fast-

[fast- @gfo40]

مازالَ يُؤنسُنِي خَيالكِ كُلَّما..
فاضَتْ بي الذِّكرَى وطَالَ عَنَائِي..
لا تَحسَبِي أنِّي نَسيتُكِ لَحظَةً..
ولتَسأَلِي وجْدِي وطُولَ بُكَائي..
( والله ) مَالَهَجَ اللِّسَانُ بِدَعوَةٍ..
إلَّا ذَكَرْتُكِ فِي حُرُوفِ دُعَائِي..

[fast- @gfo40]

تطري علي واشتاق لك واتمناك..
والقاك حلم من بعض ذكرياتي..
أنا ادري اني صرت ماني بوياك..
لكنك احلى حلم مر بحياتي..
من عاشرك ماظنتي بيوم ينساك..
مهما تغيب تكون لي مثل ذاتي..
و أصعب مواقف دنيتي يوم فرقاك..
فيها عرفت إنك تساوي حياتي..

[fast- @gfo40]

طالت المدة وخط الظرف الأبيض ماقريته..
صورته في عيوني الثنتين واسمه في لساني..
يانسيم الليل سلملي على اللي مانسيته..
وبلغه شوقي وبشرني لعله مانساني..

[fast- @gfo40]

فتّانة العنق مايزهاك غير الدلال..
مثل مايزهى قلادة عنقك ألماسها..
عيونك المُعتقل وأنا رهن الاعتقال..
وايديك تملك سعادة نفس واتِعاسها..
ياشوق روحي لروحي عند كل ارتحال..
وحديث نفسي لنفسي بين جلَّاسها..
لايزعلك شي فالدنيا وانا أخو العيال..
لو تزعلين أقلب الدنيا على راسها..

[fast- @gfo40]

إن زعلتي ضاقت الدنيا الرحيبه..
وإن بكيتي مات في قلبي غضب..
ومايريحني ضميري والمصيبه..
لا عذر مقبول مني أو سبب..
كيف أذرف دمعة الفجر المهيبه.
وكيف اطفي نار حزنك واللهب..
وليه انام ورمش عينك ياحبيبه.
يسهر ويشكي من أسبابي عطب..
سامحيني ياهوى القلب ونصيبه..
يشهد الله قلب محبوبك تعب..

[fast- @gfo40]

بعد الفراق اللي مثل واهج النار..
ما عاد لي في باقي الحب عازه..
فقدت من يذرى على القلب ويغار..
وحبه ورى حدب الضلوع ارتكازه..
الحب من فرقاه خليته يسار..
وسلمت تسليمة صلاة الجنازه..

[fast- @gfo40]

عهد الوفا منساك مادمت لك حيّ..
لو كان دربي في محبتك مسدود..
ولو كان تطوينا سنين الجفا طيّ..
تبقى بوسط القلب حاضر وموجود..

[fast- @gfo40]

ولو جمعوا عمر دنياي ما يساوي ظل شوقي..
اثر غيابه سرق روحي وخذا معها هواه..
يا اعز الناس وينك ضاع دربي مع طروقي..
والله إني ما نسيتك لو يغيب الكون كله مع سماه…

[fast- @gfo40]

غاب عن عيني ، وقفده جر دمعي من عروقي..
وانكسر صوتي ، وقلبي من رحيله ما قواه..
كل نبضة تنادي اسمه والحنين وسط (جوفي)..
والليالي ما صفالي من فراقه غير جفاه..

[fast- @gfo40]

كل من شافني قال عديم إحساس..
وأنا في صراعي الداخلي أعاني..
هذا يروح وهذا يجي من الناس..
وأنا ماني معهم مدري وش بلاني..
أتجنب القاعدين معي من جلاس..
ويسرح بي الفكر في معظم ثواني..
بين أفكار وهواجيس تشيب الراس..
آخذ لي سجةٍ معها بعالمٍ ثاني..

[fast- @gfo40]

@a700rar كفو ، وصادق في ذمتي

[fast- @gfo40]

حبيبي ترا بيني وبينك عتاب أحباب..
ولولا غلا حضرتك والله ما أعاتبها..
من الشوق والغيرة عليك أفقد الأعصاب..
تراني دخيلك حالتي لاتعذبها..
لو أقول بزعل جد وأفارقك ، كذاب!.
أول مره أضحي بروحي وأكذبها..

عبدالله بن شايق -رحمه الله-

[fast- @gfo40]

بتمرك الذكرى بطارف لياليك..
وتعلمك معنى القلوب العظيمة..
لحظةٍ ماندري تسعدك أو تبكيك..
بس الأكيد إن المشاعر أليمة..
أصعب شعور إن تدعي الله ينسيك..
بعد ماكنت تدعي يا عسى الله يديمه..

[fast- @gfo40]

دافنين أحزاننا تحت الوسايد..
مابغينا الناس تعرف من جرحنا..
ويوم صرنا نكتب أبيات وقصايد..
بان وجه الحزن فينا وانفضحنا..