gfaz

[gfaz @gfaz13]

يايبه جيت للقرية ولا شفتك
رحت للمزرعه والبيت والوادي

ما تعودت يالغالي على صمتك
صوتك العذب يمشي داخل فوادي

يايبه خوفتني دموع من بنتك
شفتها وانحرق قلبي مع كبادي

قالت الوقت يانايف ترى وقتك
مات ابونا وصرت البيت وبلادي

المصيبه يانايف جتك في بيتك
ليتها يايبه فيني وفي اولادي

[gfaz @gfaz13]

ياقبر جيت اسألك عن حال من فيك
قول لي عساه بخير ياقلب تكفى

وصل سلامي له ولك شكر واغليك
ابغى عيوني الليلة ياقبر تغفى

[gfaz @gfaz13]

يا حزني اللي ما درى عنه مخلوق
اضحك وقلبي داخله نار تغلي

ياحزني الممتاز ياحلو ياذوق
ممكن تغادرني علشان خلي

[gfaz @gfaz13]

ما جيتك ابغى منك حاجه ولا مال
بي ضيقة في الصدر واحتاج رايك

من بعد ما غابوا تغير بي الحال
وش العمل والدرب موحش وشايك

[gfaz @gfaz13]

لا جيت بطلب حاجتي منك تكفى
ترفق علي بساعه الحاجه والضيق

يكفيني اني كلما جيت بغفى
شبت علي الحاجة في الصدر بحريق

[gfaz @gfaz13]

المشكلة اني اكتب عشانه ولا يرد
واذا كتب غيري يرد ويعلق

مدري من اللي اجبر الجمر يبرد
واصبح رماد بعد ما كان يحرق

[gfaz @gfaz13]

يا رب يا اللي تنشي المزن والغيم
تنشي على قبر به امي سحابه

وتنزل عليها الرحمه تهطل كما الديم
وابوي تغفر له وترحم ترابه

[gfaz @gfaz13]

ما يثمر المعروف والزاد في الردي
حتى لو اعطيته عيونك ومايها

[gfaz @gfaz13]

يا رب ترحم شايب مات له عام
وانا بعد ما مات لي عام ميت

ما اقول ابي ياسعود ميت ابي نام
ودي اقنع المكنون والنفس عيت

[gfaz @gfaz13]

أرجوك عطني من اهتمامك ولو يوم
انا بكل الشوق ابغى اهتمامك

عايش حياتي فاقد لذة النوم
ابغى لذيذ النوم ياجي بغرامك

[gfaz @gfaz13]

@hamzahasann ارسل الملف لاهنت

[gfaz @gfaz13]

احيان يعجبني عنادي على الناس
واحيان اقول المشكلة من عنادي

احس في وقت الرضا بكل الاحساس
وان ضقت عيني تنكوي بالسهادي

[gfaz @gfaz13]

من راح لا تكثر عليه المراسيل
خلّه يملّ البعد لابد يرجع

وإن جاك لا تسقيه شقر المعاميل
خلّه بكسرة خاطره لين يدمع

[gfaz @gfaz13]

وش فيك ضايق خلّ صدرك شمالي
شبيت في صدرك لهيب الحرايق

لو كانت الضيقة على فقد مالي
هانت عليّ وبعد يومين رايق

بس البلا جتني من أولاد خالي
لو البحر بقرب خالي تضايق

[gfaz @gfaz13]

ياريم شعري صار ماهو بموزون
وأنا من أول أحكم الشعر وأوزنه

أصبحت في حبّك من اللي يهيمون
من بعد ما كنتي لسانه وموطنه

[gfaz @gfaz13]

ما جيتك الا اشكي فراق المحبين
غير الفراق اهون على النفس ويهون

بس المصيبة والقهر مات الأثنين
ولا عاد اناديهم وللصوت يوحون

ابوي وامي في غلاهم كما العين
ولا صار باسمي كل صبح ينادون

[gfaz @gfaz13]

اقدر ولا يعجزني اكتب لك اشعار
تحتار فيها مدح والا مذمه

لا تنشد القمه ترى منك جسار
علاقتك ماهي لنا بالمهمه

ماكل من ربى صقر صار صقار
ولا كل شي مرتفع صار قمه

صمت الحكيم أبلغ ولاهرج ثرثار
اما فتح لك باب والا مطمه

[gfaz @gfaz13]

ما عاد يحتاج انك تزيد في نيرانك
حرايقك اللي من العام والعه

ما حد سلم منها بعيدين او جيرانك
تاكل كما المنشار نازل وطالعه

[gfaz @gfaz13]

ابوي يبغاني اطلع شيخ في محكمه
وامي تبيني اكون فنان في مهرجان

بعض القرارات كانت يا سعد ملزمه
اما تقول ابشروا والا فراق المكان