𝓖

أكثر مما أبديه .. وأعمق مما يبدو علي ، هكذا أنا

[𝓖 @ghaydalts]

ما فقدت بالدنيا شيء أعظّم من أخوي
وما زعزعّني شيء مثل فاجعتي فيه
ولكن —
" عسى قبرك عليك أوسع من حدود الفضاء والغيب
وعسى نوره مثل شمس الضحى في علوّه وقاعه "

[𝓖 @ghaydalts]

عندي أمل رغم موتك إنك بترجــع
آمنت بالله .. لكن ليش عندي أمل؟

أنا أحسك حواليني وأحسك تجي
لا أحتجتك بشيء ، وأنا أحتاجك بكل محل

الله يرحمك .. دعوة تختلط بالحنين
كني وأنا ببلع العبرة أببلع جبل

الموت موجع وهذي سُنّة الأولين
لكن على رجعتك والله عندي أمل

[ّ @iilvlp]

« عن هواك العذب لا ناسي ولا متغاضي
وعن هوى غيرك عيّوف ولا طرا لي نية »

— سعد بن لويبه

[𝓖 @ghaydalts]

حقيقة غلاك أكبر من الظن والتخمين
تهون الجروح .. ونظرتي فيك ماهانت

« مصير الزمن لا دار كانك من الحيّين
يعلمك أنا وش كنت .. والناس وش كانت »

[𝓖 @ghaydalts]

من كثر ماكنت قاسي انا اشوفك سموح
كل حاجه منك شينه .. انا جملّتها

حتى تلويحتك يومك توادعني وتروح
انت ما لوّحت .. لكن انا تخيّلتها

[𝓖 @ghaydalts]

هنا اخر لقاء .. و أوّل محطّات الاستنزاف
مكانٍ كراسيه تسولف عن اشواقي
عطيته (سنين و قلب و ابيات ما تنعاف)
و (رجّع لي ابياتي ) ولا (رجّع الباقي)

انا بآخر ايامه سمعت الكلام الجاف
و كذّبت سمعي لو تشهد له احداقي

و بعد ما نطق في تالي الليلة إسمي .. حاف
عرفت أنّه العربون في ليلة فراقي

[𝓖 @ghaydalts]

يا شين الشعور اللي ما يشرحه وزن و قاف
ما تشرحه غير الدمعه اللي من اعماقي
انا اعاني من الوحده و قِلّة الإنصاف
واعاني من اشياء فاتت تضيّق اخلاقي
و زهرة شبابي ذابلة .. والعمر طوّاف
لا ماتت ماهيب تبيح من حضرة الساقي!
يمرّ الكلام اللي من الشامت الجحّاف
مرور الخريف اللي معه تسقط اوراقي

[𝓖 @ghaydalts]

يبي يكسر المجداف؟من قال لي مجداف!
انا لي سنه يا دوبه يشيلني ساقي
بديت ازهد بدنياي واللي يضاف يضاف
ولا ظنتي بـ اشقى كثر مانيب شاقي
تعدّيت مرحلة التحسّف على اللي طاف
انا هالسنه صرت أتحسّف على الباقي
ما غير ارجع لطاري و ذكرى تركت خلاف
ولو خوّة الذكرى مهي خوّة شلاقي

[𝓖 @ghaydalts]

"كنت احّن وأخاف على قلبك، وامده بكامل انتباهي وحذري مثل طفلٍ أمسك بيده وأنا اعبر الشارع..ولكن كبر الطفل هذا وتنّكر"

[𝓖 @ghaydalts]

ليتك عطر وتهب مع كل نسناس واشرّع ضلوعي
على اربع جهاتي

للحين وعروقي من الوجد يبّاس
للحين وانت أكثر دعاء في . . صلاتي

للحين أفكر فيك من بد هالناس
للحين وانت
أغلى وأعز أمنياتي

للحين أقول بكل ما أملك من احساس
. . الـحلو في مستقبلي ذكرياتي

[𝓖 @ghaydalts]

غريب الطير يتغنّى وعادي الناس لي تزور
ولا عظّم أحدٍ أجري بقلبٍ مات من شوقه

[٩١. @rllw_]

أنا من إسبوع متشتّت و ماني تمام
و أحسّ ضيقه .. و تقتلني مزاجيّتي

أجامل الناس و أتركني لجرح الملام
و أهزم فضاضة مواجعهم بـ عفويّتي

مزحوم فوضى و لو مافي طريقي زحام
إلاّ إنّي إرتبت من طبعي و شخصيّتي

أحيان ساكت و بـ عيوني طوارف كلام
و إلا ( علانيّتي ) ما هي ( على نيّتي )

[ٌ @_u7inii]

"حزين إنّي أشوفك حق، وأنت تشوفني ريبة"

[𝓖 @ghaydalts]

تعودت من صغري على من صِبر ماجور
على جرحٍ عاش بداخل اعماقي وشيّب

ولا ياخذك ظنّك على حالي المستور
انا طيبه و الوقت ما هو معي طيّب

تخيل فتحت الباب ادور بصيْص النور
احس الفرج بيزور .. و امالي تخيّب

وتخيل كثر ما خاطري بالزمن مكسور
اذا طاب لي حي .. احس يومه قريّب

[𝓖 @ghaydalts]

واليوم في غيبّتك ماني عاجز لا أجيك
لكني اخاف لا من جيت مالي قدر

[𝓖 @ghaydalts]

" تاريخ حبّك كان تاريخ ميلاد
وتاريخ هجرك كان تاريخ هجري "

[𝓖 @ghaydalts]

خِدني معك بالجو الحلو .. خليني معك إسرح ياحِلو

[𝓖 @ghaydalts]

مع الحلوة و بالمرّة تعايشنا بدون إجفال
« ومشاعرنا حقيقيّة وهذا اللي يكفيني »
فمان الله بدون وِداع لو دمعي عليك أنهال
أخاف اجرحك في صمتي وفي تلويحة يديني

[𝓖 @ghaydalts]

سبّع سنين من عُمري معك كانت غطى وجِلال
سبّع سنين و يدينك .. ما ترخي مسكة يْديني
تمنّيتك .. وانا الّلي ما لمح قلبي طرف رجّال
وشفتك يا أطهر آمالي حبيبي وأعذب سنيني
ورسمت مْن الغرام أحلام ورديّة سنين طوال
وعطيتك قلبي و عمري قبل قلبك .. يلبيني

[𝓖 @ghaydalts]

سترتك في سكوتي عن قساوة شرهة العذال
أخاف من الكلام اللي .. يتعبني ويبكيني
زهاك البشت يا قلب .. كسر بي قيمة الآمال
خذاك اللي سرق غصنٍ زرعته في بساتيني
حسبت إنك نصيبي ما دريتك يا حبيب البال
بْتبقى.. ذنبي اللي ليت ربي عنك يهديني