموت و كُروبه

أنا ماني بـ لا مُشرك و لا فاسق و لا عربيد
أنا إللي لا عصى و أخطأ تجهَّم و أقلقه ثوبه

و أنا إللي يرتجف مثل إرتجاف الخايف الرعديد
ليا شاف القبور الضيقات و حسَّ بـ ذنوبه

أنا عبدك ولد عبدك وجدَّاني أهل التوحيد
خطاياي أخجلتني يا الله الغفران و التوبه

أنا الإنسان حمَّال النقايض و الكمد و الكيد
غريق الطين و اللَّذات من راسه لـ عرقوبه

أنا عبدك يا ربِّي و أنت تفعل ما تشاء و تريد
سألتك يا الله العفو العظيم و هيِّن دروبه