🐼 لنحيف

نحاول الإبتعاد و لكن قدرنا أن نبقى كما نحن فلا بديل عن الإقتناع بما نحن فيه ، كل شخص ينجذب لشيء يراه مصدر لسعادته في عالمه الخفي

[🐼 لنحيف @gentlebear85]

لم اتوقع يوما أنني سأستحقره
رأيته رخيص لدرجة أنني بت أشك أنني كنت أعمى

[🐼 لنحيف @gentlebear85]

عِشق و غَرام و وَرد و مواعيد
حاجي يا قلبي دموع حَمرا تصُبّ
بالأمس كان الحُب من دون عيد
و اليوم صار العيد من دون حُبّ

[🐼 لنحيف @gentlebear85]

يمكن معك أخطأت بالتقدير
بتصير أحياناً
كنت مفتكرك رخيص كثير
و طلعت مجاناً

[🐼 لنحيف @gentlebear85]

(من الآخر)

ما عاد بدي أنطر....... جديدك
ولا يحسّ قلبي بصوت تنهيدك
وما عاد بدي إحلم بقربك
ولا عاد بدي أسكن بقلبك
يا ريت إنت و رايح بدربك

تاخد بواب الذاكرة....... بإيدك

[🐼 لنحيف @gentlebear85]

بنساك؟ وينو دخلك النسيان
وطيفك ولا لحظة بفارقني
ساكن بعيني وجفنها النعسان
و حتى من الأحلام سارقني
كلما قلت بنسا حنيني ال كان
بلجّة غرامك عم يغرّقني
بتفجر بذاكرتي متل بركان
و بتبلّش الأشواق تحرقني

[🐼 لنحيف @gentlebear85]

عيّشتني حزن وألم و جراح
و ملّت خدودي طعمة دموعي
و دشّرتني طير و ما عندو جناح
وصارو العوازل ينطرو وقوعي
وعتم التجافي نور عمري اجتاح
و خيط الصبر نسّل من شموعي
قلّي دخيلك كيف رح إرتاح
ومني قادر شيلك من ضلوعي

[🐼 لنحيف @gentlebear85]

ما عاد قلبي للهفتك....... طيعو
قررت للي.. باعني .........بيعو

و وسع المدى لولا بعيني... ضاق
و جرحي غفي مليون مرة وفاق
بكفّي القلم لولا كتب .....مشتاق

صدّق ت إكسر... خمس صابيعو

[🐼 لنحيف @gentlebear85]

كل عام وانتم بخير

[🐼 لنحيف @gentlebear85]

شعُور الرسميه بعد الميانه يوجع. 💔

[🐼 لنحيف @gentlebear85]

مظبوط يمكن بعشق جنونك
وبشوف نور الكون ...بعيونك

لكن إذا بتسترخص... دموعي
قلبي رح بشيلو من ...ضلوعي

وكمّل حياتي وعيش من دونك

[🐼 لنحيف @gentlebear85]

قدّيش ......عاملتك ....بحنيّة
و أعطي الوفا من دون منيّة

ولما نزفت الشوق والإحساس
ما كنت عارف بالدِني في ناس
عندن لكل قصة وعلاقة قياس
وللحب في فترة/ ت صلاحية

ما عاد قادر................. عدّ للميّة

[🐼 لنحيف @gentlebear85]

لمّا العشق بتحاصرو.... الآلام
وبيحكمو الهجران بالإعدام
يمكن عن العين الحبيب يروح
ويترك خلف منو قلب مجروح
ذكرى رح بيبقى بزوايا.. الروح
ما بتمسحو محّاية....... الأيام

و دقّات قلب بيخلقو....... أيتام

[🐼 لنحيف @gentlebear85]

مبارح وقت ما رحت بدي نام
وتسكّرت دكّانة............. الإلهام
طيفك مرق حدّي على السكّيت
مدري بساعتها بشو حسّيت
قولك حقيقة كان ولّا منام

وقديش حلوة كذبة الأحلام

[🐼 لنحيف @gentlebear85]

شو مفتكرني دوب متل الشمع
أكبر من غيابك..... نزول الدمع

[🐼 لنحيف @gentlebear85]

بتتـذكـر ع الثـلج والدرب القصير
مشيت ومحيتلك الدعسة الحافية

ولما ضرب فيـك البرد والزمهرير
قلت ب أحضاني الغمرة دافية

اكبر جريمةنحيل ع المثوى الأخير
الحــب الكـفـيتو والمشاعر كافية

بالله ارجع تـ نمون الـمرج النضير
عـطر وحنـيــن سـنيـن فـينا خالدين
وترجع ل مجراها المياه الصافية

[🐼 لنحيف @gentlebear85]

بتتذكر

حبـيـتـك وللـحـب كانت روحي وافـية
وجروح قلبي من المأسي شافية
جار الزمـان وحـبـك تـغيـر كتير
وصارت عيونك ع الولف متجافية

بتتذكر لمـا فـرشت قلـبي سرير
وكانت عيونك متل طـفل بقـلبي غافية

بتـتذكر لمـا غـزلت خـيط الحرير
كـرمـال عيـنك ع جـواز القافية

[🐼 لنحيف @gentlebear85]

كل الذين قطعت علاقتي بهم، بطريقة أو بأخرى، هم الذين ناولوني المقص.

[🐼 لنحيف @gentlebear85]

يحدثوني عنك و لا يعلمون أنني أتألم
و لكنني أكابر لأن نفسي عزيزة علي
لربما أستطيع أن أستعيد سعادتها
لفقداني اياها و أنا في جانبك

ذهبت و لم يخطر في بالك أنك زرعت في داخلي جرح أعنتك بضعفي على تعميقه

[🐼 لنحيف @gentlebear85]

زرعتلك صدري حنين
زرعت أنا و غيري حصد....

[🐼 لنحيف @gentlebear85]

نفسي احكي
نفسي اشكي
نفسي ابكي