كل ما يحدث معك هو ترتيب الله عز وجل وليس صدفة فاطمئن لعله خير
كل الانكسارات التي تمر بها لا بأس فاطمئن لعله خير
كل امل غرس في قلبك ولم يثمر فاطمئن لعله خير .. بل هو خير 🍃
صدمتني اختي لما قالت انت قبل 7\9 كنت شي وبعدها صرتي شي تاني، لما سألتها كيف قالتلي حنى لمعة عيونك انطفت، بالرغم اني ماحاسة اني اتعيرت لهالدرجة بس طلعت حقيقة ان ممكن ليوم ان يقلب حياة الانسان بهالصورة
في اغنية عم اهرب منها واليوم قررت اسمعها نوستالجيا مرعبة كتمة وضيقة صدر مرعبة كنت بقمة السعادة وقمة النشاط لقيتني بعد هي الاغنية بقمة الضيق
يا الهي الانسان ضعيف جدا
مو ديجافو ولا نوستالجيا مابعرف شو ممكن تتسمى بس الي بعرفه ان المواقف عم تتكرر وتتشابه مع اشخاص جدد ،وردات فعلي عم تكون مختلفة بسبب التروما الي صارت من اول مرة
في مقولة بكتني بلا سبب
(لو كان بالامر نصيب، ماكان خاب ظنك مرة واثنين وثلاثة )
طيب ليش لكن هالامر ظهر من البداية ، ليش اتيسر وصار هدف وغاية وامنية اذا كان مو نصيب؟
كل شي اتخيلته الا اني اصحى من النوم وبنصف ساعة صمت اقول ليش هيك عملت بحالي ؟ ليش صرت دكتورة ؟ ليش قاعدة موت من تعبي يالمناوبات وعم ارهق نفسيا وجسديا وروحيا وعم انحف وشكلي فقد لمسته الانثوية ،ليش حتى اصحابي ماعم حس بالسعادة معهم ؟
انا محتارة من الي صاير معي ،وين شغفي وين حماسي وين حبي للعمل وين انا الي كنت اقول ماراح اعترض بيوم على اي شي لان انا تعبت اكتر من اي حد بالدنيا وانتظرت سنتين كانت عم تهد حيلي لوصلت لهون 💔
كنت كاتبة لستة ادعية برمضان الفات وفتحت اللستة هلأ مشان جددها استعدادا لرمضان
لقيت ان كل الادعية استجابت الا اثنين منها الحمدلله والحمدلله ان ربي ما استجاب لان اكيد فيها الخير 💚