ِ

جنابِ يستظلون اكثر العربان في ظله

[ِ @ghzmut_]

للمشاوير صوت وللحياة ألوان
وللرسايل قصيد وذكريات وشوق

كنت أدوّر على أدنى سالفة.. والآن
تاركٍ في زوايا الذاكرة طاروق

[ِ @ghzmut_]

كان ودك تدس المُرّ فـ الحالي
حالف إني لا أمشّي الوضع ، ماكنّه

واجد اشكال مرتني على فالي
تترك الفرض وتسولف عن السنه

[ِ @ghzmut_]

تسيّد حضورك شعور القلب ياسيد الملاح
ولا فيه نبضة قلب رمشك مايثير إعجابها

ياملح نجد وزين نجد من الرياض اليا رماح
شعرك لياليها وطغيانك غرور إعرابها

[ِ @ghzmut_]

أنا ماعلي خلاف وأدري عليك خلاف
بعد سارت أقدامك .. على درب منزالي

[ِ @ghzmut_]

وشلون أملّ المكـابر فالأمور الكـبار
و الكبرياء جزء من نفسي و تكوينها

عجزت لا أناظر الدنيا بعين انكسار
أدعـس على غـارب الأيام و أهينها

ما يعتذر بالظـروف إلا عديم القرار
و ما يبكي من الحيـاة إلا مساكينها

[ِ @ghzmut_]

تكودي يالظروف ويالليال اقسي
وزيديني من الضمى ياقاعي الرمضى

والله ليضحك حجاجي والتعب منسي
لو ان دربي طويل وفوضتي فوضى

انا مايملى على راسي سوا هجسي
ماهمني وش تقول العالم المرضى

ما ادور من الرضا الا رضى نفسي
لا زعلت الناس جعل الناس ماترضى

[ِ @ghzmut_]

وعن الشك لا صارت ورود الطريق امواس
تساميت في مرقاي والله يحييني

وصواديف بقعى اللي تنزل وترفع راس
سلامي على صكاتها والنعم فيني

[ِ @ghzmut_]

أتلى عهدنا يوم قلت مسافر قريّب .. بدو
والبدو تطلق كلمة قريّب على الشي البعيد

[ِ @ghzmut_]

تزاحم الضّيقات .. بالصدر الرحيب

[ِ @ghzmut_]

بين عفويّة مزاجي وبين العنفوان
أعطي العالم على قدرها وأسلوبها

[ِ @ghzmut_]

يقولون من خاف القضا جنّب المحراف
تركّد على عمرك ترى العمر له قيمه

وانا اقول ماتسلم من الموت ياخوّاف
لو إنك تموت بدون طقّه وتعليمه

ذليله حياة اللي مايعرف ولا ينشاف
لو إنه بخير ونعمه وراحه مقيمه

عساها فدا راسي وانا اعدّي المشراف
اناطح مقاديم السحاب بـ مقاديمه

[ِ @ghzmut_]

قلبي ماهو بمسخرٍ نبضه لـ وردٍ فيه شوك
ونفسي ماهي مرهونه لضيقة عصير ولا عصر

حتى الكلام اللي يعقّد حاجب الوجه الضحوك
احب اقوله بالفم المليان ماحب اختصر

شاعرك مهما قال فيك من الغزل يابنت ابوك
ماهو بعبد لسلهمة عين وتثناية خصر

[ِ @ghzmut_]

أنا لو ضاعت الدنيا وراي وزادت الأتعاب
أجي كني صباح كل هالعالم تهذري به

[ِ @ghzmut_]

شاب الشعر ياعبيد
It’s my birthday

[ِ @ghzmut_]

وأجلّس كل نفسٍ .. فالمكان اللي يناسبها

لا تكبّر الصغير وتبلش به

[ِ @ghzmut_]

لا جيت في القمه تحمّل هواها
ترا هواء القمه يجي دايماً صلف

[ِ @ghzmut_]

زعَلك مايفرق ولا يفرق رضاك
واحد ولا تلقى مع الواحد إنا

حنا تعودنا الردى منك وعفاك
والكلمه اللي ما هيب حق عنّا

من رخص وقفاتك ومن ضعف مبداك
كن الزمان بمعرفتك امتحنا

لو نقدر نبيعك على الناس بعناك
المشكله محدٍ بشاريك منا

[ِ @ghzmut_]

ما أنولدت أوقّف على شفة الخوف
ولا أنولدت أقول .. طاح وخذيته

[ِ @ghzmut_]

يكسر الليل ضلعٍ مثل قوس الربابه
والمدى ما وراه الّا نصايب جْراحي

يوم أعدّي بعيني فوق متن السحابه
كنّي أدفّها عنوة، وأجرّي رياحي

للقلق والطواري والمللّ والرتابه
جرةٍ ما قطع خطواتها إلّا رماحي

[ِ @ghzmut_]

ياعبيد ماحنا من اللي يقادون
حنا نقود الناس ياعبيد معنا

#زعل_الديحاني